1 SAMUEL 2:35 - WUKE SUSI WATTI'U AL᷊AL᷊USASSA

³⁵ Wua'udde i Ya'u sarun mamile imam apan matuṛṛutta si Ya'u wuṛṛu maddaringikka manga parenta-U si tou. Si tou sarun Ta'u ionggolla papapulunna apan sidutu mammanara imam su saruannu manga ratu apan Ta'u nipile.

1 SAMUEL 2:35 ပူးပေါင်းရင်းမြစ်များ

2 SAMUEL 7:27

Mawu Apan Lembontaṛṛino! I ya'u mamaṛṛani batangangku manduittu aal᷊iomanna indi Si'o, ana waugu I'o sassane buatte nangonggolla si ya'u manungku ana'a papulunna sarun olaan-Nu ratu su walahanna indi.

1 MARARATU 1:45

wuṛṛu i Zadok see i Natan buatte nanenege su al᷊imatan ua'en Gihon. Orassa indi i mangitou nabbelengke watukku soa lapiddu maggio ringannu marame, wuṛṛu ahewallu soa niṛṛumindu'a. Eteudde hio apan niaringiṛṛanni i yamiu tanginna.

1 MARARATU 1:8

Arawe Imam Zadok, i Benaya, ana'i Yoyada, Nabi Natan, i Simei, i Rei wuṛṛu mandariaga si Ratu Daud maddiri manamba'a si Adonia.

1 MARARATU 11:38

Amungkangngu i'o, ere allang-Ku Daud, mangke matuṛṛutta si Ya'u see mabbiakka tumuṛṛuttu manga tita-U, wuṛṛu ma'al᷊uassa naung-Ku ringannu ma'ola'a sarangkanambone apan Ta'u niparenta si'o, ne i Ya'u sidutu uarundinganna si'o. I Ya'u sarun ma'ola'a si'o ratun Israel. I Ya'u sarun maddiandi manungku papapulunnu sarun maola'a ratun Israel mallol᷊ossa si'o, ere buatte Ta'u niola'a lai si Daud.

1 MARARATU 2:35

Wua'udde ratu namile si Benaya naola'a tembonannu tantara pinallol᷊ossa si Yoab, wuṛṛu i Zadok nitenega na'ola'a imam pinallol᷊ossa si Abyatar.

1 TAWARIKH 29:22

Allo udde i mangitou u'anna ma'inumma ringannu lulluassa su saruannu Mawu. Ana see su aruane i mangitou namasingkatta manungku i Salomo naola'e ratu. Ringannu arannu Mawu, i mangitou nanenegi tou naola'a ratun mangitou wuṛṛu i Zadok naola'a imam.

DARALO 18:50

Ne i ya'u mamantuga Si'o suwallattu manga walahanna, wuṛṛu i ya'u mangngantarin daralo Si'o.

DARALO 2:2

Manga Ratun dunia sangkawuatta wuṛṛu manga tembonanne ma'ire lumawanga Mawu wuṛṛu ratu apan nipile-Ne.

YEHEZKIEL 34:23

I Ya'u sarun manenegu sangkatou ratu apan ere allang-Ku Daud, tadea'u maola'a mallal᷊u'addi mangitou, wuṛṛu i tou sarun mappadul᷊i si mangitou.

REENGANNA 25:13

I tou wuṛṛu papapulunne Ta'u olanna imam ma'oman sara mal᷊annu-l᷊annu, ana waugu i tou ringannu aroddi aṛṛimadde mannahek-Ku Ruatane, wuṛṛu buatte na'ola'a paddarame su rosan taumatan Israel.”

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

1 SAMUEL 10:10

Sutempo i Saul wuṛṛu mangangimbene na'omate su Gibea, itarua nassomban ammul᷊annu nabi. Su orassa udde lai i Saul niintaṛṛoannu Ghaṛṛahon Duata, ne i tou nassal᷊aingnga wuṛṛu mangngintul᷊i suadio'a ringannu manga nabi udde.

