1 SAMUEL 2:24 - WUKE SUSI WATTI'U AL᷊AL᷊USASSA

²⁴ Ariete pa'ola'a aroddi ana'u. Tumaniten dal᷊eo atonna inolaanna apan ipagahatton walahannu Mawu su ola'i yamiu!

1 SAMUEL 2:24 ပူးပေါင်းရင်းမြစ်များ

1 MARARATU 15:26

Ere lai iamangnge apan namarenta dorone, i tou lai na'ola'a al᷊al᷊eo su aellegu Mawu na'oman sara pangillul᷊eanne taumatan Israel na'ola'a rosa.

1 MARARATU 15:30

I Yerobeam narosa wuṛṛu pangillul᷊eanne taumatan Israel narosa lai. Ringannu aroddi i Yerobeam nandantan asasa'un Mawu, Ruata apan sassubbannu taumatan Israel.

SASABANGNGA 32:21

I tou nabbisara si Harun, “Apate niola'i mangitou si'o na'oman sara niwalanu i mangitou na'ola'a rosa wahewalla?”

MALEAKHI 2:8

Arawe orassa indi, i yamiu, manga imam, buatte nanewadda wuassu lal᷊anna apan naṛṛino. Manga al᷊aṛṛangngu buatte namol᷊engnga manambo taumata ma'ola'a pasasal᷊a. I yamiu buatte nanggohakka paaire apan Ta'u niola'a ringanni yamiu.

MATIUS 18:7

Silakawe eteapa runia indi ana waugu manga pallal᷊agu apan ma'arosa taumata. Atonna manga inolaanna ereudde ṛinone pia, arawe nasilakate taumata apan pallal᷊agune maarosa taumata waine!

WATTI'U MANGA RASUL 6:3

Nariaddi, mappianne manga tuṛṛangnga mamile wuassu wallatti yamiu sire pitu apan pallal᷊agune mapia wuṛṛu pia taṛṛinon Ghaṛṛaho Ruata see lai pande, apan botongnge iapamanarang kami mangatokku hatto indi;

2 KORINTUS 6:8

I yami aaddatanna, arawe haggal᷊usaanna lai, raddaloanna, wuṛṛu aal᷊uandahanna lai. Salaiwe i yami mabbiakka matul᷊idda, i yami aansilanna taṛṛa awusu.

1 TIMOTIUS 3:7

Ṛinone i tou taumata apan pia aranne mapia sulal᷊ummu soa; ana waugu amungkangu tawe aroddi, ne i tou sarun al᷊uandahannu taumata, na'oman sara manawo su liman Setanna.

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

3 YOHANES 1:12

Anambon taumata maddalo si Demetrius. Ewe'e Ruata lai maddalo si tou. I yamiu lai maddalo si tou wuṛṛu tuṛṛangnga masingkatta manungku apa apan iwabbatti'i yami udde apangimananna.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.

1 SAMUEL 2:17

Etearoddi ruan katou ana'i Eli udde na'ola'a rosa apan bahewalla su lantakku hatin Mawu, ana waugu itarua manggal᷊usa'a sasamba apan ia'onggolla su Mawu.

1 SAMUEL 2:22

I Eli timmadete atonna. I tou sidutu ma aringikka aalae su ola'u pallal᷊aghu al᷊aṛṛanangnge su saruannu taumatan Israel. I Eli lai masingkatta manungku al᷊aṛṛanangnge udde mattiilla ringannu manga wawine apan mammanara su ngaran Dasanna Darantan Mawu.

1 SAMUEL 2:23

Ana waugu udde i tou nabbisarate su manga anangnge, “I ya'u buatte naaringikka aalae wuassu anambon taumata su ola'u pallal᷊aghunu apan dal᷊eo. Anio inolaanni yamiu aroddi?