1 SAMUEL 30:16 - WUKE SUSI WATTI'U AL᷊AL᷊USASSA

¹⁶ Ana see i tou nanguntuddi mangitou su tampan taumata lal᷊eo udde. Sutempo udde, ammul᷊annu taumata lal᷊eo udde uasal᷊iawukka su ahewallu tampa, lapiddu u'anna, ma'inumma wuṛṛu na'ola'a andeangngu lal᷊ala'a ana waugu aroddi anambone saranapa apan niaaṛṛo wuṛṛu buatte niapiddi mangitou wuassu wanua Filistin wuṛṛu Yehuda.

1 SAMUEL 30:16 ပူးပေါင်းရင်းမြစ်များ

2 SAMUEL 13:28

I tou namarenta manga allangnge, “Paellehe paapia-pia, napawe i Amnon wu'ante ana waugu na'inumma anggore, i ya'u sarun mamarenta, wua'udde patete i tou. Arie pa'ata'utta. I ya'u te sumaruanna olangnge udde. Pammanarate ringannu waṛṛani wuṛṛu imbaṛṛangnga mapapaddua!”

1 TAWARIKH 4:43

I mangitou namate manga taumatan Amalek lambene, ana see namanuate isudde nanattakka orassa udde.

AYUB 20:5

al᷊al᷊uassu taumata lal᷊eo tumba'u tal᷊angkadio'a, wuṛṛu lal᷊umanna'u taumata mal᷊awangnga tumba'u sangkaṛṛondappa?

DARALO 119:162

Paaire-Nu naal᷊uassa si ya'u, ere sangkatou taumata apan naasangkalla darotongnga.

SASABANGNGA 32:6

Tiṛṛabbine marua' allo maṛṛanggapa, manga taumatan Israel nangapiddu manga pira winatangnga olaanna sasamba itattambunna, wuṛṛu manga pira lai olaanna sasamban paddarame. I mangitou niuma'ianna u'anna wuṛṛu ma'inumma, ana see nabbuatta ana waugu lulluassa.

YESAYA 22:13

Arawe mappianne, i yamiu pallal᷊umanna'e wuṛṛu papesetta. I yamiu pakkata sapi wuṛṛu domba, uminassa ṛemessa wuṛṛu ma'inumma ua'e anggore lapiddu mabbisara, “Wette i ite umanna wuṛṛu ma'inumma, ana waugu tiṛṛabbi i ite matete!”

YESAYA 9:3

I'o buatte nanaṛṛia'u winabbawane apan mawakkatta wuṛṛu alu papasanna wuassu wambangnge. I'o namaddon walahanna mangngallanga udde apan mammaṛṛangnga uman-Nu. Ere lai sutempo apan nanangkal᷊iu sutempo I'o namaddon tantaran Midian.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

MAL᷊AṚṚUUNGNGA 8:11

I Gideon nirumurukka su passarannu wadda'u anne su samba'a ra'in Nobah wuṛṛu Yogbeha ana see namangalo seetta ringannu namaṛindu'a.

1 SAMUEL 30:14

Yami buatte namangalo leta'a wageangngu taumatan Kreti su samba'an timukku Yehuda wuṛṛu su wageangngu leta'u amonanni Kaleb, wuṛṛu soa Ziklag nasuete nitutungngi yami.”

1 SAMUEL 30:15

Ana see i Daud naiwal᷊o si tou, “I'o maapulu manguntu'u su tampan taumata lal᷊eo udde?” I tou sinumimbakka, “I ya'u ma'apulu, sambal᷊iate i Tuangnga maddiandi si ya'u sulal᷊ummu arannu Ruata, manungku i Tuangnga tawe mamate si ya'u ara'e ya'u iuntuddi Tuangnga ringannu mawu'u.”