1 SAMUEL 31:1 - WUKE SUSI WATTI'U AL᷊AL᷊USASSA

¹ Tantal᷊anna udde taumatan Filistin uapapangalote nando'appa taumatan Israel su panenteannu Gilboa. Manambo taumatan Israel nate isudde, wuṛṛu ingana'a waine nasutta i Saul wuṛṛu manga anangnge esakka tinumal᷊angngu watanganne.

1 SAMUEL 31:1 ပူးပေါင်းရင်းမြစ်များ

2 SAMUEL 1:21

Ei manga wuiddu Gilboa, paddaringikka wisara'u; Arie ma'oman sara wal᷊angngukka wuṛṛu uranna maaṛṛolo si'o! Wala'ewe mamara wuṛṛu maṛṛasa leta'u wawail᷊annu wuṛṛu wadda'a. Ana waugu ete poiaroddi nirangkalle allungngu taumata waṛṛani. Wuṛṛu allungngi Saul nitaiante, tate lai lananna.

2 SAMUEL 1:6

I tou sinumimbakka, “Allangngu nassuhanne isudde su Wowon Gilboa, ana see naasilo si Saul uasandakka su sambeangnge, wuṛṛu manga kereta see lai tantaran seetta uasa'e awal᷊o, maranite mamangalo si tou.

1 SAMUEL 12:25

Arawe amungkangu i yamiu sidutu ma'ola'a rosa, ne i yamiu wuṛṛu ratunu sarun mate.”

1 SAMUEL 28:1

Manga pira tempo wua'udde taumatan Filistin nangapiddu tantarane inai mamangalo Israel, ne i Akhis nabbisara si Daud, “Asinungka i'o ma'asunna manungku i'o wuṛṛu tantaranu ṛinone manamba'a si ya'u.”

1 SAMUEL 28:15

Wua'udde i Samuel nabbisara si Saul, “Anio i'o nanal᷊asa'u? Anio i'o namaggo si ya'u apia?” I Saul sinumimbakka, “I ya'u nial᷊iwunete ana waugu nipangaloannu taumatan Filistin, see lai Mawu nanantangkute. I ya'u tate lai sinimbaṛṛan-Ne, mawae ete wuassu manga nabi, ara'e lai ringannu wal᷊iawa. Ana waugu udde ya'u sumal᷊ande si Papa, tadea'u i Papa mamasingkatta manara apan sarun ta'u olaanna.”

1 SAMUEL 28:19

I'o wuṛṛu manga taumatan Israel sarun itantillu Mawu su taumatan Filistin. Tiṛṛabbi i'o wuṛṛu manga anangngu esakka sarun maammulla ringangku; ewe'e lai anambon tantaran Israel sarun itantillu Mawu su taumatan Filistin.”

1 SAMUEL 28:4

Ne napawe tantaran Filistin uaammulle wuṛṛu naddasanna maranin Soan Sunem, i Saul nangammullu lai taumatan Israel, ne i mangitou naddasante su Wowon Gilboa.

1 SAMUEL 29:1

Taumatan Filistin nangammulu anambon tantarane su Afek, ewe'e taumatan Israel naddasanna maranin al᷊imatan kua'e su Wawal᷊annu Yizreel.