1 SAMUEL 3:11 - WUKE SUSI WATTI'U AL᷊AL᷊USASSA

¹¹ Ana see Mawu nabbisarate si tou, “I Ya'u sarun mandantan sambau inolaanna apan bahewalla su taumatan Israel, na'oman sara suapan taumata apan maaringikka sarun ial᷊iwune.

1 SAMUEL 3:11 ပူးပေါင်းရင်းမြစ်များ

2 MARARATU 21:12

Ana waugu udde, i Ya'u, Ruata apan sassubbannu walahannu Israel, sarun mandantan silaka apan bahewalla su Yerusalem wuṛṛu su Yehuda na'oman sara suapan taumata apan naaringikka ola'u hatto udde sarun ṛumoro.

AYUB 41:9

Suapan taumata apan naasilo Lewiatan, sarun mabbal᷊i lome ana se mawantingnga mapinsanna.

YESAYA 28:19

I yamiu sarun aṛṛiaannu asasusa mal᷊annu-l᷊annu wuṛṛu ṛinone maola'a bawawanna mamiallo, maruallo, allattune wuṛṛu ṛabbi. I yamiu sarun mangindon atata'utta napawe i yamiu maasunna tanatan Duata.

YESAYA 29:14

Ana waugu udde i mangitou sarun Ta'u paṛṛindu'anna ringannu puul᷊anna masokka-sokka. Taumata pande sarun mabbal᷊i woddo, wuṛṛu anambon apapande mangitou udde tawe gunane.”

YEREMIA 19:3

I Ya'u ṛinone mabbisara arendi, “Ei manga ratun Yehuda wuṛṛu tumana'u Yerusalem! Paddaringikka si Ya'u, Mawu Apan Lembontaṛṛino, Ruatan Israel, apan mabbisara si yamiu. I Ya'u sarun mandantan asasilaka apan bahewalla su tampa indi ma'oman sara taumata apan maaringikka ṛumindu'a.

HABAKUK 1:5

Wua'udde Mawu nabbisara su uman-Ne, “Panutukke manga walahanna su al᷊indongannu, ne i yamiu sarun tumiangnga wuṛṛu iagukke. Ana waugu sutempon kamiu i Ya'u sarun ma'ola'a sambau saranapa apan tawe pangimananni yamiu amungkangngu tumba'u iwatti'a si yamiu.

LUKAS 21:26

Taumata sarun matta'utta atonna-tonna sumaruanna apa apan sarun mariaddi su ahewallu runia indi, ana waugu manga tembonanne su winalanganna, sarun massongkakka.

WATTI'U MANGA RASUL 13:41

‘Panutukka paapia-pia, ei yamiu manga taumata apan ma'apulu mangal᷊uandaga! I yamiu sarun maherangnga see mate! Ana waugu su tempo indi ya'u tantal᷊anna ma'ola'a manga apa apan tawe pangimananni yamiu sassane salaiwe pia taumata mannal᷊a'a si yamiu.’ ”

1 SAMUEL 3:10

Wua'udde Mawu nirumantate, wuṛṛu dirumarisikka sutampa udde lapiddu namago apia, “Samuel, Samuel!” Ne i Samuel sinumimbakka, “Pabbisarate, Mawu, allang-Ngu uararingikka.”

1 SAMUEL 4:10

Wua'udde napapangalote taumatan Filistin ringannu masaddatta wuṛṛu namaddon tantaran Israel. Taumatan Israel tinumal᷊angnga watukku rasanne sambau-sambau. Tumaniten bahewalla arugianna udde; 30.000 tantaran Israel nate.