1 SAMUEL 23:17 - WUKE SUSI WATTI'U AL᷊AL᷊USASSA

¹⁷ Yonatan nabbisara si tou, “Arie pa'ata'utta, i'o tawe mate su liman iamangku. Iamangku masingkatta atonna manungku ete i'o apan sarun maola'a ratun Israel wuṛṛu manungku ya'u sarun maasomba aiananna al᷊iuwowane wuassi'o.”

1 SAMUEL 23:17 ပူးပေါင်းရင်းမြစ်များ

DARALO 118:6

I ya'u tawe mata'utta ana waugu Mawu uarundinganna si ya'u, taumata tawe maal᷊ore su saruangku.

AMSAL 14:26

Taumata apan mangngimanna Mawu mabbal᷊i mal᷊angnganna, wuṛṛu amonanne uatahuanna mandariagane.

AMSAL 19:21

Taumata pia manambo ṛiinna, arawe tumba'u laṛṛawessu Mawu apan maola'a.

YESAYA 35:3

Tohassawe ta'iakka apan lome, uattawe wu'u apan huggolle.

YESAYA 35:4

Wal᷊oa'e sisai apan addio'a naungnge, “Tohasse naungngu, arie pa'ata'utta, Ruata rumanta makkuumannu seetta, i Tou rumanta manal᷊amatta si yamiu.”

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 41:14

Wisaran Mawu, “Arie paata'utta Israel, salaiwe i'o addio'a wuṛṛu lome. Ete i Ya'u Mawu apan mantul᷊ungngu, Apan Lembon Na'ukkassa, Ruatan Israel uddewe Mananal᷊amannu.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

LUKAS 12:32

“I yamiu apan tumba'u matul᷊ungnga anambone, arie paata'utta! Ana waugu Iamangngu mal᷊uassa mangagillu al᷊amatta si yamiu wuassu Araratuan-Ne.

WATTI'U MANGA RASUL 28:16

Napawe na'omate su Roma, i Paulus niwala matana'a sassane wuṛṛu rariagannu sangkatou tantara.

WATTI'U MANGA RASUL 5:39

Arawe amungkangngu udde nirumanta wuassu Ruata, ne manga tuṛṛangnga tawe mapaasal᷊a mangitou. Ewe'e asinungka sarun matualaga manungku manga tuṛṛangnga lullawangnga Ruata.” Al᷊aṛṛa'i Gamaliel udde nisengkammu mallaṛṛuungnga.

ROMA 15:24

Paṛṛangatte amungkangngu i ya'u sumabbi soa atatanaannu sulal᷊ummu amatangku watukku Spanyol, i ya'u mangantimma wotongnge maissomban kamiu wuṛṛu lumuassa tal᷊an kadio'a ringanni yamiu. Wua'udde i ya'u mangantimma yamiu wotongnge mallal᷊ima si ya'u su amatangku watukku Spanyol udde.

IBRANI 13:6

Ana waugu udde i ite waṛṛani mabbisara, “Eteudde Mawu Matatul᷊ungku, i ya'u tawe matta'utta. Apa apan wotongnge olaannu taumata su saruangku?”

1 SAMUEL 20:31

I'o tawe maatutukka manungku su al᷊annunete i Daud mabbiakka, i'o tawe maola'a ratu su wanua indi? Orassa indi doloṛṛa'e taumata maddea'a si tou ana see apira'e inawarendi, ana waugu i tou ṛinone mate!”

1 SAMUEL 22:23

Atana'e suadio'a ringangku, wuṛṛu arie pa'ata'utta. I Saul maapulu mamate si'o, arawe i tou maapulu mamate si ya'u lai. Nariaddi i'o sarun matammudda su tampa'u indi.”

1 SAMUEL 24:19

Al᷊al᷊eo'u su saruannu buatte niwal᷊isannu ringannu apapia. Su allo indi i'o buatte napal᷊iatta'a manungku i'o pia pandumma mapia si ya'u, ana waugu i'o tawe namate si ya'u, salaiwe ya'u buatte tinantillu Mawu si'o.

1 SAMUEL 24:20

Mal᷊awa atonna sangkatou massomban seenne arawe niwalane i tou wiakka! Nariaddi, antimanna Mawu mangal᷊amatta si'o ana waugu inolaannu apan mapia si ya'u su allo indi!

1 SAMUEL 24:21

Orassa indi ya'u mangimanna manungku i'o sarun maola'a ratun Israel wuṛṛu manungku araratuannu Israel sarun sidutu matohassa su al᷊ungngu parentanu.

1 SAMUEL 24:4

Ne i Saul na'omate maranin manga pira tanda'u domba su winggin dal᷊anna. Isudde pia lai sambau loṛṛangnga, ne i Saul sinumuttate umuru. Wutte'e lai i Daud wuṛṛu tantarane tantal᷊anna uaimbuni sulal᷊ummu loṛṛangnga udde ewe'e i mangitou lembon al᷊al᷊umanne lai.

1 SAMUEL 25:30

Mawu sarun ma'ola'a al᷊awo'u apapia apan buatte pina'ire-Ne si Tuangku, wuṛṛu tate mal᷊annu lai i Tuangnga maola'a ratun Israel.