1 SAMUEL 10:9

Tawe nal᷊annu napawe i Saul nanantangngi Samuel, i Saul nanengkamma pallal᷊aghu wakku wuassu Ruata. Wuṛṛu anambon watti'a apan niapasingkatti Samuel si tou nariaddi su allo udde lai.

1 SAMUEL 12:3

Orassa indi, ya'u uarisikka su saruanni yamiu! Amungkangu ya'u buatte na'ola'a al᷊al᷊eo, ansilete ya'u su saruannu Mawu wuṛṛu su saruannu ratu apan nipile-Ne. Apa ya'u buatte nanna'o sapi ara'e keledain taumata waine? Apa ya'u buatte nallinga ara'e mannansara ara'e mannengkamma roitta aonggolla? Wal᷊oa'e, tadea'u sarangkanambone apan ta'u nianu wotongnge iapawelengku.”

1 SAMUEL 16:13

I Samuel lapiddu nanganu lanan zaitun wuṛṛu nanenegi Daud ringannu darohan pallal᷊ana su saruannu manga iaangnge. Su orassa udde lai i Daud niintaṛṛoannu Ghaṛṛahon Mawu. Nanattakka allo udde wuṛṛu su allo addantane Ghaṛṛahon Mawu sidutu uarundinganna si tou. Wua'udde i Samuel napul᷊ete watukku Rama.

1 SAMUEL 2:36

Suapan papapulunnu apan ta'e wiakka, sarun inai ringannu imam udde maddorongnga roitta wuṛṛu anna. I tou sarun sumal᷊ande, Wala'awe ya'u massumbala manga imam, tadea'u ya'u wotongnga maanna salaiwe tumba'u sangkawo'o.”

1 SAMUEL 25:28

Ampungewe awawoddon allangngu, Mawu sarun ma'ola'a si Tuangku see lai papapulunni Tuangku maola'a ratu su Israel, ana waugu i Tuangku uapapangalo ana waugu Mawu; wuṛṛu i Tuangku tawe na'ola'a al᷊al᷊eo su al᷊o'engngu pabbiaṛṛanna.

1 SAMUEL 3:1

Tantal᷊anna udde, i Samuel apan ta'e dario'a udde mangngimbe Mawu su al᷊ungngu lu'addi Eli. Sutempo udde mal᷊awa atonna pia tanata wuṛṛu sondappa wuassu Mawu.

1 SAMUEL 7:9

Ana waugu udde i Samuel naṛṛata sambau domba anangnge, ana see nionggola maola'a sambau sasamba itattambunna su Mawu. Wua'udde i tou niumal᷊iomanna tadea'u Mawu mantul᷊ungngu taumatan Israel, ne aal᷊iomanne udde niraringiṛṛanna.

1 SAMUEL 8:3

Arawe itarua tawe nangaṛṛussa pallal᷊aghu iamangngi tarua, arawe tumba'u maddea'a auntunganna sassane. Itarua mannengkamma roitta aonggola wuṛṛu mammarikissa tumanangnge ringannu tawe su atatul᷊idda.

1 SAMUEL 9:12

“Ore, poi,” sasimbakku manga maṛṛuala udde, “wakku-wakku i tou niumamatta nalliu ṛoro siraddua. Wuṛṛu iraddua nal᷊ihakka, asinungka iraddua ma'aenggenna. I tou wakkute nirumanta su soa ana waugu allo indi su wowon mezbah su wuidda pia sasamba ionggolla su tumana'u soa. Manga taumata apan niwal᷊oanna tawe umanna amungkangu i tou taambe nirumanta, ana waugu i tou ṛinone mangal᷊amatta sasamba udde asuene. Amungkangu orassa indi iraddua inaite, iraddua sarun maaratingnga i tou tantal᷊anna taambe sinuma'a su wuidda umanna.”