1 SAMUEL 14:40 - WUKE SUSI WATTI'U AL᷊AL᷊USASSA

⁴⁰ Ana see i Saul nabbisarate su tumana'u Israel sarangkanambone, “I yamiu sarangkanambone darisikka su samba'a isindi.” I mangitou sinumimbakka, “Ṛinone i Tuangnga mammanara tumuṛṛuttu su ṛingiddi Tuangnga udde mapia.”

1 SAMUEL 14:40 ပူးပေါင်းရင်းမြစ်များ

2 SAMUEL 15:15

“Ore, Tuangnga,” sasimbakki mangitou. “Yami nariahite tumuṛṛutta anambon apulun Tuangnga.”

1 SAMUEL 1:23

I Elkana sinumimbakka, “Ore, ola'e tumuṛṛuttu aellegu udde mapia; atana'e su wal᷊en maddatingngu a'omanna tempone i'o mallaassa ana'i yaddua. Ne antimanna Mawu ma'ola'a pa'airenu udde lumiatta'a.” Nariaddi, i Hana natana'e su wal᷊en na'oman sara tempone anangnge la'asanna.

1 SAMUEL 14:36

Wua'udde i Saul nabbisarate mallal᷊aṛenggenne, “Wette i ite mamangalote taumatan Filistin su ṛabbi indi lai ana see mangaṛṛo saranapan mangitou maddatingngu marua allo wuṛṛu mamate si mangitou sarangkanambone.” I mangitou sinumimbakka, “Ore mappianne i Tuangnga ma'ola'a manara suapan aellegi Tuangnga udde mapia.” Arawe imam nabbisara, “Wette i ite maddorongnga tatantiro wuassu Ruata paarorone.”

1 SAMUEL 14:39

I ya'u maddiandi ringannu arannu Mawu apan biakka, apan buatte nangonggollu auntunganna su Israel, manungku taumata apan nassal᷊a sarun iṛṛuumanna pateanna, salaiwe i tou i Yonatan ana'u esakka.” Arawe tawe saran sangkatou apan waṛṛani sumimbakka.

1 SAMUEL 14:41

Wua'udde i Saul niumal᷊iomante, “Mawu, Ruatan Israel, anio allo indi I'o tawe sinumimbakka aal᷊iomangku? Mawu simbakke si ya'u wuassu manga watu apan susi indi. Amungkangu pasasal᷊a udde naṛṛina si ya'u ara'e si Yonatan, simbakke ringannu watu Urim, arawe amungkangu pasasal᷊a udde su al᷊aṛṛanang-Ngu Israel, simbakke ringannu watu Tumim.” Ne sasimbakku Mawu nata'e si Yonatan wuṛṛu si Saul; ringannu aroddi tumanangnge tawe sal᷊ane.

1 SAMUEL 14:7

Umbasanna udde sinumimbakka, “Sarangkanambone apan olaanni Tuangnga, allangngu tumuṛṛutta.”