1 SAMUEL 22:17 - WUKE SUSI WATTI'U AL᷊AL᷊USASSA

¹⁷ Ana see i tou namarenta manga mandariaga apan uarisikka maranine, “Otte, patete manga imam wuassu Mawu udde! I mangitou na'ammulen Daud. I mangitou masingkatta manungku i Daud tinumal᷊angnga, arawe i mangitou maddiri mamasingkatta si ya'u.” Arawe manga mandariaga udde maddiri mamate manga imam wuassu Mawu udde.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

Wua'udde i Absalom nandiahi saranapane sambau keretan pangalo ringannu awal᷊o see lai liman pul᷊o su atoune mallal᷊aṛenggenne.

1 MARARATU 1:5

Ana waugu i Absalom natete, ne i Adonia, ana'i Daud aruane naola'a aiaanganne. Inangnge aranne i Hagit. I Adonia uddewe sangkatou apan maṛṛansangnga. Iamangnge tawe saran paassa namul᷊o si tou amungkangngu i tou ma'ola'a pasasal᷊a. I Adonia mappulu atonna maola'a ratu, ne i tou nanaddia hunan batanganne manambo keretan pangalo wuṛṛu tantara uasa'e awal᷊o see liman pul᷊o tantara uariaga si tou.

1 MARARATU 14:27

Ne naola'a hahantine Ratu Rehabeam na'ola'a manga allungnga wuassu witu'a, wuṛṛu nitantilla su manga tembonannu tantarane apan uariaga passalangannu wal᷊en araratuanna.

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

2 MARARATU 10:25

Tawe nal᷊annu napawe i Yehu buatte nangonggolu sasamba, i tou sinumabbanga wuṛṛu nabbisara su manga mandariaga wuṛṛu manga tembonannu tantara udde, “Suttate wuṛṛu patete i mangitou sarangkanambone. Arie pabbala'a pia sangkatou apan maatal᷊anga!” Ne i mangitou sinumuttate ringannu hal᷊ele sasawutanna, wuṛṛu namate anambon taumata isudde, ana see namol᷊enga manga winal᷊unanna udde su liudde. Wua'udde i mangitou sinumutta su wageangu lal᷊ummu kuil,

SASABANGNGA 1:17

Arawe biangnga ruang katou udde taumata apam matta'uttu Ruata. Itarua maddiri tumuṛṛutta parentan ratu wuṛṛu namalan anambon ana'a esakka udde wiakka.

WATTI'U MANGA RASUL 4:19

Arawe i Petrus wuṛṛu i Yohanes sinumimbakka, “Ṛingiṛṛa'e sassane apa apan ṛinone su saruannu Ruata: tumuṛṛuttu parenta manga mawu ara'e tumuṛṛutta parentan Ruata.

1 SAMUEL 14:45

Arawe tumana'u soa nabbisara si Saul, “Apa ṛinone i Yonatan iṛṛuumanna pateanna? Sumbal᷊i ete i tou apan nangapiddu auntunganna apan bahewalla indi? Tawe! Yami maddiandi ringannu arannu Mawu apan biakka, manungku i Yonatan tawe wotongnge awul᷊iannu sambua uta'a wuassu puane. Ana waugu su tul᷊ungannu Mawu, i tou naasombate auntunganna allo indi.” Etearoddi i Yonatan nasal᷊amatta wuassu iṛṛuumanna pateanna.

1 SAMUEL 2:31

Paddaringikka, manungku sarun dumanta tempone i Ya'u mamate taumata saṛṛen tumuwo sulal᷊ummu amonannu wuṛṛu ṛuangannu, na'oman sara tawe saran sangkatou esakka sulal᷊ummu amonannu uukke mal᷊o'engnga.

1 SAMUEL 20:33

Naaringikka udde i Saul namanta'u sambeangnga ipamate si Yonatan. Ne i Yonatan masingkatte manungku iamangnge atonna-tonna pia naungnga mamate si Daud.

1 SAMUEL 22:13

I Saul naiwal᷊o si tou, “Anio i'o nabbaiddi Daud lumawangnga si ya'u? Anio i'o nangonggollu hal᷊ele wuṛṛu i'o lai naddorongnga tatantiro wuassu Ruata? Nariaddi, orassa indi i tou lumawangnga si ya'u wuṛṛu ete uaaṛṛangattu tempone mamate si ya'u.”

1 SAMUEL 22:16

Arawe ratu nabbisara, “Ahimelekh! I'o wuṛṛu manga tuṛṛangngu sarangkanambone sarun mate.”

1 SAMUEL 25:17

Ana waugu udde, ṛingira'a paapia olangnge indi, wuṛṛu ṛawesa'e apa apan botongnge olaanni Mama. Ana waugu sarun dumanta wawal᷊inne si tuangngi ite wuṛṛu su anambon balahanne. I Tuangngi ite aroddi tawe maddaringikka na'oman sara i tou tawe a'aehanna maggahatto!”

1 SAMUEL 8:11

“Etearendi sal᷊immurine i yamiu sarun parentannu ratu,” etearoddi i Samuel mannal᷊a'a. “I tou sarun mamata'u manga anangngu maola'a tantara; sambageanganna wuassi mangitou maola'a tantaran kereta, sambageanganna lai maola'a tantara uasa'e awal᷊o, wuṛṛu waine lai tantara u'amattu ledda.