1 SAMUEL 2:30 - WUKE SUSI WATTI'U AL᷊AL᷊USASSA

³⁰ I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.

1 SAMUEL 2:30 ပူးပေါင်းရင်းမြစ်များ

1 MARARATU 11:11

Mawu nabbisara, “Ana waugu ringannu ṛingiranna masemakka i'o nilumawangnga pa'airenu si Ya'u wuṛṛu tawe tinumuṛṛutta manga parenta-U, ne i Ya'u sarun mangaṛṛo araratuanna udde wuassi'o, wuṛṛu ionggolla su sangkatou mammamanaran araratuannu.

1 MARARATU 2:27

Ana see i Salomo napaaddo Abyatar wuassu imam. Ringannu inolaanni Salomo udde apa apan buatte niwal᷊o Mawu su Silo su ola'u papalunni Imam Eli naola'e niasingkatanna.

1 TAWARIKH 17:18

Apate lai apan ta'u iwisara Si'o, oh Mawu Ruata? I'o masingkattu sarangkanambone su allang-Ngu indi, arawe I'o nangonggolu a'addatta si ya'u.

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

2 TAWARIKH 26:18

tadea'u manal᷊are inolaanne udde. I mangitou nabbisara, “Tuangnga Apan Mawantuga! Tuangnga tawe suṛṛinone manambunnu amania ipassubba Mawu. Udde manaran manga imam papapulunni Harun, ana waugu ete i mangitou sassane apan niapamanara manara udde. Ṛinone i Tuangnga manantangngu tampa susi indi! Tuangnga nilumawangke Mawu Ruata, wuṛṛu tate lai maasomba al᷊aman-Ne.”

DARALO 18:20

I Tou nalliu'u wuassu asasilaka wuṛṛu nanal᷊amatta si ya'u ana waugu i Tou mal᷊uassa si ya'u.

DARALO 18:26

Mawu, I'o mallu'adda su taumata apan matuṛṛutta wuṛṛu mapia su taumata apan mapia.

DARALO 50:23

Taumata apan mangonggolu sasamba adiangkamanna maola'a sasambane, ete i tou udde mangngaddata si Ya'u; wuṛṛu su taumata apan mannaddia lal᷊anna sarun Ta'u ipantingidda asasal᷊amatta wuassi Ya'u.”

DARALO 73:20

Naal᷊ihidda wal᷊iawa apan nawul᷊i sutempo marua allo; sutempo I'o dirumarisikka oh Mawu, i mangitou lai nawul᷊i.

DARALO 91:14

Unnu Mawu, “Taumata apan mandangngu si Ya'u sarun Ta'u iapasal᷊amatta, apan nanga'u si Ya'u sarun Ta'u lu'aranna.

DARALO 91:15

Amungkangu i tou sumal᷊ande si Ya'u, i Ya'u sarun sumimbakka si tou. Sutempon asasusa, i Ya'u sarun umontolla si tou; i tou sarun Ta'u iliu wuṛṛu Ta'u onggol᷊anna aaddata.

SASABANGNGA 28:43

Sal᷊ana udde ṛinone sidutu ilalluṛṛen mangitou su tempo sumutta sulal᷊ummu Rasang-Ku ara'e mangundanin mezbah wuṛṛu ma'ola'a patataṛṛamawu sangkatou imam su Wabbo'a Susi, tadea'u i mangitou tawe mate ana waugu niasiloanna wageangngu wadangnga apan tawe suṛṛinone ellehanna. Atoranna udde sidutu iappaamatta si Harun wuṛṛu papapulunne.”

SASABANGNGA 29:9

wuṛṛu papeṛṛetti mangitou, ana see wa'isa'e paporongnga su puan mangitou. Etearoddi olangnge mapaatenegi Harun wuṛṛu manga anangnge. I mangitou wuṛṛu papapulunni mangitou ṛinone mangimbe si Ya'u maola'a imam saran mal᷊annu-l᷊annu.

AMSAL 12:8

Taumata raddaloanna ana waugu apapandene; taumata aal᷊uandahanna ana waugu awawoddone.

AMSAL 4:8

Wattea'e asingkatta, ne i'o sarun itanggakki tou. Ṛa'uppa i tou, ne i Tou sarun mandantan awawantuga si'o.

AMSAL 8:17

I ya'u u'akkanni mangitou apan mappulu'u; apan maddea'a si ya'u, sarun maasangkalla si ya'u.

