1 SAMUEL 25:36 - WUKE SUSI WATTI'U AL᷊AL᷊USASSA

³⁶ Sutempo i Abigail nabelengke ringanni Nabal, inauranna pia andeangnga wahewalla su wal᷊ene, naal᷊ihidda andeangngu mararatu. Ne ana waugu i Nabal wu'ante wuṛṛu lulluassa, i tou tawe niawatti'annu awingnge naddatingngu tiṛṛabbine.

1 SAMUEL 25:36 ပူးပေါင်းရင်းမြစ်များ

2 SAMUEL 13:23

Rua tonna wua'udde i Absalom na'ola'a andeangngu panggahuntinga wambul᷊un domba su Baal-Hazor, maranin soan Efraim, ne i tou nangimbe anambon parisin datu.

2 SAMUEL 13:28

I tou namarenta manga allangnge, “Paellehe paapia-pia, napawe i Amnon wu'ante ana waugu na'inumma anggore, i ya'u sarun mamarenta, wua'udde patete i tou. Arie pa'ata'utta. I ya'u te sumaruanna olangnge udde. Pammanarate ringannu waṛṛani wuṛṛu imbaṛṛangnga mapapaddua!”

2 SAMUEL 3:20

Sutempo i Abner suadio'a ringannu ruan pul᷊o su atoune tantarane sinumaruanna si Daud su Hebron, i Daud na'ola'a andeangnga hunan mangitou.

1 MARARATU 20:16

Pamamangalo nitattakka allo sutempo i Benhadad wuṛṛu tallun pul᷊o dua ratu apan naola'a hawene udde tantal᷊anna ma'inumma na'oman sara niwu'anne sulal᷊ummu rasanni mangitou.

DARALO 112:5

Lal᷊umanna'a su taumata apan masaṛṛionto'a naungnge wuṛṛu apulune mappawallasa wuṛṛu matul᷊idda su al᷊awo'u manara.

AMSAL 20:1

Ua'e apan maawu'anna maaola'a taumata tawe atoranne wuṛṛu mahio. Nawoddote taumata apan ma'inumma ma'oman sara iwu'anne.

MANNANASE 10:19

Andeangnga maaola'a lal᷊agge, wuṛṛu anggore maaola'a lal᷊ala'a. Salaiwe tawe doitta iapamaekka.

YESAYA 28:3

Ilalluassu manga piaṛṛa'a apan wu'anna udde sarun ṛindanna.

YESAYA 5:11

Nasilakate i yamiu! Wuassu rua'allo maddatingngu ṛabbi manaranu tumba'u ma'inumma ua'e ma'awu'anna wuṛṛu mabbu'anna.

YEREMIA 51:57

I Ya'u sarun mapawu'annu manga mangangumbele parenta su Babel – manga mapapande, mamamiaṛṛa'a wuṛṛu tantara. I mangitou sarun tate mapabbangunna apia, matiille saran mal᷊annu-l᷊annu. I Ya'u buatte nabbisara; ete i Ya'u ratu, i Ya'u Mawu Apan Lembontaṛṛino.

HOSEA 4:11

Mawu nabbisara, “Ei uma-U, mawae anggore tabbe ara'e anggore apan wakku buatte napaawul᷊in atatohannu ipaṛṛingidda ringannu mapia.

NAHUM 1:10

I'o sarun soṛṛowanna ere laṛṛami apan namarate ere aputta ṛoaanna apan uaandongnga.

MATIUS 10:16

“Daringiṛṛe paapia indi: i Ya'u nandolokki yamiu naal᷊ihidda domba apan tawe auatanne su wallattu serigala mal᷊aṛṛaga. I yamiu ṛinone paatehamma ere atoanna wuṛṛu matul᷊idda naungnge ere merpati.

LUKAS 14:12

See Mawu Yesus nabbisarate mawum bal᷊e, “Amungkangngu i'o mabal᷊o taumata su andeangnga umanna allo ara'e rabbi, arie mabal᷊o hawe ara'e tuṛṛangnga, ara'e sangkatuṛṛangnganna, ara'e al᷊indonganne apan ala. Ana waugu pia tempone lai i mangitou mabal᷊o si'o, wuṛṛu ringannu aroddi i'o manengkamma wawal᷊inne wuassu inolaannu.

LUKAS 21:34

“Paariagai wadangngu, arie ma'oman sara i yamiu tumanite manambo ma'ola'a andeangnga wuṛṛu ma'inumma ua'e ma'awu'anna, ara'e tumanite maṛṛingiddu al᷊awo'u hattom biakki yamiu, na'oman sara i yamiu tawe naasaddia napawe allo udde nirumanta ringannu awagananna.

ROMA 13:13

I ite ṛinone ma'ola'a inolaanna apan aaddatanna ere su inanaramanne a'olaannu taumata su tempo allo; imbaṛṛangnga maddamea tumaniten manampal᷊iu, ara'e mabbu'anna. Imbaṛṛangnga sumandaga, ara'e pia pallal᷊agu tawe addane. Imbaṛṛangnga mabbawul᷊o, ara'e mangune.

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

EFESUS 5:18

Imbaṛṛangnga i yamiu iwu'annu anggore, ana waugu udde maal᷊al᷊eo si yamiu. Arawe ṛinone i yamiu intaṛṛoannu Ghaṛṛahon Duata.

1 SAMUEL 25:19

Ana see i tou nabbisarate su mangangimbene, “I yamiu amatte palliuṛṛoro si ya'u; i ya'u sarun mattuṛṛutta si yamiu.” Arawe i tou tawe namasingkatta awingnge.

1 SAMUEL 25:37

Marua allone, napawe i Nabal tate wu'anna, awingnge namasingkatta si tou su ola'u al᷊awo'u al᷊al᷊eo udde. Ana see i Nabal nirantannu radda'u pappuso wuṛṛu ahewallu wadangnge nallome.