1 SAMUEL 6:2 - WUKE SUSI WATTI'U AL᷊AL᷊USASSA

² taumatan Filistin namago manga imam wuṛṛu manga taṛṛa wal᷊iimmata ana see naiwal᷊o, “Urante si ite Wantallu Pa'airen Mawu udde? Amungkangu iapawelengngi ite su tampane, ereapa lal᷊anne?”

1 SAMUEL 6:2 ပူးပေါင်းရင်းမြစ်များ

PANDARIADDI 41:8

Marua allone ratu sussinggawangke, ana waugu udde i tou nandolokka niapawago anambon taṛṛa pani'atta wuṛṛu taumata pia asingkanne su Mesir. Ana see nabbati'u wal᷊iawane si mangitou, arawe tawe saran sangkatou apan botongnge manal᷊a'an atappasanne.

SASABANGNGA 7:11

Ana waugu udde ratu lai namaggo manga taumatane apan pia asingkanne wuṛṛu taṛṛa wal᷊iimata, ana see i mangitou lai na'ola'a aroddi ringannu apande mangitou.

YESAYA 2:6

Oh Ruata, I'o nanantangken uman-Nu, papapulunni Yakub! Ana waugu su al᷊awo'u tampa su wanua indi taumata mappaattu daroa apan darantane wuassu ra'i wuṛṛu wuassu Filistin. Manga taumata mattanno inanaramannu taumata raho.

DANIEL 2:2

Ana waugu udde aroddi i tou namaggo taṛṛa si'atta, taṛṛa ropa, taṛṛa pasangkadda wuṛṛu manga taumata pia asingkanne, tadea'u iapatal᷊a'an wal᷊iawane udde.

DANIEL 5:7

Ringannu mangngintul᷊i i tou maddorongnga tadea'u manga taṛṛa si'atta, taṛṛa ṛopa wuṛṛu mapapaden anumpitanna waggoanna. Sutempo i mangitou nirumanta, ratu nabbisara, “Isai-sai wotongnge maawasan woṛṛetta udde wuṛṛu mamasingkattu atappasanne si ya'u, sarun ta'u onggol᷊annu laubba araratuangku juba ungu wuṛṛu wual᷊awanna tatialan aadatta. Wal᷊ine wua'udde lai i tou sarun ta'u itenega maola'a tembonannu atallune sul᷊ummu araratuangku.”

MATIUS 2:4

Ne i tou nandolokken anambon imam tembonanne wuṛṛu manga hurun agama taumatan Yahudi rumanta maammulla. See i tou naiwal᷊ote si mangitou, “Suapa sarun masungkangnga Ratu apan suete nipa'iren Ruata?”

1 SAMUEL 5:8

Ana waugu udde i mangitou namaggo siri lima ratun Filistin tadea'u ma'ammulla, ana see maiwal᷊o, “Urante si ite Wantallu Paairen Mawu Ruatan Israel udde?” Manga ratu udde sinumimbakka, “Ingkata'e watukku soa Gat.” Nariaddi, wantalla udde niingkatte watukku soa Gat, sambau soan taumatan Filistin waine.

1 SAMUEL 6:1

Napawe Wantallu Pa'airen Mawu uaraddo su Filistin pitu wul᷊anna al᷊annune,