1 SAMUEL 13:4 - WUKE SUSI WATTI'U AL᷊AL᷊USASSA

⁴ Su anambon walahannu Israel niapasingkatta manungku i Saul buatte namate tembonannu tantaran Filistin udde wuṛṛu manungku taumatan Filistin tumaniten maddantinnu taumatan Israel. Ana waugu udde tumana'u soa niumitu'a wawaggo wuṛṛu niammulen Saul su Gilgal.

1 SAMUEL 13:4 ပူးပေါင်းရင်းမြစ်များ

PANDARIADDI 34:30

I Yakub nabbisara si Simeon wuṛṛu si Lewi, “Iradua napaasusa'u. Orassa indi taumatan Kanaan wuṛṛu taumatan Feris wuṛṛu anambon tumana'u wanua indi sarun mandantingku. Manga taumatan kite matul᷊u; amungkangu manga tumana'u wanua udde maammula mandoappa wuṛṛu mamangalo si ya'u, anambon amonanni ite pateanna.”

PANDARIADDI 46:34

wal᷊oa'a si tou manungku i yamiu indi mamamadul᷊i winatangnga ro'en ta'e maradio'a, naal᷊ihidda al᷊amonan kamiu. Ringannu aroddi tou sarun mandolokki yamiu matana'a su wageangngu leta'u Gosyen.” I Yusuf namasingkatu olangnge udde ana waugu taumatan Mesir mammendamma addio'a maggahawen manga mallal᷊u'adda winatangnga.

2 SAMUEL 10:6

Wua'udde taumatan Amon naatutukka manungku inolaanni mangitou udde naaola'a si Daud naisaseetti mangitou. Ana waugu udde i mangitou nanewa 20.000 su atoune tantaran Siria apan uatana'a su Bet-Rehob wuṛṛu Zoba, see lai 12.000 su atoune tantara wuassu Tob, see lai ratu wuassu wanua Maakha ringannu 1.000 su atoune tantarane.

SASABANGNGA 5:21

Unnu manga mandore udde, “Mawu masingkattu inolaannu! I Tou sarun makkuumanni raddua! Ete iraddua apan naaola'a si yami nipadantinnu ratu wuṛṛu manga mamanarane, na'oman sara i mangitou mamate si yami.”

ZAKARIA 11:8

Siri tallu malll᷊u'adda apan maddantingku nanginsue asasabbare'u. I mangitou ta'u nilimbuaṛṛanna sulal᷊ummu tempo sambul᷊anna.

YOSUA 5:9

Mawu nabbisara si Yosua, “Allo indi asasusan kamiu ere allanga su Mesir buatte niapawul᷊i-U.” Ana waugu udde tampa udde nisago Gilgala na'oman sara orassa indi.

1 SAMUEL 10:8

Wua'udde i'o ṛinone inai watukku Gilgal wuṛṛu maṛṛaddo poiaroddi al᷊annune pitu allo. I ya'u sarun dumanta mangonggollu sasamba itattambunna wuṛṛu sasamban paddarame, see lai mamasingkatta si'o sarangkanambone apan ṛinone manarannu.”

1 SAMUEL 27:12

Arawe i Akhis mangngimanna si Daud wuṛṛu maṛṛingidda sulal᷊ummu naungnge, “I tou tumaniten aroddi ipaddantinnu pabbawalage sassane, na'oman sara i tou mangke maola'a allangku su al᷊o'engngu pabbiaṛṛanne.”