1 SAMUEL 27:2 - WUKE SUSI WATTI'U AL᷊AL᷊USASSA

² Ana see i Daud wuṛṛu siri annummu ṛasutta tantarane inaite ringanni Akhis ana'i Maokh, ratun soa Gat.

1 SAMUEL 27:2 ပူးပေါင်းရင်းမြစ်များ

1 TAWARIKH 12:1

Sutempo i Daud tinumal᷊angngu watanganne wuassi Ratu Saul, i tou na'imbuni watukku Ziklag. Manambo tantara apan matuṛṛutta wuṛṛu pia asingkanne nirumanta naammulli Daud.

1 SAMUEL 21:10

Su allo udde lai i Daud tinumal᷊angngu watanganne wuassi Saul, ana see na'omate ringanni Akhis ratun soa Gat.

1 SAMUEL 21:11

Manga mandariagane namasingkatta si Akhis arendi, “Wal᷊inewe i tou indi i Daud, ratu su wanuane? Wuṛṛu wal᷊inewe tumba'u si tou manga wawine tempo udde massal᷊aingnga lapiddu mangngantari arendi, ‘i Saul namate seetta suṛṛiwune, arawe i Daud su pul᷊o ṛiwune?’ ”

1 SAMUEL 25:13

“Peta'e hal᷊elen sangkatou-sangkatou!” parentan Daud. Tantarane lapiddu nametan hal᷊elen. I Daud nametan hal᷊elene lai wuṛṛu inaite niumamatta ringannu iraṛṛangngo 400 su atoune taumata, ana see lai 200 su atoune natana'a iapariaga manga saranapa.

1 SAMUEL 30:8

Wua'udde i Daud naiwal᷊ote Mawu, “Ṛinonewe ya'u mangenggenna ammul᷊annu taumata namangalo udde? Wotongngewe ya'u manantuṛṛutta si mangitou?” Mawu sinumimbakka, “Ore enggenete; i'o sarun maatantuṛṛutta si mangitou wuṛṛu maapallossu manga taumata apan nisametti mangitou.”

1 SAMUEL 30:9

Ana see i Daud niumamatte suadio'a ringannu siri annummu ṛasutta tantarane. Napawe i mangitou na'omate su Sal᷊ukku Besor, i Daud nanassukku amatanne su sambau ringannu 400 su atoune; wuṛṛu 200 su atoune waine natana'e isudde. Ana waugu nal᷊otakke wuṛṛu tate maatumbe Sal᷊ukku Besor.