1 SAMUEL 1:28 - WUKE SUSI WATTI'U AL᷊AL᷊USASSA

²⁸ ne ana waugu udde ana'a indi ta'u itantilla maola'a pussaan Mawu su al᷊o'engngu pabbiaṛṛanne.” Wua'udde i mangitou nattaṛṛamawute naddalo Mawu.

1 SAMUEL 1:28 ပူးပေါင်းရင်းမြစ်များ

PANDARIADDI 24:26

Ne allangnga udde niumal᷊intudate nassubba Mawu.

PANDARIADDI 24:48

I ya'u niumal᷊intudda nassubba wuṛṛu naddalo Mawu, Ruatan mawu'u Abraham. I Tou buatte nangehetta si ya'u naddatingngu tampa indi, ringannu manga alahannu mawu'u, na'oman sara i ya'u naasomba maṛṛuala indi maola'a paren anangnge.

PANDARIADDI 24:52

Napawe allangngi Abraham naaringikka wisara mangitou, i tou niumal᷊intudda nassubba Mawu.

AMSAL 31:2

“Ana'u, tatunonaungku, apan ta'u niasungkanga maola'a sasimbakku aal᷊iomangku. Apate apan ta'u olaanna si'o?

REENGANNA 6:8

Su al᷊annune i tou taumata nazir, i tou taumata apan niṛṛae hunan Mawu.

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

MAL᷊AṚṚUUNGNGA 7:15

Napawe i Gideon naaringikka wal᷊iawan taumata udde wuṛṛu atappasanne, i tou lapiddu niumal᷊intudda nassubba Ruata. Wua'udde i tou nabelengke su paddasanannu Israel wuṛṛu nabbisara, “Pasasadiate! Mawu sarun mapauntungi yamiu su tantaran pangalon Midian!”

1 SAMUEL 1:11

Wua'udde i Hana nabbisara pa'aire, wisarane, “Mawu Apan Lembontaṛṛino, tannoi'o allangngu indi! Ellehete asasusan allangngu. Naungete allangngu wuṛṛu arie maabul᷊in allangngu! Amungkangu I'o mangonggolu sangkatou ana'a esakka, allangngu maddiandi i tou sarun ionggolla Si'o su al᷊o'engngu pabbiaṛṛanne. Allangngu maddiandi lai manungku utangnge sarun tawe pol᷊oanna.”

1 SAMUEL 1:22

Arawe paassa indi i Hana tawe tinumantalongnga. I tou nabbisara awingnge, “Napawe nangaddoten pasasusu, i Samuel sarun ta'u iuntudda su Wal᷊en Mawu, wuṛṛu i tou sarun matana'a poiaroddi sarangkal᷊o'enge.”

1 SAMUEL 2:11

Ana see i Elkana wuṛṛu amonanne napul᷊ete watukku Rama, arawe i Samuel, ana'a udde, natana'e su Silo wuṛṛu mangngimbe Mawu su al᷊ungngu lu'addi Imam Eli.

1 SAMUEL 2:20

Ne i Eli nangal᷊amatta si Elkana wuṛṛu awingnge, wuṛṛu i tou nabbisara si Elkana, “Antimanna Mawu mangonggollu ana'a apia si'o wuassu awingngu indi, ipallol᷊ossa ana'a apan buatte nionggolli raddua su Mawu.” Wua'udde itarua napul᷊ete watukku Rama.

1 SAMUEL 28:2

I Daud sinumimbakka, “Ore, i Tuangnga sarun maasilo sassane sarangkanambone apan a'olaannu allangngu si Tuangnga.” Ana see i Akhis nabbisara, “Ore, aroddite, I'o sarun ta'u itenega maola'a mandariaga'u sidutu.”