1 SAMUEL 12:24 - WUKE SUSI WATTI'U AL᷊AL᷊USASSA

²⁴ Pangaddatte Mawu wuṛṛu pattaṛṛamawute si Tou ringannu matammudda wuṛṛu ringannu ahewallu naungngu. Naungete manga inolaanna wahewalla apan buatte niolang-Nge si yamiu.

1 SAMUEL 12:24 ပူးပေါင်းရင်းမြစ်များ

2 MARARATU 17:39

Paatuṛṛutte si Ya'u Ruatanu, ne i Ya'u sarun mamallosi yamiu wuassu manga seennu.”

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

DARALO 119:80

Antimanna naungku tawe sumewadda wuassu tita-Nu, tadea'u i ya'u tawe masili.

SASABANGNGA 12:13

Daṛṛa su ngaran bal᷊enu sarun maola'a tiala wuassu manga wal᷊en atatanaannu. Amungkangngu i Ya'u maasilo daṛṛa udde, i yamiu Ta'u sabbianna wuṛṛu tawe pateanna su tempo i Ya'u makkuumannu Mesir.

AMSAL 1:7

Tadea'u maasomba asingkatta tutune, paarorone ṛinone taumata uatahuanna aaddatta wuṛṛu matta'uttu Mawu. Taumata longonna tawe mangaregan apande wuṛṛu maddiri aṛṛaanna.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

YESAYA 5:12

Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

TAHIUL᷊E 10:21

Paddalote si Tou, ana waugu i Tou Mawu Ruatanu. Ringannu mata wuṛṛu puanu sassane i yamiu naasilote manga inolaanna apan bahewalla wuṛṛu ma'ata'utta apan niola'i Tou si yamiu.

TAHIUL᷊E 29:1

Indiwe manga wisaran pa'aire wuassu parentan Mawu apan niola'i Musa su walahannu Israel su tempo i mangitou su leta'u Moab. Pa'aire udde maola'a tatimune wuassu pa'aire apan niola'u Mawu si mangitou su Wowon Sinai.

TAHIUL᷊E 29:2

I Musa nandolokku anambon taumatan Israel niapaammula, ana see nabbisara si mangitou, “I yamiu naasilote sassane inolaannu Mawu su saruannu ratun Mesir, manga mammamanarane wuṛṛu ahewallu wanuane.

IBRANI 12:29

Ana waugu Ruatang kite ere putungnga apan maatutungnga.

YOSUA 24:14

“Nariaddi, orassa indi,” unni Yosua nanassukku wisarane, “pangaddate Mawu. Pattaṛṛamawute si Tou ringannu naungnga mal᷊uassa wuṛṛu matammuda. Paaraua'a manga passasubba Mawu waine apan sassubannu iunpungngu al᷊amonanu tiwatta su Mesopotamia wuṛṛu su Mesir. Pattaṛṛamawute tumba'u su Mawu sassane.