1 SAMUEL 30:6 - WUKE SUSI WATTI'U AL᷊AL᷊USASSA

⁶ Tantaran Daud lembon nasusa ana waugu niawul᷊ianten ana'a wuṛṛu awingngi mangitou. Ana waugu udde i mangitou nanuntungngu watu si Daud. Nariaddi i Daud sulal᷊umme asasusa apan bahewalla, arawe naungnge nitohassu Mawu Ruatane.

1 SAMUEL 30:6 ပူးပေါင်းရင်းမြစ်များ

PANDARIADDI 32:7

Naaringikka udde i Yakub tumanite nata'utta wuṛṛu mappawangnga. Ana see manga taumata apan su sampunna ringanni tou nitahia nabbal᷊i ruang kawageanganna, aroddi lai domba, ambinga, sapi wuṛṛu untane.

2 SAMUEL 17:8

I Tuangnga asinungka masingkatta manungku i Daud wuṛṛu tantarane uddewe manga taumata apan matohassa wuṛṛu waṛṛani. I mangitou mal᷊aṛṛaga naal᷊ihidda beruanga wawine niawul᷊iannu anangnge. See lai i Daud sangkatou tantara apan piate asingkatta apan taambe saran paassa natiila ringannu tantarane.

2 MARARATU 4:27

Arawe sutempo na'omate ringanni Elisa, i tou niumal᷊intudda wuṛṛu nakka'uppa leddon Elisa. I Gehazi maapulu mapa'ingkati tou wua isudde, arawe i Elisa nabbisara, “Wala'e aroddi! Aellehanna i tou mangke massusa. Arawe Mawu tawe namasingkatu manga apa si ya'u!”

AYUB 13:15

I ya'u nauutulle ana waugu niasueanten ṛingidda! Amungkangngu Ruata mappulute mamate si ya'u, i ya'u manantilla, arawe i ya'u sarun manahekku pallal᷊agu'u su saruan-Ne.

DARALO 116:10

I ya'u sidutu mangimanna, salaiwe i ya'u mabbisara, “I ya'u tumaniten niallangnga.”

DARALO 138:3

Sutempo i ya'u sussal᷊ande Si'o, I'o sinumimbakka, I'o nanohassa naungku na'oman sara i ya'u nabbal᷊i waṛṛani.

DARALO 18:2

I ya'u marangngu Si'o, oh Mawu, Ete I'o atatoha'u.

DARALO 18:6

I ya'u papal᷊iwutannu silakan papate wal᷊ati'u papate udde su saruangku.

DARALO 25:17

Asasusan naungku mangke aatambanna liuaawe i ya'u wuassu asasausa'u.

DARALO 27:14

Pangantimpe sidutu su Mawu, tohasse wuṛṛu patammura'e naungku; ore, pangantimpe Mawu!

DARALO 31:24

Pandangngute Mawu, ei anambon al᷊aṛṛanang-Nge, Mawu mallu'adda taumata apan matuṛṛutta. Arawe taumata mawunga niṛṛuuman-Ne ringannu tawe umakkanna.

DARALO 42:11

Naungku naṛṛimunsa'a ana waugu aal᷊uandagu seetta. I mangitou sidutu ma'iwal᷊o, “Suapate Ruatanu?”

DARALO 42:5

Naungku massusa napawe maanaungnga tempo dorone, sutempo i ya'u mattudda Wal᷊en Mawu suadio'a ringannu awadaalla apan mallaghun damea. I ya'u u'amatta su saruannu ammul᷊anna ringannu huggio wuṛṛu antarin daralo.

DARALO 42:7

Su leta'a pamamanguanna indi naungku naṛimunsa'a, ana waugu udde i ya'u nanaungnga Mawu. Niawa'u nielekku saggan asasusa, i ya'u niṛṛammon manawangu al᷊iba'ukka; naal᷊ihidda tingikku ampassu Sal᷊ukku Yordan wuassu Wowon Hermon wuṛṛu Wowon Mizar.

DARALO 56:11

I ya'u maddalo Mawu Ruata, ana waugu apa apan buatte nipa'ire-Ne.

DARALO 62:1

Su piaṛṛa'u mangangantari. Tumuṛṛuttu: Yedutun. Daralon Daud.

DARALO 62:5

I yamiu tumba'u pia pandumma mangema'i tou, wuassu aiananne apan matanggakka. I yamiu apulune mangngawusu; ringannu moṛongngu i yamiu mangngal᷊amatta, arawe sulal᷊ummu naungngi yamiu mammontoga.

DARALO 71:4

Oh Ruata'u, liuaawe i ya'u wuassu taumata lal᷊eo, wuassu taṛinon manga taumata wal᷊iu wuṛṛu maṛṛagissa.

DARALO 71:5

Ana waugu ete I'o aantimangku, oh Mawu, Mawu, i ya'u mangimanna Si'o ro'en i ya'u ta'e dario'a.

SASABANGNGA 17:4

Ne i Musa sinumal᷊andete Mawu, wisarane, “Apa ṛinone ta'u olaanna su manga taumata indi? Pa'ellege, i mangitou ma'apulu manuntungngu watu si ya'u.”

AMSAL 18:10

Mawu udde naal᷊ihidda menara apan matohassa; ete poiaroddi taumata matul᷊idda inai wuṛṛu maasomba tampa apan mal᷊angnganna.

