1 SAMUEL 17:28 - WUKE SUSI WATTI'U AL᷊AL᷊USASSA

²⁸ I Eliab iaangngi Daud pahul᷊une naaringikka i Daud uahahatton manga tantara. I tou mangke nasa'u si Daud wuṛṛu nabbisara, “Anio i'o nirumanta inawarendi? Isai buatte nirolokku niapapaddul᷊i manga pira dombanu mbau udde su wadda'a? I ya'u masingkatta, i'o maiellegu awawaṛṛaninu; darantanu inawarendi tumba'u ma'ellega pangalo?”

1 SAMUEL 17:28 ပူးပေါင်းရင်းမြစ်များ

PANDARIADDI 37:11

Manga iaangngi Yusuf piate naungnga lal᷊eo si tou, arawe iamangnge sidutu maṛṛingiddu wal᷊iawa udde.

PANDARIADDI 37:4

Napawe manga iaangngi Yusuf naasilo manungku iamangngi mangitou lembon marangngu si Yusuf wuassi mangitou, i mangitou nasa'ute si Yusuf, na'oman sara i mangitou maddirite maggahatton tou.

PANDARIADDI 37:8

“I'o massunna manungku i'o sarun maola'a ratu wuṛṛu uataṛṛino si yami?” wisaran manga iaangnge. Ana see lembon massa'ute i mangitou si tou ana waugu manga wal᷊iawane wuṛṛu ana waugu sarangkanambone apan buatte niwatti'i tou.

2 TAWARIKH 11:18

Rehabeam naawingngi Mahalat; iamangngi Mahalat eteudde Yerimot ana'i Daud, wuṛṛu inangngene eteudde i Abihail ana'i Eliab, pulunni Isai.

DARALO 35:11

Manga matatiala lal᷊eo dirumarisikka lumawangnga si ya'u, wuṛṛu nangansilla manungku i ya'u na'ola'a manga inolaanna apan awaganangku.

AMSAL 18:19

Tuṛṛangnga apan buatte nilessa naungnge masahadde undanianna wuassu soa apan matohassa; patatiakka naal᷊ihidda arussan ngaran soa apan pia tanta'a watune.

AMSAL 27:4

Asasa'u udde maṛṛaggissa wuṛṛu maasongkakka, arawe sumaruanna lu'adda isai maataṛṛangnga?

MANNANASE 4:4

I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

MATIUS 10:36

Ore, apa apan sarun maola'a seetta ahewal᷊anne, eteudde lal᷊oṛṛon bal᷊e udde sassane.

MATIUS 27:18

I Pilatus nabbisara aroddi ana waugu i tou masingkatta manungku manga tembonannu Yahudi nanantillu Mawu Yesus si tou ana waugu i mangitou tawe mal᷊uassa si tou.

MARKUS 3:21

Manga taumata udde nabbisara, “I Tou nabewate!” Wuṛṛu napawe manga tuṛṛang-Nge naaringikka olangnge udde, i mangitou nirumanta nangal᷊appa si Tou.

YUDAS 1:10

Arawe ringannu manga aal᷊uandagga, manga taumata udde namangalo al᷊awo'u apa apan tawe asunnanni mangitou. I mangitou nasul᷊unga ere manga winatangnga apan tawe ṛingidde, apan maasingkattu inolaanne wuassu nianaramanne. Arawe ete inolaanna udde naal᷊al᷊eo si mangitou.

1 SAMUEL 16:13

I Samuel lapiddu nanganu lanan zaitun wuṛṛu nanenegi Daud ringannu darohan pallal᷊ana su saruannu manga iaangnge. Su orassa udde lai i Daud niintaṛṛoannu Ghaṛṛahon Mawu. Nanattakka allo udde wuṛṛu su allo addantane Ghaṛṛahon Mawu sidutu uarundinganna si tou. Wua'udde i Samuel napul᷊ete watukku Rama.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”

1 SAMUEL 17:29

I Daud sinumimbakka, “Apa sal᷊a'u? I ya'u tumba'u ma'iwal᷊o!”