1 SAMUEL 20:32 - WUKE SUSI WATTI'U AL᷊AL᷊USASSA

³² I Yonatan sinumimbakka, “Anio i tou ṛinone pateanna? apate rosane?”

1 SAMUEL 20:32 ပူးပေါင်းရင်းမြစ်များ

PANDARIADDI 31:36

Ne i Yakub nasa'ute, “Al᷊al᷊eo apate apan buatte ta'u niola'a?” aiwal᷊one ringannu hati mapakkada. “Apa pasasal᷊a'u na'oman sara i Papa nangenggenna si ya'u?

AMSAL 22:24

Ariewe maggahawen taumata apan apulune massa'u wuṛṛu mal᷊ihakka umawitta daṛṛane.

MANNANASE 7:9

Arie tumaniten mal᷊ihakka mandona; tumba'u taumata woddo apan mangngune.

MANNANASE 9:3

Nariaddi, pal᷊addu pabbiaṛṛanna apan uasul᷊ungnga lai sarun maṛṛia'a si mangitou sarangkanambone. Wuṛṛu udde sambau inolaanna apan maasusa ere lai al᷊awo'u arariaddianna su runia. Su al᷊o'engngu pabbiaṛṛanne naungngu taumata napenen al᷊al᷊eo, wuṛṛu ṛingiranne lai napenen awawoddo. Ana see inaṛṛombanganne i tou naasomba papatene.

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

MATIUS 27:23

“Arawe apa al᷊al᷊eone?” aiwal᷊om Pilatus. See i mangitou inumui lembon aikkanne lai, “Arussa'a i Tou!”

LUKAS 23:22

See su atallune i Pilatus nabbisara si mangitou, “Arawe apa pasasal᷊ane? I ya'u tawe naasomba saran sambau pasasal᷊ane apan ṛinone iṛṛuumanna ringannu ṛuumanna pateanna! I ya'u manggesekka si Tou wua'udde ipallossa.”

YOHANES 7:51

“Tumuṛṛuttu Tita, sangkatou tawe wotongnge iṛṛuumanna amungkangngu hattone taambe niaringiṛṛanna wuṛṛu pallal᷊agune niparikisanna.”

1 SAMUEL 18:11

“Sambeangnga indi ta'u ipansakka sambeangnga indi si Daud ma'oman sara mallapassa su darandungnga!” ṛingiddi Saul, ana see i tou namanta'u sambeangnga udde paarua si Daud, arawe i Daud ma'al᷊inda'a.

1 SAMUEL 19:4

Ana see i Yonatan nabbatti'i Daud si Saul, wisarane, “Iamangku, arie iamangnga manilaka si Daud allangngu udde. Ana waugu i tou tawe na'ola'a pasasal᷊a sarangkadio'a su saruannu iamangnga; ewe'e i tou buatte nattinsahadda su manaranu.

1 SAMUEL 19:5

I tou buatte nanantillu niawane sutempo i tou namate si Goliat, wuṛṛu Mawu buatte nangonggollu auntunganna apan bahewalla si tou su Israel. Iamangnga sassane naasilote arariadianna udde, ne iamangnga lulluassa sutempo udde. Nariaddi anio orassa indi iamangnga ma'apulu mandal᷊eo taumata apan tawe sal᷊ane wuṛṛu ma'apulu mamate si Daud ringannu tawe pangaiananne?”

1 SAMUEL 20:1

Ne i Daud tinumal᷊angke wuassu Nayot maranin Rama wuṛṛu inaite naisasomban Yonatan, ana see naiwal᷊o, “Apa pasasal᷊a'u? Al᷊al᷊eo apa apan buatte ta'u niola'a wuṛṛu apa rosa'u su saruannu iamangngu na'oman sara i tou maapulu mamate si ya'u?”

1 SAMUEL 20:7

Napawe ratu mabbisara, ‘Aroddite,’ ne ya'u sarun matammudda, arawe amungkangu i tou masa'u, ṛinone i'o masingkatta manungku i tou buatte nakkawessa manilaka si ya'u.

1 SAMUEL 22:14

Ana see i Ahimelekh sinumimbakka, “Arawe wal᷊inewe i Daud tembonannu tantaran Tuangnga apan atuṛṛutanne? Ete i tou mananambon Tuangnga, wuṛṛu lembon a'addatannu anambon taumata sulal᷊ummu wal᷊en araratuanni Tuangnga.