YESAYA 25:4

Ana waugu I'o nabbal᷊i tatal᷊angannu taumata lome, tampa apan mal᷊annabba su taumata asiangnga sulal᷊ummu asasusa. Ete I'o pattilindumanna su anginna al᷊isusu, pattillummanna su paddissa masal᷊ihangnga. Ana waugu taumata maṛṛagissa namangalo naal᷊ihidda anginna al᷊isusu sutempo mangnguranna

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

YUNUS 2:2

“Oh Mawu, sulal᷊ummu asasusa'u i ya'u sumalande Si'o wuṛṛu I'o sinumimbakka si ya'u. Wuassu runian taumata nate i ya'u naddorongnga aontolla, sasal᷊ande'u niraringiṛṛan-Nu wuṛṛu niellehan-Nu.

REENGANNA 14:10

Tumanangnge sarangkanambone mammansaga manuntungngu watu si mangitou ma'oman sara mate. Arawe inaṛṛombanganne manga taumata udde naasilo semakku Mawu lullendappa sinumabangnga wuassu Rasan-Ne.

MATIUS 21:9

Taumata nambo apan u'amatta rorone, wuṛṛu su liuddu Mawu Yesus u'ui, “Awawantuga su Ana'i Daud! Nial᷊amatanna i Tou apan nirumanta ringannu arannu Mawu! Padalote Ruata apan Atanggaṛṛanne!”

MATIUS 27:22

“Amungkangngu aroddi, i ya'u ṛinone ma'ola'a apa su Mawu Yesus apan isassaggo Kristus?” aiwal᷊om Pilatus si mangitou. “Arussa'a i Tou!” sasimbakki mangitou sarangkanambone.

YOHANES 8:59

See manga taumatan Yahudi nanganute watu ipanuntungnga si Tou; arawe Mawu Yesus na'imbuni, see napul᷊ete nanantangngu Wal᷊e Mawu.

ROMA 4:18

Abraham sidutu mangngantimma wuṛṛu mangngimanna salaiwe tate antimma lai. Ana waugu udde i tou naola'a iamangngu al᷊awo'u walahanna. Ere uawoṛṛetta sulal᷊ummu Wuke Susi, “Walahannu sarun mariaddi manambo atonna.”

ROMA 4:20

I tou sidutu mangngimanna wuṛṛu tawe mappapadua su paairen Duata. Ewe'e naatohassa lai pangangimanni tou, na'oman sara sidutu i tou mangke maddalo Ruata.

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

2 KORINTUS 1:6

Amungkangngu i yami uasaruanna asasusa, udde pandumanne ipannohassa naungngu, tadea'u i yamiu masal᷊amatta. Amungkangngu naungngi yami tohasanna, ne i yamiu lai tattohasanna ma'oman sara i yamiu maola'a masabbare sulal᷊ummu manga asasusa ere lai niapendamanni yami.

2 KORINTUS 4:8

I yami niapaasal᷊a wuassu al᷊awo'u tampa, arawe i yami tawe nia'ul᷊uhanni mangitou. I yami tuttiangnga arawe i yami tawe awul᷊iannu antimma.

2 KORINTUS 7:5

Napawe i yami na'omate su Makedonia lai, yami tawe naaillol᷊o. Wuassu al᷊awo'u inolaanna i yami naasomba asasusa: wuassu inolaanna waine pattatatiakka, wuassu naungnga sassane atata'utta.

IBRANI 13:6

Ana waugu udde i ite waṛṛani mabbisara, “Eteudde Mawu Matatul᷊ungku, i ya'u tawe matta'utta. Apa apan wotongnge olaannu taumata su saruangku?”

MAL᷊AṚṚUUNGNGA 18:25

Unnu manga taumatan ruanganni Dan udde, “Mappianne paal᷊annaba; arie ma'oman sara manga taumata indi mabbal᷊i masa'u ana see mamangalo si'o. Sal᷊immurine i'o wuṛṛu amonannu mate.”

MAL᷊AṚṚUUNGNGA 20:22

Ana waugu ararugine udde, walahannu Israel inaite watukku tampa patataṛamawuana ana see nilumuai su Mawu poiaroddi na'oman sara ṛabbite. I mangitou naiwal᷊o, “Mawu, ṛinone yami inai apia mamangalo manga tuṛangngi yami manga taumatan Benyamin udde?” Mawu sinumimbakka, “Ore, roote.” Ana waugu udde ammul᷊annu tantaran Israel nabbal᷊i matohassa apia, na'oman sara i mangitou nangatokku apia tantaran mangitou ere lai su allo paarorone.

1 SAMUEL 23:16

Yonatan inaite naisasomban tou tadea'u manohassa pangangimanne manungku i tou sarun darundinganannu Ruata.

1 SAMUEL 28:15

Wua'udde i Samuel nabbisara si Saul, “Anio i'o nanal᷊asa'u? Anio i'o namaggo si ya'u apia?” I Saul sinumimbakka, “I ya'u nial᷊iwunete ana waugu nipangaloannu taumatan Filistin, see lai Mawu nanantangkute. I ya'u tate lai sinimbaṛṛan-Ne, mawae ete wuassu manga nabi, ara'e lai ringannu wal᷊iawa. Ana waugu udde ya'u sumal᷊ande si Papa, tadea'u i Papa mamasingkatta manara apan sarun ta'u olaanna.”