1 SAMUEL 15:20 - WUKE SUSI WATTI'U AL᷊AL᷊USASSA

²⁰ I Saul sinumimbakka, “I ya'u buatte tinumuṛṛutta parentan Mawu, wuṛṛu inaite napapangalo ere buatte nirolokku Mawu si ya'u; i Agag ratun Amalek ta'u sinametta wuṛṛu anambon taumatan Amalek buatte ta'u nipate.

1 SAMUEL 15:20 ပူးပေါင်းရင်းမြစ်များ

AYUB 33:9

I'o mabbisara, ‘I ya'u waresi, tawe na'ola'a pasasal᷊a. I ya'u tawe sangkulle wuṛṛu tawe na'ola'a pasasal᷊a.

AYUB 34:5

Ayub nabbisara, ‘I ya'u tawe pasasal᷊a, arawe Ruata maddiri mangonggollu atatul᷊idda si ya'u.

AYUB 40:8

Apa i ya'u massinaaddu atatul᷊i-U, wuṛṛu mapaaṛṛinon watangannu ringannu mapasal᷊a-U?

MATIUS 19:20

“Anambon parenta udde suete tinuṛṛutangku,” sasimbakku taumata umbasanna udde. “Apa lai sarun olaangku?”

LUKAS 10:29

Arawe hurun agama udde maddiri mapaasal᷊an ririne. I tou naiwal᷊o, “Isai sansul᷊ungku udde?”

LUKAS 18:11

Taumatan Farisi udde nirumarisikka sassane wuṛṛu inumal᷊iomanna, ‘O Ruata, i ya'u maadiangkamanna Si'o, ana waugu i ya'u tawe ere taumata waine, apan wal᷊iu, taṛṛa l᷊inga ara'e masandaga. I ya'u ma'adiangkamanna ana waugu i ya'u tawe ere madarorongnga wose udde.

ROMA 10:3

I mangitou wagga olangnge Ruata ma'ola'a paa'aukku taumata ringanni Tou maola'a apia. Wuṛṛu ana waugu i mangitou maapulu tumuṛṛutta apulun mangitou sassane, ne i mangitou maddiri tumuṛṛutta su lal᷊anna apan niaṛṛa'u Ruata.

1 SAMUEL 15:13

Sutempo i Samuel nassombaten Saul, i Saul nabbisarate si tou, “Doronganna Mawu mangal᷊amatta si Papa! I ya'u buatte napaamattu parentan Mawu.”

1 SAMUEL 15:3

Nariaddi, roote wuṛṛu pangaloite taumatan Amalek wuṛṛu ṛimunsa'a al᷊awo'u pussa'an mangitou. Arie pia sambau apan matantanga; patete anambon taumata esakka, wawine, al᷊aṛṛana'a wuṛṛu ana'a ta'e maṛṛamutta; see lai sapi, domba, unta wuṛṛu keledai.”

1 SAMUEL 15:8

Anambon tumana'u soa wuṛṛu tantaran Amalek nipaten Saul. Arawe i Agag ratun taumatan Amalek nisametta wuṛṛu niwala ta'e wiakka ṛatanganni Saul wuṛṛu tantarane, aroddi lai domba wuṛṛu sapi apan apianne, ana'u sapi wuṛṛu ana'u domba apan atawanne, wuṛṛu al᷊awo'u saranapa apan maarega; tumba'u winatangnga apan tawe gunane wuṛṛu tawe aregane apan nasue nipate.

1 SAMUEL 28:18

I'o buatte nilumawangnga parentan Mawu wuṛṛu maddiri mamate taumatan Amalek see lai anambon pussa'an mangitou. Ana waugu udde orassa indi i'o niola'u Mawu arendi olangnge.