1 SAMUEL 28:4 - WUKE SUSI WATTI'U AL᷊AL᷊USASSA

⁴ Ne napawe tantaran Filistin uaammulle wuṛṛu naddasanna maranin Soan Sunem, i Saul nangammullu lai taumatan Israel, ne i mangitou naddasante su Wowon Gilboa.

1 SAMUEL 28:4 ပူးပေါင်းရင်းမြစ်များ

2 SAMUEL 1:21

Ei manga wuiddu Gilboa, paddaringikka wisara'u; Arie ma'oman sara wal᷊angngukka wuṛṛu uranna maaṛṛolo si'o! Wala'ewe mamara wuṛṛu maṛṛasa leta'u wawail᷊annu wuṛṛu wadda'a. Ana waugu ete poiaroddi nirangkalle allungngu taumata waṛṛani. Wuṛṛu allungngi Saul nitaiante, tate lai lananna.

2 SAMUEL 1:6

I tou sinumimbakka, “Allangngu nassuhanne isudde su Wowon Gilboa, ana see naasilo si Saul uasandakka su sambeangnge, wuṛṛu manga kereta see lai tantaran seetta uasa'e awal᷊o, maranite mamangalo si tou.

2 SAMUEL 21:12

i tou inaite nangal᷊appa duṛṛin Saul wuṛṛu Yonatan wuassu tumana'u soa Yabes su Gilead. (Manga taumata udde buatte nanna'o manga duṛṛi wuassu leta'a mal᷊alangngu soa su Bet-San, tampan taumatan Filistin nangelen manga winal᷊unanna udde napawe i Saul nawaddo su wuiddu Gilboa.)

1 MARARATU 1:3

Ana see nireaante sangkatou maṛṛuala maṛṛamaga su ahwallu Israel. Ne su Sunem niasangkal᷊anna sangkatou maṛṛuala apan maṛṛamaga atonna aranne i Abisag. I tou niapidde ringannu ratu, ana see i tou uataṛṛapa ratu wuṛṛu nappaddul᷊i si tou. Arawe ratu tawe natatamba ringanni tou.

2 MARARATU 4:8

Su Sunem pia sangkatou wawine ala uatana'a. Su allo sambau sutempo i Elisa inaite watukku Sunem, wawine udde nangahe niumanna. Nanattakka orassa udde suapan i Elisa inai su Sunem i tou u'anna su wal᷊en bawine udde.

YOSUA 19:18

Su lal᷊ummu wageangngi mangitou nasutta lai: Yizreel, Khesulot, Sunem, Hafaraim, Sion, Anaharat,

1 SAMUEL 28:5

Napawe i Saul naasilo tantaran Filistin udde, i tou mangke matta'utta.

1 SAMUEL 31:1

Tantal᷊anna udde taumatan Filistin uapapangalote nando'appa taumatan Israel su panenteannu Gilboa. Manambo taumatan Israel nate isudde, wuṛṛu ingana'a waine nasutta i Saul wuṛṛu manga anangnge esakka tinumal᷊angngu watanganne.

1 SAMUEL 31:8

Tiṛṛabbine napawe taumatan Filistin nirumanta mangaṛṛo manga winal᷊unanna, i mangitou naasangkalla si Saul wuṛṛu siri tallu anangnge esakka natete su panenteannu Gilboa.