1 SAMUEL 15:33 - WUKE SUSI WATTI'U AL᷊AL᷊USASSA

³³ Ana see i Samuel nabbisara, “Ere lai hal᷊elenu apan buatte na'ola'a manambo inangnga apan niawul᷊iannu anangnge, aroddi lai inangngu sarun awul᷊iannu anangnge.” Ana see i Samuel nanattadda si Agag su saruannu mezbah su Gilgal.

1 SAMUEL 15:33 ပူးပေါင်းရင်းမြစ်များ

PANDARIADDI 9:6

Taumata niola'a lihidde ere i Ya'u; ana waugu udde, isai-sai apan mamate taumata, i tou sassane sarun pateannu taumata lai.

1 MARARATU 18:40

Ne i Elia nabbisarate, “Sametta manga nabin Baal udde! Arie pabbala'a saran sangkatou ma'al᷊assangnga!” Ana see manga taumata udde nanametta manga nabin Baal udde, wua'udde i Elia nangapiddi mangitou watukku Sal᷊ukku Kison wuṛṛu poiaroddi i tou namate si mangitou sarangkanambone.

SASABANGNGA 17:11

Su al᷊annune i Musa uawatten limane, taumatan Israel naauntunga. Arawe napawe ta'iakki Musa maado wowa, ete taumatan Amalek apan maauntunga.

SASABANGNGA 21:24

mata hantiannu mata, isi hantiannu isi, ta'iakka hantiannu ta'iakka, ledda hantiannu ledda,

YESAYA 34:6

Hal᷊ele Mawu sarun, mappeta'u daṛṛa wuṛṛu mapenen tawa mangitou, naal᷊ihidda ere ringannu daṛṛa wuṛṛu tawan binatangngu sasamba. Ana waugu Mawu nanaddia sasamba su Bozra, wuṛṛu na'ola'a pamamototta marasai su leta'u Edom.

YEREMIA 18:21

Arawe orassa indi, Mawu, wala'awe manga ana'i mangitou mate amal᷊unusanna wuṛṛu nate sulal᷊ummu pangalo. Wala'e manga wawinen mangitou awul᷊iannu iamangngu ana'a wuṛṛu ana'a; wala'ewe manga esakka nate ana waugu al᷊aṛṛusa'itta wuṛṛu ingana'a umbasanna nate sulal᷊ummu pangalo.

YEREMIA 48:10

Niawontohante taumata apan tawe mapaamattu manara wuassu Mawu ringannu atonna-tonna. Niawontohante i tou apan tawe nanawutta hal᷊ele wuṛṛu mamate.

HOSEA 6:5

Ana waugu udde i Ya'u nandolokku manga nabi-U iapapasingkatta si yamiu laṛṛawe-U manungku i yamiu ṛinone iṛṛuumanna wuṛṛu pateanna. Apan ipaapulu-U wuassi yamiu nasemakke wuṛṛu natualage:

REENGANNA 14:45

Ne taumatan Amalek wuṛṛu taumatan Kanaan apan uatana'a poiaroddi namangalo wuṛṛu namaddo manga taumatan Israel apiddu nangenggenna si mangitou naddatingngu Horma.

MATIUS 7:2

Ana waugu su ereapa i yamiu maṛṛuungngu taumata waine, aroddi lai Ruata sarun maṛṛuungngi yamiu. Wuṛṛu uuṛṛanna apan ipanguukki yamiu su taumata waine sarun ipanguukku Ruata lai si yamiu.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!

SONDAPPA 16:6

I mangitou suete napaaturon ṛaṛṛam walahannu Ruata wuṛṛu ṛaṛṛa manga nabi; orassa indi I'o mappa'inummu ṛaṛṛa si mangitou. Atonna, naṛṛinote udde maola'a si mangitou!”

SONDAPPA 18:6

Ola'awe i tou su ereapa i tou suete na'ola'a si yamiu; wal᷊isete i tou paarua wuassu anambon pallal᷊agu apan suete niolangnge. Loṛṛoi mangkone ringannu ua'e inumanna apan paarua maattiṛṛana wuassu ua'e inumanna apan nasaddiate iapa'inumma si yamiu.

MAL᷊AṚṚUUNGNGA 1:7

Unni Adoni-Bezek, “Dorone pitum pul᷊o su atoune ratun seetta ta'u nipototta inangngu lima wuṛṛu leddane, ana see i mangitou ta'u niwala niumanna manga anna lambene apan tinumaṛoto wuassu medda'u. Orassa indi Ruata na'ola'a si ya'u ere lai ya'u na'ola'a si mangitou.” Wua'udde i Adoni-Bezek niapidda watukku Yerusalem, ne i tou natete poiaroddi.

1 SAMUEL 10:8

Wua'udde i'o ṛinone inai watukku Gilgal wuṛṛu maṛṛaddo poiaroddi al᷊annune pitu allo. I ya'u sarun dumanta mangonggollu sasamba itattambunna wuṛṛu sasamban paddarame, see lai mamasingkatta si'o sarangkanambone apan ṛinone manarannu.”

1 SAMUEL 15:32

Wua'udde i Samuel nandolokku tantarane, “Apira'a i Ratu Agag inawarendi.” I Agag nirumanta ringanni tou, ringannu napenen antimma ana waugu i tou maṛṛingidda, “Asasilaka pateanna si ya'u nal᷊iudde.”