1 SAMUEL 25:7 - WUKE SUSI WATTI'U AL᷊AL᷊USASSA

⁷ I ya'u naaringikka manungku i'o tantal᷊anna mammol᷊o wambul᷊un dombanu. Ṛinone i'o masingkatta manungku manga mallal᷊u'addu apan uatana'a su wageangngu leta'i yami, tawe saran paassa i mangitou asal᷊asaanni yami, wuṛṛu lai taambe saran paassa i mangitou niawul᷊iannu saranapa su al᷊annune i mangitou uatana'a su Karmel.

1 SAMUEL 25:7 ပူးပေါင်းရင်းမြစ်များ

2 SAMUEL 13:23

Rua tonna wua'udde i Absalom na'ola'a andeangngu panggahuntinga wambul᷊un domba su Baal-Hazor, maranin soan Efraim, ne i tou nangimbe anambon parisin datu.

2 SAMUEL 13:24

I tou sinumaruanna si Ratu Daud wuṛṛu nabbisara, “Papa, i ya'u ma'oala'a andeangngu pangguhintinga wambul᷊un domba. Doronganna i Papa lai rumanta su andeangnga udde ringannu manga piaṛṛa'u mammamanaran wal᷊en araratuanna.”

LUKAS 3:14

Pia lai tantara naiwal᷊o, “Ereapa i yami? Apa ṛinone olaanni yami?” I Yohanes sinumimbakka, “Arie pamaṛṛangnga sisai-sai, wuṛṛu arie pangaṛṛo roitta ringannu aansilla awusu. Wotongngete i'o mabbiakku roitta lal᷊antakku ara'e haddinu!”

FILIPI 2:15

Ringannu aroddi yamiu mapaal᷊iatta'a manungku eteudde i yamiu al᷊aṛṛana'u Ruata apan tawe angngone, mabbiakka ringannu matul᷊ida wuṛṛu naṛṛino su pattangnganu taumata lal᷊eo wuṛṛu marosa. Wuṛṛu su tempo i yamiu namasingkata si mangitou watti'a apan mangngonggolu wiakka, ṛinone i yamiu maola'a ere semakka apan lullansiangnga mannemakka runia. Amungkangu i yamiu mabbiakka ereudde, ne i ya'u pia pangiananne maapendamma al᷊al᷊uassa su ola'i yamiu su tempo Mawu Yesus rumanta apia. Udde maola'a tatialane manungku manara'u pia gunane wuṛṛu pia gessine.

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

1 SAMUEL 22:2

Wuṛṛu lai manga taumata apan niallangnga, taumata apan pia awallassa, wuṛṛu ingana'a apan mammendamma tawe mal᷊uassa, sarangkanambone naammulli Daud, wuṛṛu i Daud nabbal᷊i piaṛṛa'i mangitou. Reengannu mallal᷊aṛenggenni Daud iraṛṛangngo 400 su atoune.

1 SAMUEL 25:21

Su orassa udde i Daud tantal᷊anna maṛṛingidda, “Tawe gunane ya'u mallu'adda pussa'an taumata udde su wadda'a! Tawe saran sambau pussaane apan nawul᷊i; ne orassa indi apapia'u udde niwal᷊isannu al᷊al᷊eo!