1 SAMUEL 19:20 - WUKE SUSI WATTI'U AL᷊AL᷊USASSA

²⁰ Ana waugu udde i Saul nandolokku manga pira daroloṛṛanne inai iapasametta si Daud. Arawe i mangitou naasangkalla ammul᷊annu nabi apan tantal᷊anna massal᷊aingnga wuṛṛu mangngintul᷊i su sambau, ipappiaṛṛa'i Samuel. Ana see manga daroloṛṛanni Saul udde niintaṛṛoannu Ghaṛṛahon Duata na'oman sara i mangitou lai massal᷊aingnga wuṛṛu mangngintul᷊i suadio'a.

1 SAMUEL 19:20 ပူးပေါင်းရင်းမြစ်များ

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

REENGANNA 24:2

wuṛṛu naasilo walahannu Israel tantal᷊anna maddasanna pia tahiane tumuṛṛuttu manga ṛuangannu walahanna. Ana see Ghaṛṛahon Duata nangintaṛṛo si Bileam,

YOHANES 7:32

Manga taumatam Farisi naaringikka ereapa taumata nambo udde uasasal᷊imburungnga su ola'u Mawu Yesus. Ana waugu udde su sampunna ringannu manga imam tembonanne, i mangitou nandolokku manga pira mandariaga Wal᷊e Mawu inai manametta Mawu Yesus.

1 KORINTUS 14:3

Mawal᷊i'a, taumata apan mammasingkatu watti'a wuassu Ruata, namasingkattu watti'a udde lai su taumata; ipannohassa pangangimanni mangitou, ipangonggolu sasasa si mangitou wuṛṛu ipallimbata naungngi mangitou.

1 SAMUEL 10:10

Sutempo i Saul wuṛṛu mangangimbene na'omate su Gibea, itarua nassomban ammul᷊annu nabi. Su orassa udde lai i Saul niintaṛṛoannu Ghaṛṛahon Duata, ne i tou nassal᷊aingnga wuṛṛu mangngintul᷊i suadio'a ringannu manga nabi udde.

1 SAMUEL 19:11

Su ṛabbi udde lai i Saul nandolokku manga taumata inai su wal᷊en Daud iapal᷊inge si Daud wuṛṛu iapapate marua'allo udde lai. Arawe i Mikhal awingnge nabbisara si tou, “Amungkangu i'o tawe tumal᷊angnga ṛabbi indi, tiṛṛabbi marua allo i'o sarun pateanna.”

1 SAMUEL 19:14

Sutempo manga daroloṛṛanni Saul nirumanta manametta si Daud, i Mikhal nabbisara, “i Daud maradda'a.”

1 SAMUEL 19:19

Arawe niapasingkatta si Saul manungku i Daud poi su Nayot maranin Rama.

1 SAMUEL 19:21

Napawe watti'a udde na'omate si Saul, i tou nandolokku manga daroloṛṛanna waine wuṛṛu i mangitou udde lai massal᷊aingke wuṛṛu mangngintul᷊i suadio'a. Su atallune i Saul nandolokku manga daroloṛṛanna, ne aroddi lai apan nariaddi si mangitou.