1 SAMUEL 6:17 - WUKE SUSI WATTI'U AL᷊AL᷊USASSA

^17-18 Ringannu aroddi taumatan Filistin buatte nangonggolla su Mawu sasamba aampungnga rosan tumana'u lima soa apan paparentannu siri lima ratun Filistin. Manga soa udde eteudde; Asdod, Gaza, Askelon, Gat wuṛṛu Ekron. Suwallattu manga soa udde pia tanda'a watune, piaddu lai tawe. Suapan soa udde napaapiddu sangkangkumma wul᷊awanna wuṛṛu sambau wal᷊awo wul᷊awanna. Tatialan arariadianna udde eteudde watu wahewalla tampan mangitou nangaddon Wantallu Paairen Mawu. Naddatingngu allo indi watu udde ta'e su wailli Yosua taumatan Bet-Semes udde.

1 SAMUEL 6:17 ပူးပေါင်းရင်းမြစ်များ

2 SAMUEL 1:20

Antimanna manga taumatan Gat tawe maaringikka watti'a udde. Antimanna manga lal᷊anna addio'a su Askelon tawe maasomba watti'a udde. Arie ma'oman sara wawinen Filistin lumala'a arie ma'oman sara wawine apekka maggahio lal᷊uassa.

2 SAMUEL 21:22

Siri appatta apan niapaten Daud wuṛṛu tantarane udde, eteudde papapulunnu wawalla su Gat.

2 MARARATU 1:2

Su allo sambau i Ratu Ahazia wuassu Israel nanawo wuassu panumbal᷊e al᷊iurosone wuassu wal᷊en araratuanna su Samaria, na'oman sara i tou nal᷊essa wahewalla. Ne i tou nandolokku taumata iapaiwal᷊o si Baal-Zebub, mongannu soan Ekron su Filistin, tanne i tou mapia wuassu radda'a ara'e tawe.

2 TAWARIKH 26:6

Uzia napapangalo nando'appa taumatan Filistin. I tou nanggohakku manga tanda'u watu su soa Gat, Yabne, wuṛṛu Asdod, ana see napararisikku manga soa pia tatandange watu maranin Asdod wuṛṛu su wageangnge waine su Filistin.

IMAMATTA 5:7

Arawe amungkangngu taumata nassal᷊a udde tawe maasaddia domba ara'e ambinga ipanubbussa rosane, i tou ṛinone mangapiddu sampare manu'a bakiangnga ara'e manu'a merpati saṛṛen tumuwo, sambau maola'a sasamba ipangampunga rosa, wuṛṛu sambau lai maola'a sasamba itatambunna.

AMOS 1:6

Mawu nabbisara, “Tumana'u Gaza masokkate ma'ola'a rosa, ana waugu udde i Ya'u sarunmakkuumanni mangitou. I mangitou buatte naṛṛuwo sambau walahanna sarangkanambone, ana see niwal᷊u'a maola'a allangnga su taumatan Edom.

AMOS 6:2

Roote pa'ellega su Kalne, wua'udde asal᷊ate amatta watukku Soa Hamat apan wahewalla udde, wua'udde wuatukku soa Gat su Filistin. Sunnanu manga soa udde mappianne wuassu araratuannu Yehuda wuṛṛu Israel? Apa wageangngu leta'i mangitou maggewal᷊anna wuassu wageangngu letangngu?

TAHIUL᷊E 28:27

Mawu sarun makkuumanni yamiu ringannu manga pinsulla ere lai buatte niolangnge su taumatan Mesir. Wadangngu sarun mapenen ibbongnga wuṛṛu akke apan maatilla, arawe tawe undamme.

MAL᷊AṚṚUUNGNGA 1:18

Mawu nantul᷊ungngu taumatan Yehuda na'oman sara i mangitou wotongnge napangaṛṛo wageangngu panenteanna. Arawe i mangitou tawe napaangaṛo Gaza, Askelon ara'e lai Ekron wuṛṛu manga wanua maranine, ana waugu manga walahanna apan uatana'a su al᷊o'engngu apanne, uatahuanna manga kereta pangalo wuassu atta'a; ana waugu udde taumatan Yehuda tawe naal᷊imbuakka si mangitou.

MAL᷊AṚṚUUNGNGA 14:19

Inaṛombanganne i Simson nabbal᷊i natohassu taṛinon Mawu, ana see i tou inaite watukku Askelon. Poiaroddi i tou namate tallun pul᷊o esakka apan ual᷊uṛen laubba mangkapia. I tou nanganu laubbi mangitou udde wuṛṛu nionggola su siri tallun pul᷊o apan buatte nani'attu ao'one udde. Wua'udde i tou napul᷊ete su wal᷊ene ringannu naungnga mappau.

MAL᷊AṚṚUUNGNGA 16:1

Su allo sambau i Simson inaite watukku Gaza. Poiaroddi i tou nassomban sangkatou wawine masandaga, ana see i tou inaite natiilla ringannu wawine udde.

MAL᷊AṚṚUUNGNGA 16:21

Ne manga taumatan Filistin nanamette si tou wuṛṛu nallasso'a matane. I mangitou nangapiddi i Simson watukku Gaza wuṛṛu niṛapussu darua ṛate witu'a, ana see nitaṛo su tatupanna. Poiaroddi i tou niapamanara manggilinga.

1 SAMUEL 5:1

Napawe taumatan Filistin buatte nangaṛṛo Wantallu Pa'airen Duata, i mangitou nangapidda wuassu Eben-Haezer watukku soan mangitou Asdod.

1 SAMUEL 5:10

Ana see Wantallu Pa'aire udde niuntudda watukku Ekron, soan Filistin waine lai. Napawe wantalla udde na'omate isudde, tumanangnge niumui, wisarane, “Wantallu Paairen Mawun Israel udde niapidda isindi tumba'u iapapate si ite sarangkanambone.”

1 SAMUEL 5:8

Ana waugu udde i mangitou namaggo siri lima ratun Filistin tadea'u ma'ammulla, ana see maiwal᷊o, “Urante si ite Wantallu Paairen Mawu Ruatan Israel udde?” Manga ratu udde sinumimbakka, “Ingkata'e watukku soa Gat.” Nariaddi, wantalla udde niingkatte watukku soa Gat, sambau soan taumatan Filistin waine.

1 SAMUEL 6:4

“Aonggola apate apan ṛinone ionggolli ite si Tou?” aiwal᷊on manga taumata udde. Manga imam udde sinumimbbakka, “Lima su waune bau wul᷊awanna wuṛṛu lima su waune lai wal᷊awo wul᷊awanna, uasul᷊ungngu anambon reengannu ratun Filistin. Wal᷊inewe radda'a hanne buatte naṛṛia'a si yamiu sarangkanambone, mawae ete su tumanangnge aroddi lai su ratu?