1 SAMUEL 13:9 - WUKE SUSI WATTI'U AL᷊AL᷊USASSA

⁹ Ana waugu udde i tou nabbisara si mangitou, “Apira'e inawarendi sasamba itattambunna wuṛṛu sasamban paddarame udde.” Ana see i tou sassane nangonggollu sasamba itattambunna udde.

1 SAMUEL 13:9 ပူးပေါင်းရင်းမြစ်များ

2 SAMUEL 24:25

Ana see i Daud napararisikku mezbah Mawu isudde wuṛṛu nangonggollu sasamba itattambunna see lai sasamba paddarame. Mawu naddaringikka aal᷊iomanni Daud, ana see nasuete radda'a udde su Israel.

1 MARARATU 3:4

Tampa patataṛṛamawuanna apan lembon tinumelengnge poi su Gibeon. I Salomo masokka mangonggollu sasamba poiaroddi. Su allo sambau, ere inanaramanne, i tou inaite poiaroddi apia.

DARALO 37:7

Ṛaddoite Mawu ringannu naungnga matammuda, ṛaddoite ringannu asasabare ma'oman sara i Tou mammanara. Arie suminggawanga su taumata apan napantaingu wiakke, ara'e iapa manarane mammahia.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

AMSAL 20:22

Imbaṛṛangnga mabbal᷊issa al᷊al᷊eo ringannu al᷊al᷊eo lai; pangimante Mawu, ete i Tou apan sarun mantul᷊ungnga.

AMSAL 21:27

Mawu tawe lumuassu sasamban taumata lal᷊eo, nangillembote amungkangngu ionggolla ringannu naungnga lal᷊eo.

AMSAL 21:3

Inolanna apan matul᷊idda wuṛṛu naṛṛino lembon maal᷊uassa Mawu sul᷊ungnge wuassu al᷊awo'u sasamba.

YESAYA 66:3

Arawe walahanna udde ma'ola'a walate apulu mangitou; i mangitou mal᷊uassa mattaṛṛamawu ringannu atokke apan ma'arantinna. Si mangitou tawe paddaṛṛalanne: mangngonggollu sapi esakka wuṛṛu mangngonggollu taumata, mangngonggollu ana'u domba wuṛṛu mammaddi ullekkan asu; mangngonggollu gandumma wuṛṛu mangngonggollu daṛṛan bawi, mannambunnu amania wuṛṛu massubba pa'al᷊uanna.

TAHIUL᷊E 12:5

Wuassu ahewallu wageangngu leta'u ṛuangannu Israel, Mawu Ruatanu sarun mamile sambau tampa tadea'u walahanni ite wotongnge rumanta su saruan-Ne wuṛṛu massubba si Tou.

TAHIUL᷊E 12:6

Watukku tampa uddewe i yamiu ṛinone mangapiddu manga sasamba itattambunna see lai manga sasamba waine, manga sasamba sepere mapul᷊o waussu inasaharannu see lai manga sasamba waine, sasamba wawaekka riandinu, sasamban tawe niwata'a wuṛṛu ana'u sapi wuṛṛu ambinga dombanu apan paarorone niasungkangnga.

1 SAMUEL 14:18

“Apira'e efod udde inawarendi,” unni Saul si Imam Ahia. (Su allo udde i Ahia nangapiddu efod udde su saruannu taumatan Israel.)