1 SAMUEL 30:23 - WUKE SUSI WATTI'U AL᷊AL᷊USASSA

²³ Arawe i Daud sinumimbakka, “Tuṛṛa-tuṛṛangku, imbaṛṛangnga i yamiu pia inolaanna aroddi ringannu manga apa apan buatte nionggollu Mawu si ite! Wal᷊inewe i ite buatte nilu'aran-Ne wuṛṛu naauntungnga su ammul᷊annu taṛṛa aṛṛo udde?

1 SAMUEL 30:23 ပူးပေါင်းရင်းမြစ်များ

PANDARIADDI 19:7

i tou nabbisara su manga taumatan Sodom udde, “Manga tuṛṛangnga, i ya'u sumal᷊ande, ariewe ma'ola'a inolaanna al᷊eone aroddi!

HABAKUK 1:16

Ana see soma udde nionggolli mangitou wuṛṛu niola'a sasamba, ana waugu ringannu soma udde i mangitou buatte naasomba wiakka manambo-nambo wuṛṛu mabbiakka su lal᷊umanna'a.

WATTI'U MANGA RASUL 22:1

“Manga iamangnga wuṛṛu manga tuṛṛangnga sarangkanambone! I ya'u sarun manapputu atatul᷊i'u si yamiu. Daringiṛṛe'o!”

WATTI'U MANGA RASUL 7:2

I Stefanus sinumimbakka, “Manga tuṛṛangnga wuṛṛu manga Iamangnga! Padaringikka si ya'u! Tantal᷊anna iupungngu al᷊amonang kite Abraham taambe nangingkatta watukku Haran, su tempo i tou ta'e uatana'a su Mesopotamia, Ruata apan mawantuga nirumanta ringanni tou

TAHIUL᷊E 8:10

I yamiu sarun umanna walate apulun naungngu, wuṛṛu ma'adiangkamanna su Mawu Ruatanu ana waugu leta'a masuwukka apan nionggolu Mawu si yamiu.”

TAHIUL᷊E 8:17

Nariaddi, arie saran paassa i yamiu maṛṛingidda manungku ringannu apulu wuṛṛu atatohannu sassane i yamiu wotongnge mabbal᷊i ala.

TAHIUL᷊E 8:18

Naunge manungku tumba'u Mawu Ruatanu apan mangonggolu paa'ala udde si yamiu. Olangnge udde niola'i Tou ana waugu na'oman sara allo indi i Tou ta'e uaagassa su pa'aire apan niolangnge-Nge ringannu iupungngu al᷊amonanu.

MAL᷊AṚṚUUNGNGA 19:23

Timmade udde sinumabbanga wuṛṛu nabbisara si mangitou, “Arie, manga tuṛangnga! I ya'u sumal᷊ande, arie pa'ola'a inolaanna apan lal᷊eo wuṛṛu ipaadiri ereudde, ana waugu i tou raho'u.

1 SAMUEL 2:7

Pia taumata apan niolang-Nge asiangnga, piaddu lai apan niolang-Nge ala. Pia taumata apan niapaawawo-Ne, piaddu lai niapaatanggakku Mawu.

1 SAMUEL 30:22

Arawe suwallattu tantaran Daud apan suadio'a uatantalongnga si tou, piaddu lai lal᷊eo wuṛṛu wal᷊iu. I mangitou nabbisara, “Manga taumata indi tawe tinumantalongnga; nariaddi i mangitou tawe maasomba manga apa wuassu saranapa niaaṛṛo udde. I mangitou tumba'u wotongnge mangal᷊appa ana'a awingngi mangitou, wua'udde apul᷊ete.”

1 SAMUEL 30:24

Nariaddi imbaṛṛangnga pia sangkatou matatuṛṛutannu darorongnga udde! Sarangkanambone ṛinone maasomba tahia apan uasul᷊ungnga anambone; taumata apan natana'a uariaga saranapa ṛinone maasomba lai tahia apan uasul᷊ungnga ere lai taumata apan inai napapangalo.”

1 SAMUEL 30:8

Wua'udde i Daud naiwal᷊ote Mawu, “Ṛinonewe ya'u mangenggenna ammul᷊annu taumata namangalo udde? Wotongngewe ya'u manantuṛṛutta si mangitou?” Mawu sinumimbakka, “Ore enggenete; i'o sarun maatantuṛṛutta si mangitou wuṛṛu maapallossu manga taumata apan nisametti mangitou.”