1 SAMUEL 12:20 - WUKE SUSI WATTI'U AL᷊AL᷊USASSA

²⁰ I Samuel sinumimbakke lai, “Arie mata'utta, salaiwe i yamiu buatte na'ola'a al᷊al᷊eo udde, imbaṛṛangnga manantangngu Mawu, ewe'e sidutu pattaṛṛamawu si Tou ringannu ahewallu naungngu.

1 SAMUEL 12:20 ပူးပေါင်းရင်းမြစ်များ

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

DARALO 101:3

al᷊al᷊eo tawe ta'u iwala. Ta'u ipaddantinna pallal᷊aghun taumata apekka, wuṛṛu maddirite masasangkapia mangitou.

DARALO 125:5

Arawe taumata apan inolaanne mallinga antimanna iṛṛuumannu Mawu suadio'a ringannu taumata lal᷊eo. Doronganna al᷊aṛṛanang-Ngu mal᷊angnganna!

DARALO 40:4

I Tou nangaṛṛa'a si ya'u mangantarin antari wakku, antari daralo su Ruatan kite. Manambo taumata naasilo wuṛṛu nabbal᷊i nata'utta, ana see nangimante Mawu.

SASABANGNGA 23:25

Amungkangngu i yamiu massubba si Ya'u, Ruatanu, i yamiu sarun Ta'u al᷊amatannu anna wuṛṛu ua'e, wuṛṛu al᷊awo'u radda'a sarun Ta'u iapaarau wuassi yamiu.

SASABANGNGA 32:30

Tiṛṛabbine i Musa nabbisara su walahanna udde, “I yamiu buatte na'ola'a rosa wahewalla. Arawe orassa indi ya'u sarun suma'a wowone udde apia sumaruanna Mawu; doronganna i ya'u maasomba aampungngu manga rosanu.”

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

HAGAI 2:5

Sutempo i yamiu sinumabbangnga wuassu Mesir, i Ya'u buatte naddiandi manungku sidutu sarun mallu'adda si yamiu. Wuṛṛu orassa indi lai i Ya'u ta'e ual᷊u'adda si yamiu. Nariaddi i yamiu ariete suminggawangnga.

TAHIUL᷊E 10:12

“Orassa indi manga tuṛṛangnga, paddaringikke apa darorongngu Mawu Ruatanu wuassi yamiu: Pangaddate Mawu Ruatanu wuṛṛu paatuṛṛutte su al᷊awo'u parenta-Ne. Pandangngute si Tou wuṛṛu pattaṛṛamawute si Tou ringannu ahewallu lal᷊ummu naungngu.

TAHIUL᷊E 11:16

Imbaṛṛangnga i yamiu iaparau wuassu Mawu wuṛṛu inai massubba wuṛṛu mattaṛṛamawu su manga Mawu waine.

TAHIUL᷊E 31:29

I ya'u masingkatta manungku napawe i ya'u natete, manga taumata udde sarun mabbal᷊i lal᷊eo wuṛṛu maddiriten al᷊aṛṛa'a apan buatte ta'u niaṛṛa'a si mangitou. Wuṛṛu i mangitou sarun aṛṛiaannu asasusa, ana waugu naasa'u Mawu ringannu na'ola'a sarangkanambone apan isassingaddi Tou.”

YOSUA 23:6

Ana waugu udde, paatehamma tadea'u i yamiu sidutu tuttuṛṛuta wuṛṛu mapaamattu al᷊awo'a apan uawoṛṛeta su lal᷊ummu Wuken Tita Musa. Imbaṛṛangnga lumawanna saran sambau wuassu manga tita udde.

1 PETRUS 3:16

Arawe olaawe udde ringannu masaṛṛionto'a wuṛṛu aaddata. Wuṛṛu ṛinone lal᷊ummu naungngu waresi, tadea'u amungkangu i yamiu al᷊uandahanna ana waugu i yamiu mabbiakka ringannu mapia ere tumatantalongngi Kristus, ne taumata apan mangngal᷊uandaga udde sarun masili sassane.

1 SAMUEL 12:19

Ana see i mangitou nabbisarate si Samuel, “Tul᷊unga'a, Papa, al᷊iomana'a yami su Mawu Ruatanu, tadea'u yami tawe mate. Orassa indi yami naatutukke manungku wuassu rosan kami dorone, yami lai buatte na'ola'a rosa apia ana waugu naddorongnga sangkatou ratu.”