1 SAMUEL 10:27 - WUKE SUSI WATTI'U AL᷊AL᷊USASSA

²⁷ Arawe manga pira taumata lal᷊eo nabbisara, “Ereapa wotongnge taumata indi pia gunane si ite?” I mangitou mangngadio'a si Saul wuṛṛu tawe mangapiddu aonggolla si tou. Arawe i tou mangngawusu wagga.

1 SAMUEL 10:27 ပူးပေါင်းရင်းမြစ်များ

2 SAMUEL 20:1

Su soan Gilgal pia sangkatou taṛṛa sal᷊asa'a aranne i Seba. I tou ana'i Bikri, wuassu ruanganni Benyamin. Sutempo taumatan Daud nangelekka nirumanta, i Seba nattiuppa trompetta wuṛṛu nangintul᷊i, “I ite tawe paa'aukka ringanni Daud. Ipa'ura i ite tumantalongnga si tou? Ei taumatan Israel, wette i ite mapul᷊ete!”

2 SAMUEL 8:2

I Daud lai namaddon taumatan Moab. I tou nandolokki mangitou iapal᷊allowanga su leta'a, ana see i tou namate ruan katou suwallattu suapan siri tallu su atoune. Nariaddi, taumatan Moab nassuṛṛubbawa si Daud wuṛṛu mammaekka wose si tou.

1 MARARATU 10:25

I mangitou sangkatou-sangkatou nirumanta ringannu uaapiddu aonggolla hunan Salomo. I mangitou nangonggollu manga saranapa sal᷊a'a, wul᷊awanna, laubba, lutangnga, rampa-rampa, awal᷊o wuṛṛu bagal. Etearoddi suapan tonna mallal᷊isansunna.

1 MARARATU 4:21

Suapan amonanna uatahuanna waillu anggore wuṛṛu waillu ara. Su al᷊o'engngu pabbiaṛṛanni Salomo tumana'a su ahewallu Yehuda wuṛṛu Israel wuassu Dan maddatingngu Bersyeba mabbiakka ringannu matammudda wuṛṛu mal᷊angnganna. Ana waugu, anambon datu su samba'an waṛṛattu Efrat uasuṛṛubawa si tou, wuṛṛu anambon balahanna wuassu manga araratuanna maranin araratuanne uahahawen tou. Leta'a su samba'an waṛṛattu Sal᷊ukku Efrat wuṛṛu Tifsah su wiwikku Sal᷊ukku Efrat masal᷊a su waṛṛata watukku soa Gaza su Filistin maddatingngu passarannu Mesir, sarangkanambone paparentanni Salomo. Manga walahanna su wanua udde uasuṛṛubawa si tou wuṛṛu mammaekka wose. Manga anna apan pappandumanni Salomo suapan allo eteudde 5.000 litere taponna al᷊ussa, 10.000 litere taponna hal᷊agga, 10 sapi sulal᷊ummu tanda'a, 20 sapi su wadda'a, wuṛṛu 100 domba. Wal᷊ine wua isudde lai rusa, kijang, menjangan wuṛṛu manga manu'u winalanganna.

1 MARARATU 5:1

I Hiram, ratun Tirus, sidutu uahahawen Ratu Daud. Sutempo i Hiram naaringikka manungku i Salomo naola'e ratu nallol᷊ossa si Daud, iamangnge, i tou nandolokku taumata inai ringanni Salomo.

2 TAWARIKH 13:7

I tou nangammulu manga taumata lal᷊eo wuṛṛu namata'u apulun mangitou si Rehabeam ana'i Salomo, apan sutempo udde ta'e saṛṛen tumuwo tawe asingkatta manal᷊are.

2 TAWARIKH 17:5

Mawu nangonggola si Yosafat araratuanna apan matohassa su Yehuda. Tumanangnge sarangkanambone nangonggolu manga aonggola si tou, ne i tou nabbal᷊ite ala wuṛṛu aaddatanna.

DARALO 38:13

Taumata apan mappandumma mamate si ya'u nantaingngu sedda si ya'u; apan pia pandumma manilaka si ya'u mammansaga mamate si ya'u.

DARALO 72:10

Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

MANNANASE 7:21

Arie mappulu maddaringikka watti'a awusu, isai masingkatta i'o tantal᷊anna wabbontohannu sangkatou mangangimbe.

YESAYA 36:21

Naaringikka udde, tumana'u Yerusalem tawe sinumimbakka, ana waugu i Ratu Hizkia buatte namarenta tadea'u i mangitou al᷊annabba.

MATIUS 2:11

I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.

WATTI'U MANGA RASUL 7:35

I Musa indi Musa apan tawe nia'um balagu Israel wuṛṛu nito'e ringannu wisara indi, ‘Isai suete namile si'o maola'a piaṛṛa'a wuṛṛu mallaṛṛuungngi yami?’ Arawe ete i tou taumata apan nirolokku Ruata maola'a piaṛṛangnge wuṛṛu mananal᷊amatta, ringannu sasumbala mala'ekatta apan nirumanta ringanni tou su anggaṛṛumunanne apan lukkenggamma udde.

TAHIUL᷊E 13:13

manungku manga pira taumata lal᷊eo wuassu walahannu buatte nangal᷊iwun tumana'u soa massubba manga Mawu apan awagananni yamiu.

1 SAMUEL 11:12

Wua'udde walahannu Israel naiwal᷊ote si Samuel, “Suapate manga taumata tanginna apan waṛṛani mabbisara manungku i Saul tawe sulal᷊anne maola'a ratun kite? Taumata udde ṛinone itantilli Papa si yami, tadea'u pateanni yami.”

1 SAMUEL 11:13

Arawe i Saul nabbisara, “Imbaṛṛangnga pia sangkatou pateanna su allo indi, ana waugu su allo indi Mawu buatte nanal᷊amatta Israel.”

1 SAMUEL 16:20

Wua'udde i Isai nandiahi sambau keledai, ana see i tou nallurannu sambau ana'u ambinga, roti wuṛṛu pato'a wuassu pisi niloṛṛoannu anggore na'oman sara napene. Sarangkanambone udde niapaapidda si Daud iapaonggolla si Saul.

1 SAMUEL 2:12

Al᷊aṛṛana'i Eli tumaniten dal᷊eo atonna. I mangitou tawe maddaringikka Mawu

1 SAMUEL 25:17

Ana waugu udde, ṛingira'a paapia olangnge indi, wuṛṛu ṛawesa'e apa apan botongnge olaanni Mama. Ana waugu sarun dumanta wawal᷊inne si tuangngi ite wuṛṛu su anambon balahanne. I Tuangngi ite aroddi tawe maddaringikka na'oman sara i tou tawe a'aehanna maggahatto!”