1 PETRUS 1:3 - WUKE SUSI WATTI'U AL᷊AL᷊USASSA

³ Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

1 PETRUS 1:3 ပူးပေါင်းရင်းမြစ်များ

1 MARARATU 8:15

I tou nabbisara, “Dorone Mawu buatte naddiandi su iamangku Daud arendi, ‘Ro'en i Ya'u nangapiddu uma-U sinumabbangnga wuassu Mesir, su ahewallu wanua Israel tawe saran sambau soa apan Ta'u nipile maola'a tampa suapa tampa pa'olaanna wal᷊en maola'a tampa patataṛṛamawuanna si Ya'u. Arawe i'o, Daud, Ta'u nipile mamarenta uma-U.’ Dalo su Mawu Ruatan Israel apan buatte nanipussa pa'aire-Ne udde!”

1 TAWARIKH 29:20

Napawe buatte niumal᷊iomanna aroddi, i Daud nabbisara su anambon taumata apan uaammulla isudde, “Paddalote Mawu Ruatanu!” Ne awadaalla udde naddalote Mawu Ruata apan sassubbannu al᷊amonan mangitou. Ana see i mangitou niumal᷊intudda nangaddatta Mawu wuṛṛu ratu.

2 TAWARIKH 31:8

Naasilo aonggola apan manambo udde, i Ratu Hizkia wuṛṛu mamanara araratuanne mammatuga Mawu, wuṛṛu naddalo tumana'u Israel, al᷊aṛanang-Nge.

DARALO 41:13

I'o niumontolla si ya'u ana waugu awawaresin naungku, wuṛṛu namala'u mabbiakka suadio'a ringan-Nu saran mal᷊annu-l᷊annu.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

SASABANGNGA 34:6

Wua'udde Mawu sinumabbi ringanni Musa wuṛṛu nabbisara, “I Ya'u Mawu, eteudde Ruata apan napenen naungnga mapia wuṛṛu darangngu. Darungngu-U nilumambalanna, i Ya'u satia wuṛṛu mal᷊iwue masa'u.

YESAYA 26:19

Uman-Nu apan natete sarun mabbiakka apia, manga winal᷊unanni mangitou sarun mabbangunna apia. Taumata apan buatte nilabbinga sulal᷊ummu leta'a sarun mabbangunna wuṛṛu lumala'a. Naal᷊ihidda wal᷊angngukka apan ma'al᷊uassa runia, I'o napawiakku uman-Nu apan mal᷊annute nate.

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

YOHANES 1:13

apan niasungkangnga wal᷊ine wuassu taumata, ana waugu wiakka wakku udde punnene wuassu Ruata.

ROMA 12:12

Ṛinone i yamiu mangngantimma Mawu ringannu mal᷊uassa, paasabare sulal᷊ummu asasusa, wuṛṛu paaṛṛimadda umal᷊iomanna.

ROMA 15:13

Ete Ruata apan pangngantimanni yamiu. Sal᷊andeanna i Tou malloṛṛo naungngu ringannu al᷊al᷊uassa wuṛṛu paddarame ana waugu i yamiu mangngimanna, tadea'u ringannu taṛṛinon Ghaṛṛahon Duata i yamiu lembo mangngantimma Ruata.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

ROMA 5:10

Amungkangngu su tempo i ite uasaseettu Ruata, naasomba paddarame ringanni Tou sulal᷊ummu papaten Anang-Nge, lembonete orassa indi paa'aukki ite ringannu Ruata mapiate apia, natantunte i ite sarun masal᷊amatta lai sulal᷊ummu wiakki Kristus.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

ROMA 8:24

Ana waugu ringannu mangngantimma, i ite sarun masal᷊amatta. Arawe amungkangngu apa apan aantimanni ite suete niasiloanni ite, ne udde wal᷊ine lai antimma. Ana waugu isai lai mangantimma apa apan buatte niasiloanne?

1 KORINTUS 13:13

Nariaddi, su orassa indi pia tatallu inolaanna apan sidutu a'olaanni ite: pangangimanna, pangangantimma wuṛṛu uararangngu. Ahunanne wuassu tatallu udde eteudde mandangngu taumata waine.

1 KORINTUS 15:20

Arawe nasemakke Kristus buatte niapaawiakka apia wuassu papate. Indi maola'a wataṛṛune manungku manga taumata apan natete sarun mabbiakka apia.

2 KORINTUS 1:3

Daralo su Ruata, Iamangngu Mawun kite Yesus Kristus. I Tou Iamangnga lembo mapia naung-Nge, wuṛṛu i Tou Ruata apan mangngonggolu atatohassa su naungngu taumata.

GALATIA 6:16

Su taumata apan mabbiakka ringannu ṛingidda udde, aroddi lai su anambon al᷊aṛṛana'u Ruata, i ya'u mangngantima Ruata sarun mangonggolu paddarame wuṛṛu al᷊aman-Ne.

EFESUS 1:17

I ya'u sussal᷊ande tadea'u Ruatan kite Yesus Kristus, Iamangnga apan mawantuga, mangonggolu Ghaṛṛaho-Ne si yamiu. Ghaṛṛaho udde sarun ma'ola'a si yamiu pande, wuṛṛu sarun mapaal᷊iatta'u Ruata si yamiu na'oman sara i yamiu maaillal᷊a si Tou.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

EFESUS 2:4

Arawe aroddi ahewalle darangngun Duata! I Tou aroddi marangngu si ite,

EFESUS 3:20

Ringannu taṛṛinon Duata apan maṛṛimadda mammanara sulal᷊ummu naungngi ite, Ruata wotongnge ma'ola'a mannamboanne wuassu apa apan wotongnge doronganni ite ara'e iraṛṛingiddi ite.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

KOLOSE 1:27

Su al᷊aṛṛanang-Nge udde Ruata maapulu mapaal᷊iatta'a aroddi apiane wuṛṛu awantuge addapinge udde su anambon walahannu taumata. Addapinge eteudde: Kristus udde sulal᷊ummu wadangu, atappasanne i yamiu lai sarun maapendamma awawantugu Ruata.

