1 SAMUEL 16:13 - WUKE SUSI WATTI'U AL᷊AL᷊USASSA

¹³ I Samuel lapiddu nanganu lanan zaitun wuṛṛu nanenegi Daud ringannu darohan pallal᷊ana su saruannu manga iaangnge. Su orassa udde lai i Daud niintaṛṛoannu Ghaṛṛahon Mawu. Nanattakka allo udde wuṛṛu su allo addantane Ghaṛṛahon Mawu sidutu uarundinganna si tou. Wua'udde i Samuel napul᷊ete watukku Rama.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

Natan nabbisara si Daud, “Ete i Tuangnga taumatane udde! Wuṛṛu eteindi niwisaran Mawu, Ruatan Israel, ‘I'o buatte Ta'u nitenega maola'a ratun Israel wuṛṛu ete nisalamatta wuassi Saul.

2 SAMUEL 2:4

Wua'udde manga taumatan Yehuda nirumantate su Hebron, wuṛṛu nanenegi Daud naola'a ratun Yehuda. Sutempo i Daud naaringikka manungku manga taumatan Yabesh su Gilead buatte nallabingu winal᷊unanni Saul,

2 SAMUEL 23:1

I Daud ana'i Isai nipile naola'a ratu wuṛṛu niola'u Ruatan Yakub taumata apan a'addatanna. Ete i tou apan nangarangngu manga aantari hunan Israel. Eteindi wisaran Daud apan panginsulanne;

2 SAMUEL 5:3

I Daud na'ola'a paaire ringannu manga piaṛṛa'u Israel udde, ana see i mangitou nanenegi Daud naola'a ratu Israel.

2 MARARATU 9:6

Wua'udde itarua sinumuttate sulal᷊ummu wal᷊en, wuṛṛu nabi saṛṛen tumuwo udde nallal᷊innu lanan zaitun udde su puan Yehu ana see nabbisara, “Mawu Ruatan Israel nabbisara, ‘I Ya'u sarun manenegu maola'a ratu su pabbawala-U Israel.

1 TAWARIKH 11:3

Ne i Daud na'ire manga piaṛṛa'u Israel udde. Ana see i mangitou nanenegi Daud naola'a ratun Israel, ere buatte pina'ire Mawu si Samuel.

DARALO 89:20

Sutempo dorone sulal᷊ummu sambau sondappa, I'o nabbisara su manga allang-Ngu apan matuṛṛutta, “I Ya'u buatte nantul᷊ungngu sangkatou atumannaṛṛane, sangkatou apan Ta'u nipile wuassu tumana'u soa apan Ta'u nitanggakka.

DARALO 89:21

I Ya'u naasangkalle si Daud, allang-Ku, wuṛṛu Ta'u nitenega i tou ringannu lanan lal᷊aghu.

REENGANNA 11:17

I Ya'u sarun sumossokka wuṛṛu maggahattonu su tampa udde, wuṛṛu sambageanganna taṛṛino apan buatte Ta'u nionggola si'o, sarun Ta'u ionggola lai si mangitou. Ne i mangitou wotonggngete massumbala manaranu mamasanna balahanna indi, wuṛṛu udde tawe manarannu sassane.

REENGANNA 27:18

Unnu Mawu si Musa, “Waggoite i Yosua, ana'i Nun. I tou sangkatou apan pande. Andanga'e limanu su wowon puane.

YOHANES 3:34

Ana waugu taumata apan nirolokku Ruata mabatti'u wisaran Ruata, ana waugu Ghaṛṛahon Ruata suete nionggolla si Tou sarangkanambone.

WATTI'U MANGA RASUL 13:22

Napawe Ruata nanossokki tou wuassu aiananne, Ruata nanenegi Daud maola'a ratu mangitou. Wuṛṛu ete indi apan iwabal᷊on Ruata su ola'i Daud, ‘I ya'u suete naasomba si Daud ana'i Isai udde sangkatou apan ma'al᷊uassa naung-Ku. Tumba'u i tou taumata apan mangngamattu apulu-U.’

