1 MARARATU 9:16 - WUKE SUSI WATTI'U AL᷊AL᷊USASSA

¹⁶ Soa Gezer eteudde soa apan dorone nipangaloanna wuṛṛu niwaddon ratun Mesir, ana see tumanangnge nipate wuṛṛu soane nisoṛṛobba. Soa udde murine nionggollu ratun Mesir su sangianne naola'a aonggolla su allo paa'awingnge ringanni Salomo.

1 MARARATU 9:16 ပူးပေါင်းရင်းမြစ်များ

1 MARARATU 3:1

I Ratu Salomo na'ola'a Mesir hawene ringannu na'awingngu ratun Mesir. Sinangianna udde niapiddi Salomo watukku soan Daud tadea'u matana'a isudde ma'oman sara wal᷊en araratuanna wuṛṛu Wal᷊en Mawu see tanda'a watu apan uapal᷊iwutta Yerusalem nasuete niapararisikka.

1 MARARATU 7:8

Tampa atatanaanni Salomo niola'a ere manga wal᷊en waine wuṛṛu addone su rallaka waine su liuddu Balai Pallaṛṛuunganna. Atatanaannu awingnge, eteudde sinangiannu ratu Mesir, i Salomo na'ola'a lai wale apan uasul᷊ungnga.

1 MARARATU 9:24

Leta'a su samba'a timukku Wal᷊en Mawu niomboanni Salomo napawe awingnge, eteudde sinangiannu ratun Mesir, nangingkatta wuassu Soan Daud watukku wal᷊en araratuanna apan niola'i Salomo hunan tou.

YOSUA 10:33

I Horam, ratun Gezer nirumanta massumbala Lakhis, arawe i Yosua namaddon tou wuṛṛu tantarane; tawe saran sangkatou nallambe, sarangkanambone nate.

YOSUA 16:10

Arawe ṛuanganni Efraim tawe nallimbuakka taumatan Kanaan wuassu wageangngu leta'u Gezer. Ana waugu udde na'oman sara orassa indi taumatan Kanaan ta'e uatana'a su Gezer suadio'a ringannu taumatan Efraim, arawe i mangitou niwata'a mammanara maola'a allangu taumatan Efraim.