1 SAMUEL 14:20 - WUKE SUSI WATTI'U AL᷊AL᷊USASSA

²⁰ Ana see i Saul wuṛṛu manga taumatane su sambau inaite watukku tampan papangaloanna. Isudde i mangitou naasilo pia al᷊iba'ukka su taumatan Filistin; i mangitou uapapangalo wuṛṛu uapapate.

1 SAMUEL 14:20 ပူးပေါင်းရင်းမြစ်များ

1 MARARATU 20:21

I Ratu Ahab sinumutta lai sulal᷊ummu pangalo ana see nakkimunsa'a manga keretan pangalo wuṛṛu namate manga awal᷊one. Su allo udde taumatan Siria naruggi wahewalla.

2 TAWARIKH 20:23

Tantaran Amon wuṛṛu Moab namangalo tantaran Edom na'oman sara nasue niawaddo. Wua'udde i mangitou nabbal᷊i'a uapapangalote sangkatou ringannu sangkatou.

YESAYA 19:2

Mawu nabbisara, “i Ya'u sarun mamonsen ara'e mangangkatta pangalon sangka tuṛṛanganna su Mesir: Tuṛṛangnga mando'appa tuṛṛangnga, al᷊indonganna mando'appa al᷊indonganna, soa mando'appa soa wuṛṛu araratuanna mando'appa araratuanna.

YEHEZKIEL 38:21

Ana see i Gog Ta'u enggenanna rinangnu al᷊awo'u asasilaka. I Ya'u, Mawu Apan Atanggaṛṛanne buatte nabbisara. Tantarane sarun mapapangalo ringannu hal᷊ele mangitou.

MAL᷊AṚṚUUNGNGA 7:22

Su tempo i Gideon wuṛṛu manga taumatane tantal᷊anna mattiuppa trompeta, na'ola'a manga tantaran seetta uapapangalo rundussa i mangitou, i mangitou uapapilitte sangkatou ringannu waine. I mangitou tinumal᷊angnga watukku Zerera araune maddatingngu Bet-Sita wuṛṛu soa Abel-Mehola maranin Tabat.

1 SAMUEL 14:16

Tantal᷊anna udde tantaran Saul apan uataṛṛapa su Gibea su wageangngu leta'i Benyamin, naasilo taumatan Filistin walate atal᷊angnge wuṛṛu nial᷊iwunete.

1 SAMUEL 9:16

“Tiṛṛabbi marua'allo iraṛṛangngo orassa arendi lai, Ya'u sarun mandolokku sangkatou wuassu ruanganni Benyamin maisasombanu. Teneha'e i tou ringannu darohan pallal᷊ana tadea i tou maola'a ratun walahannu Israel. I tou sarun manal᷊amatta al᷊aṛṛana-U wuassu taumatan Filistin. I Ya'u naasilote asasusa al᷊aṛṛana-U wuṛṛu naaringikke lal᷊uai mangitou ma'iontolla.”