1 SAMUEL 6:20 - WUKE SUSI WATTI'U AL᷊AL᷊USASSA

²⁰ Ana see tumana'u Bet-Semes nabbisara, “Isai wotongnge sumaruanna Mawu, Ruata Apan Susi udde? Watukkuapa ṛinone wantalla udde iuntudda, tadea'u marau wuassi ite?”

1 SAMUEL 6:20 ပူးပေါင်းရင်းမြစ်များ

2 SAMUEL 6:7

Orassa udde lai Mawu Ruata nasa'u si Uza, ana waugu inolaanne udde naola'a sambau aal᷊uandaga su Mawu. I Uza nipate-Ne sutampa udde, maranin Wantallu Pa'aire.

2 SAMUEL 6:9

Arawe i Daud matta'uttu Mawu lai wuṛṛu nabbisara, “Orassa indi ereapate Wantallu Pa'aire udde wotongnge ta'u iaapidda?”

DARALO 76:7

Anambon awal᷊o wuṛṛu sumasa'ene nanawo nate ṛatangannu asasa'u-Nu, oh Ruatan Yakub!

IMAMATTA 11:44

Ete i Ya'u Mawu Ruatanu, ana waugu udde paariagaite tadea'u i yamiu sidutu susi, ana waugu i Ya'u susi.

IMAMATTA 11:45

Ete i Ya'u Ruatanu apan nangapiddi yamiu sinumabbangnga wuassu Mesir, tadea'u i Ya'u wotongnge maola'a Ruatanu. Ṛinone i yamiu susi, ana waugu i Ya'u susi.

MALEAKHI 3:2

Arawe isai wotongnge maataṛṛangnga sutempo allon Mawu rumanta wuṛṛu maipasilon batangan-Ne? Ana waugu i Tou naal᷊ihidda mamamaresi wul᷊awanna, wuṛṛu naal᷊ihidda sabonna mabbawansalla.

LUKAS 5:8

Napawe i Simon naasilo olangnge udde, i tou inumal᷊intuda su saruannu Mawu Yesus, see nabbisara, “Tantanga'e i ya'u, Mawu! ana waugu i ya'u taumata marosa!”

LUKAS 8:37

See anambon tumana'u leta'u Gerasa udde sinumal᷊ande Mawu Yesus tadea'u i Tou manantangngu tampa udde, ana waugu i mangitou nambo matta'utta. Nariaddi Mawu Yesus sinuma'ete saalanna inaite mapul᷊e.

SONDAPPA 6:17

Allo ma'asansara nirumantate, orassa indi i mangitou napaasabangu asasa'un mangitou, wuṛṛu tawe saran sangkatou apan wotongnge sumaruanna si mangitou!”

1 SAMUEL 5:7

Napawe i mangitou naapendamma sarangkanambone apan nariaddite si mangitou udde, i mangitou nabbisara, “Ruatan Israel nakkuumanni ite wuṛṛu monganni ite i Dagon. I ite imbaṛṛangnga mamalan Wantallu Pa'aire-Ne uaraddo isindi mal᷊annu lai.”