1 SAMUEL 28:6 - WUKE SUSI WATTI'U AL᷊AL᷊USASSA

⁶ Ana see i tou naddorongke tatantiro su Mawu, arawe Mawu tawe sinumimbakka, mawae ete su wal᷊iawa ara'e lai mappaattu Urim wuṛṛu Tumim ara'e lai iwal᷊on manga nabi.

1 SAMUEL 28:6 ပူးပေါင်းရင်းမြစ်များ

2 SAMUEL 22:42

I mangitou mangngintul᷊i, arawe taweddu umontolla, i mangitou sussal᷊ande Mawu, arawe i Tou tawe sumimbakka.

DARALO 74:9

Manga nabi wuṛṛu manga al᷊aṛṛindu'a tate iasilo apia, wuṛṛu tawe saran sangkatou masingkatta maddatingngu tingngera olangnge arendi.

SASABANGNGA 28:20

Su akkita aiappanne watu pirus, yakut wuṛṛu ratna cempaka. Mapul᷊o dua permata udde ṛinone wa'isannu wul᷊awanna.

SASABANGNGA 28:30

Addoa'e Urim wuṛṛu Tumim sulal᷊ummu lal᷊indummu ro'o udde tadea'u ipaatti Harun amungkangngu i tou sumaruanna si Ya'u. Su manga tempo ereudde i tou ṛinone sidutu ual᷊uṛṛen lal᷊indumma ro'o, tadea'u i tou sidutu maasingkata apulu-U su ṛuangannu Israel.”

AMSAL 27:1

Arie tumaṛṛupassi su ola'u allo tiṛṛabbi, ana waugu i'o wagga apan sarun mariaddi tiṛṛabbi.

YEREMIA 23:28

Nabi apan nabbal᷊iawa ṛinone mabbisara, ‘Indi tumba'u wal᷊iawa.’ Arawae nabi apan naasomba tanata wuassia-U ṛinone mamasingkattu tanata udde ringannu atonna. Gandumma tawe iasul᷊ungngu laṛṛami.

LAL᷊ALLU 2:9

Manga ngarane niaomboannu leta'a, anambon papal᷊ene napaddi; ratu wuṛṛu tembonannu pamarenta poite su pamuanganna. Titan Mawu tate lai iaṛṛa'a; nabi tate lai manengkamma sondappa wuassu Mawu.

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

IMAMATTA 8:8

Ana see i tou nalluṛṛen lal᷊indumma ro'o si Harun, wuṛṛu sulal᷊ummu lal᷊indumma ro'o udde niapasutta Urim wuṛṛu Tumim.

MIKHA 3:7

Manga taumata apan manni'attu allo addantane sarun masili ana waugu pani'anne nassal᷊a. I mangitou sarangkanambone sarun masili ana waugu Ruata tawe sinumimbakka si mangitou.

REENGANNA 12:6

wuṛṛu Mawu nabbisara, “Paddaringikke manga wisara-U indi! Amungkangngu suwallati yamiu pia sangkatou nabi, i Ya'u mapal᷊iatta'u watangang-Ku si tou sulal᷊ummu manga aellega, wuṛṛu maggahatton tou sulal᷊ummu wal᷊iawa.

REENGANNA 27:21

I Yosua ṛinone maddorongnga tatantiro wuassi Imam i Eleazar, wuṛṛu i Eleazar ṛinone maiwal᷊on apulu-U ringannu mappaattu Urim wuṛṛu Tumim. Ringannu olangnge udde i Eleazar mamiaṛṛa'i Yosua wuṛṛu ahewallu walahannu Israel su al᷊awo'u hatto apan saruananni mangitou.”

MATIUS 1:20

Tantal᷊anna i Yusuf maṛṛingiddu olangnge udde, i tou nabal᷊iawa. Sulal᷊ummu bal᷊iawane udde, i tou naasilo sangkatou mala'ekattu Mawu nabbisara si tou, “i Yusuf, papapulunni Daud, arie pa'ata'utta ma'awingngi i Maria; ana waugu ana'a apan sulal᷊ummu illoṛṛone udde nariaddi wuassu taṛṛinon Ghaṛṛaho Duata.

YOHANES 9:31

I ite masingkatta manungku Ruata tawe madaringikka taumata marosa, ewe'e taumata apan mangngaddatta Ruata, wuṛṛu tuttuṛṛutta apulu-Ne.

TAHIUL᷊E 33:8

Su ṛuanganni Lewi i tou nabbisara: “Ringannu Urim wuṛṛu Tumim, I'o mapal᷊iatta'u apulu-Nu, su taumatan Lewi, allang-Ngu apan matuṛṛutta. I'o buatte namono'a si mangitou su Masa, wuṛṛu uatatiakki mangitou su al᷊imatan ua'e su Meriba.

YAKOBUS 4:3

Wuṛṛu amungkangu lai yamiu suete naddorongnga, i yamiu tawe maasomba lai, ana waugu tuddan darorongngu nassal᷊a; apa apan radoronganni yamiu udde tumba'u al᷊al᷊uassu watangannu sassane.

1 SAMUEL 14:37

Ana see i Saul naiwal᷊ote Ruata, “Wotongngewe ya'u mamangalo taumatan Filistin? Apa i mangitou sarun itantillu Mawu su liman taumatan Israel?” Arawe su allo udde Ruata tawe sinumimbakka.

1 SAMUEL 28:15

Wua'udde i Samuel nabbisara si Saul, “Anio i'o nanal᷊asa'u? Anio i'o namaggo si ya'u apia?” I Saul sinumimbakka, “I ya'u nial᷊iwunete ana waugu nipangaloannu taumatan Filistin, see lai Mawu nanantangkute. I ya'u tate lai sinimbaṛṛan-Ne, mawae ete wuassu manga nabi, ara'e lai ringannu wal᷊iawa. Ana waugu udde ya'u sumal᷊ande si Papa, tadea'u i Papa mamasingkatta manara apan sarun ta'u olaanna.”

1 SAMUEL 28:5

Napawe i Saul naasilo tantaran Filistin udde, i tou mangke matta'utta.