IBRANI 1:9

I'o ma'apulun atatul᷊idda, wuṛṛu maddantinu awawengkola; ana waugu uddewe Ruata, Ruata-Nu namile Si'o, wuṛṛu nangonggolu awawantuga Si'o apan mandantan al᷊al᷊uassa, nilumambalanna wuassu manga hawe-Nu.”

IBRANI 11:32

Ne, i ya'u wotongnge lai tawe illol᷊one mabbisara, arawe orassa tawe natimu si ya'u. Ana waugu i ya'u lai taambe nanagon Gideon, i Barak, i Simson, i Yefta, i Daud, i Samuel wuṛṛu manga nabi.

MAL᷊AṚṚUUNGNGA 11:29

Wua'udde Ghaṛṛahon Mawu nangintaṛo si Yefta. Ne i Yefta inaite nattembo leta'u Gilead wuṛṛu Manasye wua'udde nabelengnga watukku Mizpa su Gilead. Wua' isudde i tou nanassukku amatanne watukku leta'u walahannu Amon.

MAL᷊AṚṚUUNGNGA 13:25

wuṛṛu napawe i tou uatana'e su paddasanannu ruanganni Dan, apan addone suwallatu Zora wuṛṛu Esytaol, Ghaṛṛahon Mawu mannattake mangngonggolu atatohassa si tou.

MAL᷊AṚṚUUNGNGA 14:6

wuṛṛu inaṛombanganne i Simson nabbal᷊i natohassu taṛinon Mawu. Ana see i tou namaṛṛu singa udde ringannu limane, ereola'u winatangnga udde naal᷊ihidda ambinga. Olangnge udde tawe niwatti'a su hagurangnge.

MAL᷊AṚṚUUNGNGA 3:10

Ghaṛaho Mawu uataṛino si Otniel na'oman sara i tou naola'a piaṛa'u walahannu Israel. I tou inaite napapangalo, ana see Mawu napaauntungngi tou su ratun Mesopotamia udde.

1 SAMUEL 1:19

Tiṛṛabbine marua'allo i Elkana wuṛṛu amonanne napu'ote maṛṛanggappa, wuṛṛu napawe buatte nattaṛṛamawu su Mawu, i mangitou napul᷊ete watukku Rama. Ne i Elkana natatambaten Hana, awingnge udde.

1 SAMUEL 10:1

Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;

1 SAMUEL 10:6

Su orassa udde lai i'o sarun intaṛṛuannu Ghaṛṛahon Mawu wuṛṛu i'o lai sarun massal᷊aingnga wuṛṛu mangngintul᷊i, ana see i'o onggol᷊annu pallal᷊agu wakku na'oman sara maola'a taumata al᷊aṛṛaene.

1 SAMUEL 11:6

Naaringikka udde, i Saul niintaṛṛoannu Ghaṛṛahon Duata.

1 SAMUEL 16:18

Naaringikka udde sangkatou allangnge nabbisara, “Isai, sangkatou taumatan Betlehem pia sangkatou ana'a esakka apan pande mannalangnga musikka. I tou waṛṛani wuṛṛu sangkatou taumata apan mapia. Wuṛṛu i tou lai matohassa see lai pande mabbisara, wuṛṛu Mawu sidutu mantul᷊ungngi tou.”

1 SAMUEL 18:12

I Saul naapendamma manungku i Daud rariagannu Mawu, ewe'e i tou sassane tinantangngu Mawu. Ana waugu udde i tou matta'utti Daud.

1 SAMUEL 2:35

Wua'udde i Ya'u sarun mamile imam apan matuṛṛutta si Ya'u wuṛṛu maddaringikka manga parenta-U si tou. Si tou sarun Ta'u ionggolla papapulunna apan sidutu mammanara imam su saruannu manga ratu apan Ta'u nipile.