1 SAMUEL 23:24 - WUKE SUSI WATTI'U AL᷊AL᷊USASSA

²⁴ Ne manga taumata udde inaite nabbelengnga watukku Zif nalliuṛṛoro wuassi Saul. Sutempo udde i Daud wuṛṛu tantarane su wadda'u Maon, su wawal᷊anne apan mal᷊angnganna su wageangngu timukku wada'u Yehuda.

1 SAMUEL 23:24 ပူးပေါင်းရင်းမြစ်များ

YOSUA 15:55

See lai mapul᷊o soa manansunna indi suadio'a ringannu manga ampungnga maranine; Maon, Karmel, Zif, Yuta, Yizreel, Yokdeam, Zanoah, Kain, Gibea wuṛṛu Timna.

1 SAMUEL 23:23

Nariaddi parikisete ringannu maannudda manga loṛṛangnga apan buatte naola'a tampa pa'imbunianne, wuṛṛu pabbelengke inawarendi pamasingkatta si ya'u. Ana see ya'u sarun inai suadio'a ringanni yamiu, wuṛṛu amungkangu i tou ta'e su wageangngu leta'a udde, i tou sarun ta'u reaanna, salaiwe ta'u ial᷊isangnga ahewallu Yehuda!”

1 SAMUEL 23:25

I Saul wuṛṛu tantarane nirumantate maddea'a si Daud, arawe taumata namasingkatta si Daud, na'oman sara i tou inaite watukku wowon batu su wadda'u Maon wuṛṛu natana'e isudde. Napawe i Saul naasingkatta olangnge udde, i tou lapiddu nangenggenna si Daud.

1 SAMUEL 25:2

Su soan Maon pia sangkatou esakka wuassu amonanni Kaleb, aranne i Nabal. I tou pia leta'a pappadul᷊iananna winatangnga maranin soan Karmel. I tou tumaniten ala wuṛṛu uatahuanna 3.000 domba wuṛṛu 1.000 ambingnga. I Abigail awingnge, pande wuṛṛu maṛṛamaga, arawe pallal᷊aghun Nabal maṛṛagissa wuṛṛu lal᷊eo. Su allo sambau i Nabal tantal᷊anna mammol᷊o wambul᷊un dombane su Karmel.