1 TESALONIKA 4:13

Manga tuṛṛangnga, i yami maapulu tadea'u i yamiu maasingkata apa apan ṛinone su ola'u manga taumata apan natete; tadea'u i yamiu tawe masusa naungnga ere manga taumata waine apan tawe antimme.

2 TESALONIKA 2:16

Doronganna Mawun kite Yesus Kristus sassane, wuṛṛu Ruata Iamangngi ite malluassa wuṛṛu manohassa naungngu, tadea'u i yamiu wotonge maamanara wuṛṛu mamasingkatu apapia. Ana waugu Ruata marangngu si ite, wuṛṛu ana waugu apapia naung-Nge i Tou napaatammuda wuṛṛu mangngantimma apapia.

1 TIMOTIUS 1:14

Wuṛṛu i ya'u nial᷊amatannu Mawun kite. I Tou nangonggolu atatohassa si ya'u ipangimanna si Tou wuṛṛu mandangngu taumata sansul᷊ungnga. Apande udde nionggolla si ite sarangkanambone apan uaaukke ringanni Kristus Yesus.

TITUS 2:13

Orassa indi i ite tantal᷊anna uaraṛṛaddo Allo apan aantimanni ite udde; su Allo udde runia sarun maasilo awawantugi Yesus Kristus, eteudde Mawu Ahewal᷊anne wuṛṛu Ratun Punnu Sal᷊amatti ite.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.

1 PETRUS 1:21

Ete wuassi Tou i yamiu mangngimanna Ruata apan suete napaawiakki Tou apia wuassu papate wuṛṛu namantuga si Tou. Nariaddi ete Ruata apan pangimananni yamiu wuṛṛu ete su Ruata lai apan pangantimanni yamiu.

1 PETRUS 1:23

Ana waugu wuassu ṛengetannu Ruata apan wiakka wuṛṛu awasa udde, i yamiu suete niola'a taumata wakku apan wal᷊ine inariadianne wuassu taumata, ewe'e wuassu Mawu Iamangnga apan awasa.

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

1 PETRUS 3:15

Arawe sulal᷊ummu naungngu, ṛinone i yamiu mangonggolu addatta si Kristus sassane ana waugu i Tou Mawu. Wuṛṛu ṛinone i yamiu siddutu uasaddia sumimbaka anambon taumata apan maiwal᷊o si yamiu su ola'u antimma apan tatahuannanni yamiu.

1 PETRUS 3:21

Ne riadianna udde naola'a sambau sasumandinga wuassu sasaṛṛani apan orassa indi mannal᷊amatta si yamiu. Sasaṛṛani indi wal᷊ine sambau lal᷊agu ipammaresi wadanga wuassu anambon luhuda, ewe'e maola'a sambau paairenu su Ruata wuassu lal᷊ummu naungnga apan mapia. Sasaṛṛani udde mannal᷊amatta si yamiu ana waugu Yesus Kristus suete nabbiakka apia wuassu papate,

1 PETRUS 3:5

Ringannu olangnge indi su tempo rorone manga wawine pia agamane apan uaantimma Ruata mallogaka ririne ringannu tuttuṛṛuta awingngi mangitou.

1 YOHANES 2:29

I yamiu masingkatte manungku Kristus mabbiakka tuttuṛṛuta apulun Duata. Ana waugu udde i yamiu ṛinone masingkatta lai manungku suapan taumata apan mabbiakka tuttuṛṛuta apulun Ruata eteudde lai ana'u Ruata.

1 YOHANES 3:3

Anambon taumata apan pia antimma indi su saruanni Kristus, mandiagga ririne tadea'u atonna-tonna susi, waresi wuassu rosa ere lai Kristus udde lai susi.

1 YOHANES 3:9

Taumata apan naola'e Ana'u Ruata, tawe sidutu ma'ola'a rosa, ana waugu pallal᷊agun Duata sassane tatahuananni tou. Wuṛṛu ana waugu Ruata udde Iamangnge, ne i tou tawe siddutu ma'ola'a rosa.

1 YOHANES 4:7

Manga tuṛṛangnga apan arangnguanna! Wette i ite maa'akkana sangkatou ringannu sangkatou, ana waugu aakkana darantane wuassu Ruata. Taumata apan u'akkana, eteudde ana'u Ruata wuṛṛu i tou maaillal᷊a Ruata.

1 YOHANES 5:1

Taumata apan mangngimanna manungku Yesus udde Ratun Punnu Sal᷊amatta apan pina'iren Duata, taumata udde ana'u Ruata. Taumata apan mandangngu sangkatou Iamangnga, marangngu lai anangnge.

1 YOHANES 5:18

I ite masingkatta manungku anambon taumata apan suete naola'a al᷊aṛṛana'u Ruata, tawe sidutu ma'ola'a rosa, ana waugu Ana'u Ruata uasirugngnga si tou, wuṛṛu i Lal᷊eo tawe mapa'ola'a apa-apa si tou.

1 YOHANES 5:4

ana waugu suapan al᷊aṛṛana'u Ruata wotongnge maaroappa runia apan lal᷊eo indi. Wuṛṛu i ite mandoappa runia ringanu pangangimanni ite.