1 SAMUEL 28:21 - WUKE SUSI WATTI'U AL᷊AL᷊USASSA

²¹ Mangangundamma udde nangundanin Saul wuṛṛu naasilo manungku i tou tumaniten nial᷊iwune; ana see wawine udde nabbisara si tou, “Tuangku, allangngu buatte nattinsahadda nangutungngu darorongngi Tuangnga.

1 SAMUEL 28:21 ပူးပေါင်းရင်းမြစ်များ

2 MARARATU 6:11

Olangnge udde mangke ma'al᷊al᷊eo naungngu ratun Siria, na'oman sara i tou namago manga tembonannu tantarane wuṛṛu naiwal᷊o, “Atonna, suwallati ite indi piaddu mandal᷊eo. Isai taumatane? Otte pasingkata'e!”

AYUB 13:14

I ya'u nasaddiate mabbataṛṛun niawa!

MAL᷊AṚṚUUNGNGA 12:3

Nariaddi napawe i ya'u naṛingidda, manungku i yamiu tate rumanta massumbala si ya'u, i ya'u nangutullu naungku inaite mamangalo taumatan Amon udde, salaiwe i ya'u sarun mate. Ana see Mawu nangonggolu auntunganna si ya'u wuassi mangitou. Anio i yamiu orassa indi mamangalo si ya'u?”

1 SAMUEL 19:5

I tou buatte nanantillu niawane sutempo i tou namate si Goliat, wuṛṛu Mawu buatte nangonggollu auntunganna apan bahewalla si tou su Israel. Iamangnga sassane naasilote arariadianna udde, ne iamangnga lulluassa sutempo udde. Nariaddi anio orassa indi iamangnga ma'apulu mandal᷊eo taumata apan tawe sal᷊ane wuṛṛu ma'apulu mamate si Daud ringannu tawe pangaiananne?”

1 SAMUEL 28:20

Orassa udde lai i Saul naṛṛa'a su leta'a naal᷊ihidda nisamettu sawallo, ana waugu i tou tumaniten niṛṛumoro naaringikka manga wisaran Samuel udde. Ana see i tou nallomete atonna, ana waugu tawe niumanna sarangkadio'a masallo saṛṛabbi.

1 SAMUEL 28:22

Nariaddi, ṛinone lai i Tuangnga mangutungngu darorongngu allangngu; ante addio'a anna apan nisarun allangngu, tadea'u i Tuangnga wotongnge mapanassukku amatanni Tuangnga.”