1 SAMUEL 25:32 - WUKE SUSI WATTI'U AL᷊AL᷊USASSA

³² Ana see i Daud nabbisarate si tou, “Dalo su Mawu, Ruatan Israel, apan nandolokku naisasomba'u su allo indi!

1 SAMUEL 25:32 ပူးပေါင်းရင်းမြစ်များ

PANDARIADDI 24:27

Wisarane, “Paddalote Mawu, Ruata mawu'u Abraham. Mawu sidutu matul᷊idda wuṛṛu mapia su mawu'u Abraham. I tou nangehetta si ya'u watukku manga tuṛṛangnge.”

1 MARARATU 1:48

wuṛṛu niumal᷊iomanna, ‘Dalo Si'o, oh Mawu, Ruata apan sassubbannu umattu Israel. Allo indi sangkatou wuassu papapulungku buatte nitene-Gu naola'a ratu mallol᷊ossa si ya'u. Wuṛṛu I'o buatte namala'u nabbiakka tadea'u maasilo udde!’ ”

1 MARARATU 8:15

I tou nabbisara, “Dorone Mawu buatte naddiandi su iamangku Daud arendi, ‘Ro'en i Ya'u nangapiddu uma-U sinumabbangnga wuassu Mesir, su ahewallu wanua Israel tawe saran sambau soa apan Ta'u nipile maola'a tampa suapa tampa pa'olaanna wal᷊en maola'a tampa patataṛṛamawuanna si Ya'u. Arawe i'o, Daud, Ta'u nipile mamarenta uma-U.’ Dalo su Mawu Ruatan Israel apan buatte nanipussa pa'aire-Ne udde!”

EZRA 7:27

Ana see Ezra nabbisara, “Paddalote Mawu, Ruata apan sassubbannu iupungngu al᷊amonan kite! I Tou buatte nangal᷊oren naungngu ratu na'oman sara i tou nangonggollu sasumbala pina'ola'a Wal᷊en Mawu su Yerusalem.

DARALO 106:48

Paddalote Mawu, Ruatan Israel, orassa indi saran mal᷊annu-l᷊annu. Wala'ewe anambon taumata mabbisara, “Amin!” Paddalote Mawu!

DARALO 31:22

Daralo su Mawu! Tumaniten maatiangnga darangngu-Ne si ya'u, sutempo i ya'u nitalliwunanna wuṛṛu nipangaloanna.

DARALO 72:18

Daralo su Mawu, Ruatan Israel! Tumba'u i Tou apan ma'ola'a inolaanna maatiangnga.

SASABANGNGA 18:10

wuṛṛu nabbisara, “Dalo su Mawu apan nanal᷊amatta si yamiu wuassu liman datu wuṛṛu walahannu Mesir! Dalo su Mawu apan namallossu walahannu Israel wuassu patataṛṛualanga!

LUKAS 1:68

“Wette i ite maddalo Mawu, Ruatam balahannu Israel! I Tou suete nirumanta mantul᷊ungngu pabbawala-Ge wuṛṛu mamallossi mangitou.

2 KORINTUS 8:16

Lembon maadiangkamanna i yami su Ruata ana waugu i Tou suete na'ola'a si Titus maṛṛimadda ere i yami mantul᷊ungngi yamiu.

YOSUA 22:33

Ne taumatan Israel nilumuassu olangnge udde, na'oman sara i mangitou naddalote Mawu Ruata. I mangitou tate lai maggahatton pandumanni mangitou inai mamangalo taumatan Ruben wuṛṛu Gad, wuṛṛu maṛṛimunsa'a wanuane.