1 SAMUEL 28:8 - WUKE SUSI WATTI'U AL᷊AL᷊USASSA

⁸ Ana see i Saul namal᷊ute hati tadea'u tawe aillal᷊annu taumata. Ringannu tatantalongannu ruan katou esakka, i tou inaite wuṛṛu na'omate su wal᷊en mangangundamma udde ṛabbite. Ne unni Saul, “Waggoite ṛimuuddu taumata apan ta'u isaggo aranne, wuṛṛu dorongete tadea'u i tou mani'attu apa apan sarun mariaddi.”

1 SAMUEL 28:8 ပူးပေါင်းရင်းမြစ်များ

1 MARARATU 22:30

I Ahab nabbisara si Yosafat, “I ya'u sarun mattingkalalitudda wuṛṛu inai lai mapapangalo, arawe Tuṛṛangnga ṛinone malluṛṛe laubbu awawantuga.” Etearoddi ratun Israel nailal᷊ihidda sutempo i tou inai mapapangalo.

1 MARARATU 22:34

Ringannu tawe nipattatudda sangkatou tantaran Siria namiti'u anaanne, ringannu tawe nitarangnga su tampa apan pappandumanne. Arawe anaanna udde napansakka si Ahab wuṛṛu nallappassa su laubbu pangalone su passampaanne. “I ya'u naṛṛinoanne!” aintul᷊in Ahab su mangangapiddu keretane. “Welenga'e wuṛṛu apira'e i ya'u sumabbangnga wuassu tampa papangaloanna!”

1 TAWARIKH 10:13

I Saul nate ana waugu i tou tawe naddaringikka Mawu, wuṛṛu tawe tumuṛṛutta manga parenta-Ne. I tou tawe maddorongnga tatantiro wuassu Mawu ewe'e wuassu manga ghaṛṛahon taumata nate. Ana waugu udde Mawu nakkuumanni tou wuṛṛu nanantillu araratuane si Daud ana'i Isai.

2 TAWARIKH 18:29

Ahab nabbisara si Yosafat, “I ya'u sarun mamal᷊u hati wuṛṛu inai lai mapapangalo, arawe i'o sidutu palluṛṛen laubbu araratuannu.” Etearoddi ratun Israel namal᷊u hati sutempo i tou inaite napapangalo.

2 TAWARIKH 35:22

Arawe i'o Yosia mangke maapulu lumawangnga, wuṛṛu maddiri tumuṛṛutta wisaran Duata wuassi Ratu Nekho. Yosia namal᷊u hati ana see napapangalo lai su wawal᷊annu Megido.

YESAYA 8:19

Arawe manga taumata apan mandolokki yamiu madorongnga tatantiro wuassu manga taṛṛa pasangkadda apan uasasal᷊imburunga wuṛṛu wiwikke u'alore. Taumata udde sarun mabbisara, “Wal᷊inewe i ite ṛinone maddorongnga tatantiro wuassu manga ṛimuuddu taumata nate tadea'u hunan taumata wiakka?”

YEREMIA 23:24

Tawe saran sangkatou apan botongnge mamunin batanganne wuassu aelle-U, ana waugu i Ya'u isudde su anambon tampa: su surga wuṛṛu su runia.

YOHANES 3:19

I Tou niapaasal᷊a ana waugu inolaanna indi: Asasemakka udde nirumantate su runia, arawe taumata lembo maapulun ararandumma wuassu asasemakka, ana waugu pallal᷊agu mangitou lal᷊eo.