YESAYA 29:13

Mawu nabbisara, “Manga taumata udde tumba'u massubba si Ya'u ringannu manga wisara, arawe naungngi mangitou marau wuassi Ya'u. Agama mangitou tumba'u atorannu taumata apan wotongnge ihapalle.

YEREMIA 29:32

wuṛṛu ana waugu i tou buatte nandolokki yamiu lumawangnga si Ya'u, ne i Ya'u sarun makkuumanni tou wuṛṛu papapulunne. Tawe saran sangkatou wuassu wallatti mangitou apan sarun matana'a suwallatti yamiu tadea'u ma'ellega manga inolaanna mangkapia apan sarun Ta'u olaanna su anambon uma-U. I Ya'u, Mawu, buatte nabbisara.”

YEREMIA 49:15

Mawu sarun ma'ola'a si'o mabbal᷊i lome wuṛṛu haggealoannu taumata.

YEHEZKIEL 34:10

I Ya'u, Mawu Apan Atanggaṛṛanne mabbisara si yamiu, manungku i Ya'u indi seennu. Manga domba-U udde sarun Ta'u anuanna apia wuassi yamiu wuṛṛu tate lai Ta'u iapariaga si yamiu; i yamiu tate lai Ta'u iwala maṛṛingiddu hausannu sassane. Manga domba-U sarun Ta'u iapaasal᷊amatta wuassi'o ma'oman sara i mangitou tate lai mabbal᷊i a'inasannu.’ ”

DANIEL 4:34

Napawe pitu tonna udde nal᷊iudde, i ya'u tinumingngara langitta, wua'udde nawelengke apia ringirangku. Ne i ya'u naddalote Ruata Apan Atanggaṛṛanne. Ta'u niraloanna wuṛṛu ta'u niwantuhanna i Tou apan mabbiakka saran mal᷊annu-l᷊annu udde. “Ruata sarun maola'a ratu saran mal᷊annu-l᷊annu. I Tou ataṛṛino su al᷊o'engngu tempo.

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

MALEAKHI 2:3

Manga anangngu sarun Ta'u iṛṛuumanna, wuṛṛu hatinu Ta'u wuṛṛannu tain binatangnga apan niola'i yamiu sasamba, wuṛṛu i yamiu sarun wol᷊enganna su ombon sapadda.

REENGANNA 11:20

arawe sambul᷊anna tuudda al᷊annune i yamiu u'inassa, ma'oman sara i yamiu rumadda'a wuṛṛu mammuta ana waugu inassa udde. Olangnge udde mariaddi ana waugu i yamiu buatte nanol᷊a'u Mawu apan udde su pattangnganni yamiu. Wuṛṛu ana waugu i yamiu buatte nilumuai su saruan-Ne wuṛṛu sunumal᷊iomanna manungku i yamiu buatte nanantangngu leta'u Mesir.”

REENGANNA 35:34

Ariewe mandal᷊eo leta'a apan wawanuanni yamiu, ana waugu ete i Ya'u Mawu, wuṛṛu i Ya'u uatana'a su pattangngannu walahannu Israel.”

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

YOHANES 5:23

Iamangnga na'ola'a udde tadea'u anambon taumata mangngaddatta Ana'a ere lai i mangitou mangngaddatta Iamangnga. Taumata apan maddiri mangngaddatta Ana'a maddiri lai mangngaddatta Iamangnga apan nandolokku Ana'a.

YOHANES 5:44

Ereapa i yamiu wotongnge apangimananna, amungkangngu i yamiu maddea'a daralo wuassu sansul᷊ungngu taumata, wuṛṛu tawe mappandumma maddea'a daralo wuassu Ruata apan Tinggassa?

YOHANES 8:49

Mawu Yesus sinumimbakka, “I Ya'u tawe niasuttannu setanna. I Ya'u mangngaddatta Iamang-Ku, arawe i yamiu mangngal᷊uandaga si Ya'u.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

1 PETRUS 1:7

Tuddane eteudde mattiala manungku tanne atonna-tonna i yamiu mangngimanna Mawu ara'e tawe. Wul᷊awanna lai apan wotonge mahohakka, iannamma su putungnga. Ne pangangimanni yamiu maareganne wuassu wul᷊awanna, nariaddi ṛinone lai iannama tadea'u maola'a matohassa. Wuṛṛu ringannu aroddi yamiu sarun raloanna wuṛṛu addatanna lapiddu iruitta su allo Mawu Yesus Kristus rumanta apia.

MAL᷊AṚṚUUNGNGA 9:10

Ana see unnu manga aaluanna udde su alu ara, ‘I'ote maola'a ratun kami.’