1 SAMUEL 17:49 - WUKE SUSI WATTI'U AL᷊AL᷊USASSA

⁴⁹ I Daud nandau papoddene, nanganu watu sambau ana see niali-ali si Goliat. Watu udde naṛṛino su pakkanni Goliat na'oman sara napesangnga tanggilal᷊ane, wuṛṛu i tou naṛṛa'a uarammangnga.

1 SAMUEL 17:49 ပူးပေါင်းရင်းမြစ်များ

1 MARARATU 22:34

Ringannu tawe nipattatudda sangkatou tantaran Siria namiti'u anaanne, ringannu tawe nitarangnga su tampa apan pappandumanne. Arawe anaanna udde napansakka si Ahab wuṛṛu nallappassa su laubbu pangalone su passampaanne. “I ya'u naṛṛinoanne!” aintul᷊in Ahab su mangangapiddu keretane. “Welenga'e wuṛṛu apira'e i ya'u sumabbangnga wuassu tampa papangaloanna!”

2 MARARATU 9:24

I Yehu nangannatta al᷊ati'anne wuṛṛu namiti'a si Yoram su liudde nallappassa sara pappuso. I Yoram nawantinga wuṛṛu nate sulal᷊ummu keretane.

1 SAMUEL 17:48

I Goliat niumamatte nangundanin Daud, ana see ringannu mal᷊ihakka i Daud tinumal᷊angnga watukku barisannu taumatan Filistin tadea'u sumaruanna si Goliat.

1 SAMUEL 17:50

I Daud tinumal᷊angnga nattuddan Goliat, ana see dirumarisikka maranine; i tou nanganu hal᷊elen Goliat wuṛṛu nisawutta wuassu papaṛanganne, ana see niṛṛassi'a puan taumatan Filistin udde. Etearoddi olangnge i Daud namaddo wuṛṛu namate si Goliat, tumba'u ringannu ali-ali wuṛṛu watu! Napawe manga taumatan Filistin naasilo manungku atumannaṛṛanni mangitou natete, i mangitou tinumal᷊angnga.

1 SAMUEL 19:5

I tou buatte nanantillu niawane sutempo i tou namate si Goliat, wuṛṛu Mawu buatte nangonggollu auntunganna apan bahewalla si tou su Israel. Iamangnga sassane naasilote arariadianna udde, ne iamangnga lulluassa sutempo udde. Nariaddi anio orassa indi iamangnga ma'apulu mandal᷊eo taumata apan tawe sal᷊ane wuṛṛu ma'apulu mamate si Daud ringannu tawe pangaiananne?”