1 PETRUS 3:9 - WUKE SUSI WATTI'U AL᷊AL᷊USASSA

⁹ Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

1 PETRUS 3:9 ပူးပေါင်းရင်းမြစ်များ

PANDARIADDI 42:25

I Yusuf namarenta tadea'u manga karongnga apan niapiddu manga iaangnge lo'roannu gandumma, wuṛṛu roitti mangitou sambau-sambau nitaṛṛo sulal᷊ummu manga karongnga udde. Wuṛṛu lai i mangitou nionggol᷊annu anna maola'a wal᷊unna su amatanna. Parentane udde niraringiṛṛanna.

AMSAL 17:13

Isai mabbal᷊issa apapia ringannu al᷊al᷊eo, ne al᷊al᷊eo tawe masabbangnga wuassu wal᷊ene.

AMSAL 20:22

Imbaṛṛangnga mabbal᷊issa al᷊al᷊eo ringannu al᷊al᷊eo lai; pangimante Mawu, ete i Tou apan sarun mantul᷊ungnga.

AMSAL 28:10

Isai massal᷊o'u taumata matul᷊idda tadea'u ma'ola'a al᷊al᷊eo, i tou sassane manawo sulal᷊ummu sedda. Taumata apan naungnge waresi sarun al᷊amatanna ma'oman sara su lal᷊umanna'a.

MATIUS 19:29

Wuṛṛu manga taumata apan suete nanantangngu wal᷊ene, ara'e tuṛṛangnge esakka ara'e wawine, ara'e inangnga iamangnga, ara'e manga al᷊aṛṛanangnge ara'e wawail᷊anne ana waugu i Ya'u, taumata udde sarun manengkamma apia paaṛṛasutta su wageangnge. Wuṛṛu i tou sarun manengkamma lai wiakka tutune ma'oman sara mal᷊annu-l᷊annu.

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

MATIUS 5:39

Arawe orassa indi Ya'u mabbisara si yamiu: arie pabbal᷊issa sangkatou taumata apan ma'ola'a al᷊al᷊eo si yamiu. Apianne amungkangngu taumata mamero wambalanu aikkatanna, wala'a lai i tou mamero wambalanu aiṛṛi.

MATIUS 5:44

Arawe orassa indi Ya'u mabbisara si yamiu: pandangngute manga seennu, wuṛṛu al᷊iomana'a manga taumata apan mammate si yamiu,

MARKUS 10:17

Napawe Mawu Yesus nanassute lai amatanni mangitou, nirumantate sangkatou tuttatal᷊angnga inai ringannu Mawu Yesus. Taumata udde inumal᷊intuda su saruannu Mawu Yesus wuṛṛu naiwal᷊o, “Huru apan mapia, ya'u ma'ola'a apa tadea'u wotongnge maasomba pabbawiakka tutune wuṛṛu saran mal᷊annu-l᷊annu?”

LUKAS 10:25

Wua'udde sangkatou hurun agama nirumanta maddea'a mapaasal᷊a Mawu Yesus. I tou naiwal᷊o, “Iamangnga Huru, apa sarun ta'u manaranna tadea'u wotongnge maasengkamma wiakka tutune wuṛṛu mal᷊annu-l᷊annu?”

LUKAS 18:18

Sangkatou piaṛṛa'u Yahudi naiwal᷊o Mawu Yesus, “Iamangnga Huru apan mapia, apa sarun olaangku tadea'u ya'u maasomba wiakka tutune wuṛṛu mal᷊annu-l᷊annu?”

ROMA 12:14

Paddorongke su Ruata tadea'u i Tou mangal᷊amatta manga taumata apan maṛṛagissa si yamiu. Ore, paddorongke Ruata mangal᷊amatta si mangitou, arie pangane.

ROMA 12:17

Amungkangngu taumata mandal᷊eo si'o, arie wal᷊isannu al᷊al᷊eo. Ola'e apa apan mapia su aellegu awadaalla.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

ROMA 8:30

Ete aroddi Ruata namaggo si mangitou apan buatte nipile paarorone; wuṛṛu i mangitou apan niwagoanne udde, niwala maaukka apia ringanni Tou. Wuṛṛu i mangitou apan niwala apia maaukka ringannu Ruata, nanganu wageangnge sulal᷊ummu awawantugu Ruata sassane.

GALATIA 3:14

Kristus na'ola'a aroddi tadea'u al᷊amatta apan pina'iren Duata si Abraham ionggola lai su manga taumata wal᷊ine Yahudi. Ringannu aroddi i ite lai apan mangngimanna Ruata, wotongnge manengkamma Ghaṛṛaho apan pina'iren Duata udde.

EFESUS 4:32

Arawe ṛinone naungngi yamiu waresi wuṛṛu uaa'akkana sangkatou ringannu waine, wuṛṛu uaaonggolu ampunga ere lai Ruata nangampunga si yamiu sulal᷊ummi Kristus.

1 TESALONIKA 5:15

Paariagai tadea'u arie pia taumata apan mabal᷊issu al᷊al᷊eo ringannu al᷊al᷊eo. Paddea'e sidutu ringannu ma'ola'a apapia, sangkatou ringannu waine wuṛṛu su anambon taumata.

IBRANI 12:17

I yamiu masingkata manungku wua'udde i Esau ma'apulu maasomba al᷊amatta udde wuassu iamangnge, arawe i tou nito'e. Ana waugu salaiwe ringannu lal᷊uai tou maddea'a lal᷊anne ipangapia passasal᷊ane, arawe allo ipaddea'a udde nasuete.

IBRANI 6:14

I Tou nabbisara, “I Ya'u ma'ire sarun mangal᷊amatta si'o wuṛṛu ma'ola'a walahannu mabbal᷊i manambo,”

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

1 SAMUEL 26:11

Doronganna Mawu mamo'a si ya'u tadea'u tawe mamate ratu apan nipile-Ne! Anute sambeangnge wuṛṛu tampan ua'ene, ana see i ite inaite!”