1 SAMUEL 10:7 - WUKE SUSI WATTI'U AL᷊AL᷊USASSA

⁷ Napawe sarangkanambone udde matipusse, ola'e manara tumuṛṛuttu apendammu mapia, ana waugu Ruata uaṛundinganna si'o.

1 SAMUEL 10:7 ပူးပေါင်းရင်းမြစ်များ

PANDARIADDI 21:20

Ruata uarundinganna si Ismael. Ana'a udde mallannu magewalla, i tou uawanua su wadda'u Paran, wuṛṛu naola'a matataṛṛiasu apandeanne.

2 SAMUEL 7:3

I Natan sinumimbakka, “Amata'e al᷊awo'u hol᷊agi Tuangnga, ana waugu Mawu mantul᷊ungngi Tuangnga.”

AYUB 31:25

ara'e mammungan paa'ala'u.

SASABANGNGA 4:8

Unnu Mawu, “Amungkangngu i mangitou maddiri mangimanna si'o, ara'e tawe mangimanna napawe buatte na'ala'a al᷊aṛṛindu'a paarorone, ne al᷊aṛṛindu'a indi sarun ma'ola'a si mangitou mangimanna.

MANNANASE 9:10

Pammanarate al᷊awo'u manaranu ringannu anambon auatannu. Ana waugu sal᷊immurine tate lai ṛingiranna wuṛṛu manara. Tate apende wuṛṛu asingkatta su runian taumata nate. Wuṛṛu ete poiaroddi i'o sarun inai.

YESAYA 7:14

Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

LUKAS 2:12

Ete indi tatialane: I yamiu sarun maaratingnga sangkatou ana'a aoosannu laṛṛeme, niapaatiilla su tampan aananannu winatangnga.”

YOHANES 6:14

Napawe taumata nambo udde naasilo al᷊aṛṛindu'a apan niola'u Mawu Yesus, i mangitou nabbisara, “Atonna, ete indi Nabi apan a'antimanna rumanta su runia!”

TAHIUL᷊E 20:1

“Amungkangngu i yamiu inai mapapangalo mandoappa manga seennu, imbaṛṛangnga mata'utta maasilo keretan pangalo wuṛṛu awal᷊on mangitou apan manambo see lai tantaran mangitou apan reenganne nilumebbe wuassu reenganni yamiu. Mawu Ruatanu apan namallossi yamiu wuassu Mesir sarun mantul᷊ungngi yamiu.

IBRANI 13:5

Imbaṛṛanga wiakku paparentannu awawal᷊iun roitta, arawe ṛinone i yamiu mal᷊uassa ringannu saranapa apan tatahuananni yamiu. Ana waugu Ruata suete nabbisara, “I Ya'u tawe mapaawalanu ara'e manantangi yamiu.”

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

MAL᷊AṚṚUUNGNGA 6:12

Mala'ekattu Mawu nattingkapasilo si tou wuṛṛu nabbisara, “Ei umbasanna apan matohassa! Mawu uarundinganna si'o!”

MAL᷊AṚṚUUNGNGA 9:33

Tiṛabbi marua allo napawe matannallo sumabbangke, pangaloite soa udde ringannu paṛindu'anna. Wuṛṛu amungkangu i Gaal wuṛṛu manga taumatane sumabbanga lumawangnga si'o, eteudde tempone ipamangalo si tou!”

1 SAMUEL 2:34

Maola'a tatiala manungku anambon wisara-U udde atonna sarun matipussa, ne anangngu ruan katou udde, i Hofni wuṛṛu i Pinehas sarun mate sulal᷊ummu allo massallo.

1 SAMUEL 20:13

Amungkangu i tou pia pandumma manilaka si'o, sarun ta'u iapasingkatta si'o lai tadea'u i'o wotongnge maapanal᷊amatta watangannu. Doronganna Mawu mamate si ya'u amungkangu olangnge udde tawe ta'u olaanna. Antimanna Mawu mantul᷊ungngu ere lai i Tou buatte nitul᷊ungngu lai!

1 SAMUEL 3:19

I Samuel a'atambanna ahewalle. Mawu uarundinganna si tou wuṛṛu na'ola'a anambon wisaran Samuel udde atonna matipussa.