1 SAMUEL 19:24 - WUKE SUSI WATTI'U AL᷊AL᷊USASSA

²⁴ Napawe na'omate poiaroddi, i tou nalluatta laungnge wuṛṛu nassal᷊aingnga lapiddu mangngintul᷊i su saruanni Samuel, ana see nawantingnga su leta'a ringannu uatantol᷊e su al᷊o'engngu allo wuṛṛu ṛabbi. (Eteindi panattaṛṛannu sasanato'a apan tingikke, “Apa i Saul naola'e lai nabi?”)

1 SAMUEL 19:24 ပူးပေါင်းရင်းမြစ်များ

2 SAMUEL 6:14

Wua'udde i Daud massal᷊aingke ringannu naungnga mal᷊uassa su ipangaddatta Mawu. Su orassa udde i tou tumba'u ual᷊uṛṛen nasa linen ma'autta wuṛṛu nireṛṛotta su tapanangnge.

2 SAMUEL 6:20

Sutempo i Daud napul᷊ete su wal᷊en araratuanne mangonggollu tabea su lal᷊oṛṛon bal᷊ene, i Mikhal sinumabbangnga naisasomban Daud wuṛṛu nabbisara, “Allo indi ratun Israel atonna-tonna na'ola'a watanganne a'addatanna! I tou buatte tinumantol᷊e naal᷊ihidda taumata longonna apan wagga masili su saruannu manga allangnga wawine tatahuanannu manga mamanaran araratuanna!”

YESAYA 20:2

Tatallu su tonnane wua'udde, Mawu nandolokki Yesaya ana'i Amos nalluatta sapatune wuṛṛu nasa karongnga apan nilluṛṛene. I tou tinumuṛṛutta wuṛṛu niumamatta tantol᷊e wuṛṛu tawe sapatune.

MIKHA 1:8

Ana waugu udde i ya'u, Mikha, massusa naungnga wuṛṛu sussal᷊iomanna. I ya'u sarun umamatta ringannu tawe laubba wuṛṛu tawe sapatu tadea'u iapal᷊iatta'a aroddi asusane naungku. I ya'u sarun tumawanna ere asun ahuranganna wuṛṛu maggontol᷊anna, ere manu'a unta.

REENGANNA 24:4

apan buatte naddaringikka manga wisaran Mawu Duata wuṛṛu naasilo sondappa wuassu Apan Lembontaṛṛino, apiddu naṛṛa'a, arawe ringannu mata uaalla.

WATTI'U MANGA RASUL 9:21

Awada'alla naherangnga naaringikka si Saulus. I mangitou nabbisara, “Wal᷊inewe ete i tou indi su Yerusalem suete namate anambon taumata apan mangngimanna Mawu Yesus? I tou nirumanta isindi pandumanne manametta wuṛṛu mangapiddi mangitou su imam tembonanne!”

1 SAMUEL 10:6

Su orassa udde lai i'o sarun intaṛṛuannu Ghaṛṛahon Mawu wuṛṛu i'o lai sarun massal᷊aingnga wuṛṛu mangngintul᷊i, ana see i'o onggol᷊annu pallal᷊agu wakku na'oman sara maola'a taumata al᷊aṛṛaene.

1 SAMUEL 15:35

Su al᷊o'engngu pabbiaṛṛanne, i Samuel tate nassomban Saul apia. Arawe i Samuel massusa ana waugu sinumassilla nanenegi Saul naola'a ratun Israel.

1 SAMUEL 18:10

Tiṛṛabbine allo i Saul sulal᷊ummu wal᷊ene tantal᷊anna uaagassa sambeangnga wuṛṛu inaṛṛombanganne i tou nirantannu ghaṛaho lal᷊eo apan nirolokku Ruata, na'oman sara i tou mandona naal᷊ihidda taumata wewa. Tempo udde i Daud tantal᷊anna mannalangnga kecapi ere mamiallo.