1 SAMUEL 17:25 - WUKE SUSI WATTI'U AL᷊AL᷊USASSA

²⁵ “Pa'ellege si tou!” Wisaran mangitou sandingananna. “Paddaringikka manga wisara wawansage! I Saul ratun kite buatte naddiandi manungku isai apan naapate si Goliat, sarun onggol᷊annu aonggolla apan bahewalla. Ratu lai sarun mangawingngu taumata udde su anangnge maṛṛuala. Wuṛṛu amonanne manattakka wuassu iamangnge iliudda wuassu pamamaekka wose.”

1 SAMUEL 17:25 ပူးပေါင်းရင်းမြစ်များ

EZRA 7:24

I yamiu imbaṛṛangnga maddorongnga wose su manga imam, taumatan Lewi, mangangantari, manddariaga ngara wahewalla, mamanara, ara'e isai-isai apan pia paa'aukka su Wal᷊en Mawu.

MATIUS 17:26

“Taumata raho,” sasimbakki Petrus. “Amungkangngu aroddi,” unnu Mawu Yesus, “tumanangnge ariete pamaekka.

YOSUA 15:16

Unni Kaleb, “Isai-sai apan botongnge maapangaṛṛo Kiryat-Sefer, i tou wotongnge mapa'awingngu ana'u maṛṛuala, i Akhsa.”

SONDAPPA 2:17

Isai-sai apan maaringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna manna apan uawuni, wuṛṛu sambau-sambau sarun manengkama wuassia'u sambau watu mawira. Su watu udde uawoṛṛetta sambau aranna wakku, apan awagananni sai-sai, tumba'u taumata apan nanengkamma.”

SONDAPPA 2:7

Isai-sai apan ma'aringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna wua wuassu punnu pabbawiakka apan tuttuwo su Waillu Ruata.”

SONDAPPA 3:12

Taumata apan naa'untunga, sarun Ta'u olaanna ere sambau diṛṛi sulal᷊ummu Wal᷊e Susi Ruata-U, wuṛṛu i tou sarun matana'a su tampa udde saran mal᷊annu-l᷊annu. Arannu Ruata-U, wuṛṛu arannu soan Ruata-U – eteudde Yerusalem wakku apan sarun umonto'a wuassu surga, wuassu Ruata-U – sarun Ta'u iwoṛṛeta su wadangu taumata udde. Wuṛṛu lai arang-Ku apan wakku sarun Ta'u iwoṛṛeta su waddange.

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.

SONDAPPA 3:5

Si mangitou apan naauntunga sarun luṛṛeannu jubah mawira. Aranni mangitou tawe Ta'u pappasanna wuassu Wuken Taumata Wiakka. Wuṛṛu su saruannu Iamang-Ku wuṛṛu manga mala'ekan-Ne i Ya'u sarun manga'u manungku i mangitou udde pussa'a-U.

1 SAMUEL 17:24

Napawe taumatan Israel naasilo si Goliat, i mangitou nampattal᷊angngu atata'utta.

1 SAMUEL 17:27

Tumana'u soa namasingkatta si tou sarangkanambone apan pina'iren datu.