1 SAMUEL 19:23 - WUKE SUSI WATTI'U AL᷊AL᷊USASSA

²³ Nariaddi i tou nasal᷊ate poiaroddi, arawe i tou lai niintaṛṛoannu Ghaṛṛahon Mawu, na'oman sara massal᷊aingke wuṛṛu mangngintul᷊i su al᷊o'engngu lal᷊anna watukku Nayot.

1 SAMUEL 19:23 ပူးပေါင်းရင်းမြစ်များ

AMSAL 16:9

Taumata wotongnge manggol᷊aga, arawe Ruata apan manantunnu lal᷊annu pabbiaṛṛanne.

AMSAL 21:1

Uasul᷊ungngu ere Mawu nangatokku ua'en sal᷊ukka tadea'u mangelekka tumuṛṛuttu apulu-Ne, aroddi lai i Tou mangngehetta ṛingirannu ratu.

REENGANNA 23:5

Ana see Mawu namasingkatta si Bileam wisara apan ṛinone iwal᷊on tou, wuṛṛu nandolokki tou mabelengnga apia ringanni Balak iapapasingkattu tanatan Mawu si tou.

REENGANNA 24:2

wuṛṛu naasilo walahannu Israel tantal᷊anna maddasanna pia tahiane tumuṛṛuttu manga ṛuangannu walahanna. Ana see Ghaṛṛahon Duata nangintaṛṛo si Bileam,

MATIUS 7:22

Su Allong Kiamatta manambo taumata sarun mabbisara si Ya'u, ‘Mawu, Mawu, wal᷊inewe ringannu arannu i yami suete nabbal᷊on tanata Ruata? Wuṛṛu wal᷊inewe ringannu arannu Mawu lai yami suete nallimbuakka manga ghaṛṛaho lal᷊eo see na'ola'a anambon al᷊aṛṛindu'a?’

YOHANES 11:51

Su ṛinone i Kayafas nabbisara aroddi, wal᷊ine wuassu ṛingiranne sassane. Arawe ana waugu i tou sangkatou imam bahewalla tonna udde, i tou namasingkatta manungku Mawu Yesus sarun mate hunane tumba'u su walahannu Yahudi.

1 KORINTUS 13:2

Salaiwe i ya'u pande mabbatti'u watti'a wuassu Ruata, wuṛṛu maassunna anambon hatto apan malal᷊al᷊umma, wuṛṛu masingkatu manga al᷊awo'a wuṛṛu lembon mangngimanna Ruata na'oman sara wotongnge maaingkatu wowone, arawe i ya'u tawe mandangngu taumata waine, ne i ya'u tawe aregane saran kadio'a!

1 SAMUEL 10:10

Sutempo i Saul wuṛṛu mangangimbene na'omate su Gibea, itarua nassomban ammul᷊annu nabi. Su orassa udde lai i Saul niintaṛṛoannu Ghaṛṛahon Duata, ne i tou nassal᷊aingnga wuṛṛu mangngintul᷊i suadio'a ringannu manga nabi udde.

1 SAMUEL 10:12

Ana see sangkatou apan uatana'a isudde naiwal᷊o, “Ereapa ringannu manga nabi waine udde – tumuṛṛutta si yamiu isai iamangngi mangitou?” Eteudde panattaṛṛannu sasanato'a indi, “Apa i Saul maola'a lai nabi?”

1 SAMUEL 10:6

Su orassa udde lai i'o sarun intaṛṛuannu Ghaṛṛahon Mawu wuṛṛu i'o lai sarun massal᷊aingnga wuṛṛu mangngintul᷊i, ana see i'o onggol᷊annu pallal᷊agu wakku na'oman sara maola'a taumata al᷊aṛṛaene.

1 SAMUEL 18:10

Tiṛṛabbine allo i Saul sulal᷊ummu wal᷊ene tantal᷊anna uaagassa sambeangnga wuṛṛu inaṛṛombanganne i tou nirantannu ghaṛaho lal᷊eo apan nirolokku Ruata, na'oman sara i tou mandona naal᷊ihidda taumata wewa. Tempo udde i Daud tantal᷊anna mannalangnga kecapi ere mamiallo.

1 SAMUEL 19:18

Napawe i Daud naatal᷊angke, i tou inaite watukku wal᷊en Samuel su Rama, ana see i tou namasingkattu anambon inolaanni Saul si Samuel. Wua'udde i Daud wuṛṛu i Samuel suadio'a inaite watukku Nayot wuṛṛu natana'e isudde.

1 SAMUEL 19:20

Ana waugu udde i Saul nandolokku manga pira daroloṛṛanne inai iapasametta si Daud. Arawe i mangitou naasangkalla ammul᷊annu nabi apan tantal᷊anna massal᷊aingnga wuṛṛu mangngintul᷊i su sambau, ipappiaṛṛa'i Samuel. Ana see manga daroloṛṛanni Saul udde niintaṛṛoannu Ghaṛṛahon Duata na'oman sara i mangitou lai massal᷊aingnga wuṛṛu mangngintul᷊i suadio'a.

1 SAMUEL 19:22

Ana waugu udde i Saul inaite watukku Rama. Napawe na'omatae su paṛṛihi wahewalla su Sekhu, i tou naiwal᷊o suapa i Samuel wuṛṛu i Daud uatana'a, wuṛṛu manga taumata udde namasingkatta si tou manungku i mangitou poi su Nayot.