1 MARARATU 8:1 - WUKE SUSI WATTI'U AL᷊AL᷊USASSA

¹ Wua'udde Ratu Salomo nandolokku anambon piaṛṛa'u ṛuanganna wuṛṛu wawosoanna wuassu walahannu Israel rumanta ringanni tou su Yerusalem tadea'u mangingkattu Wantallu Paairen Mawu wuassu Sion, Soan Daud, watukku Wal᷊en Mawu.

1 MARARATU 8:1 ပူးပေါင်းရင်းမြစ်များ

2 SAMUEL 6:6

Napawe i mangitou na'omate sutampa pakkindanna gandumma pussa'a Nakhon, manga sapi apan uawol᷊engnga roda udde nitara, ana see i Uza nagul᷊ukku limane wuṛṛu nangagassa Wantallu Paaire udde tadea'u tawe manawo.

1 MARARATU 2:10

Wua'udde i Daud nate wuṛṛu nilabbinga su Soan Daud.

1 MARARATU 3:15

Napawe napu'ote, i Salomo naatutukka manungku Ruata buatte nabbisara si tou sulal᷊ummu wal᷊iawa. Ne i tou nabbelengke watukku Yerusalem see dirumarisikka su saruannu Wantallu Paairen Mawu wuṛṛu nangonggollu sasamba itattambunna wuṛṛu sasamban paddarame. Wua'udde i tou na'ola'a andeangnga su anambon mammamanaran araratuanne.

1 TAWARIKH 15:25

Ne i Ratu Daud inaite su sambau ringannu manga piaṛṛa'u Israel wuṛṛu manga tembonannu tantara watukku wal᷊en Obed-Edom inai mangal᷊appa Wantallu Pa'aire udde ringannu ramea apan bahewalla.

1 TAWARIKH 15:29

Sutempo Wantalla udde tantal᷊anna papasannananna sumutta sulal᷊ummu soa, i Mikhal sinangianni Saul nallinge wuassu jendela wuṛṛu naasilo si Ratu Daud tantal᷊anna massal᷊aingnga wuṛṛu lulluassa. Ne i Mikhal naapendamma mammuta ma'ellega si Daud.

1 TAWARIKH 15:3

Ne i Daud namago anambon taumatan Israel niaparanta su Yerusalem tadea'u mangingkattu Wantallu Paairen Mawu sutampa apan buatte niriahine.

1 TAWARIKH 28:1

I Ratu namarentate tadea'u anambon piaṛṛa'u Israel maammulla su Yerusalem. Nariaddi manga tembonannu ṛuanganna, manga mammamanaran araratuanna, wuṛṛu timmaddu amonanna, manga mallal᷊u'adda darotongnga wuṛṛu mamadul᷊i winatangngu ratu see lai manga parinsine – aunne manga ahewalanne araratuanna, perwira ara'e tembonannu tantara wuṛṛu taumata papunna, sarangkanambone iapaammulla su Yerusalem.

2 TAWARIKH 30:1

Ramean Paskah taambe nilaghu tumanangnge sutempone eteudde sulal᷊ummu wul᷊anna paarorone, ana waugu manga imam apan buatte napasusin batanganne tumaniten matul᷊ungnga reenganne wuṛṛu ta'e matul᷊ungnga lai taumata apan uaammulla su Yerusalem. Ana waugu udde i Ratu Hizkia wuṛṛu manga mamanaran araratuanne see lai tumana'u Yerusalem nabbaidda mallaghu ramean Paskah sulal᷊ummu wul᷊anna aruane, ne i mangitou sarangkanambone mal᷊uassa ringannu hol᷊aga udde. Ana see ratu nangirimmu suratta su anambon taumata su ahewallu leta'u Israel wuṛṛu Yehuda. See lai su taumatan Efraim wuṛṛu Manasye. Walahannu Israel sarangkanambone wuassu wageangngu leta'u walahanni Dan su samba'a sawannakka maddatingngu Bersyeba su timukka, niwal᷊oanna tadea'u rumanta su Wal᷊en Mawu su Yerusalem mallaghu ramean Paskah wuṛṛu mangaddatta Mawu Ruatan Israel ere buatte niatokka sulal᷊ummu manga titan Musa. Taambe saran passa Paskah nilaghu ereudde.

EZRA 3:1

Su wul᷊anna appitune, manga taumatan Israel namanuate su soane sambau-sambau. Su allo paarorone wul᷊anna udde i mangitou nammulla su Yerusalem,

DARALO 102:21

maddaringikka sasal᷊iomannu taumata tataṛṛanganna wuṛṛu namallossu taumata iṛṛuumanna pateanna.

DARALO 9:11

Taumata apan maailal᷊a Si'o uaantimma Si'o, oh Mawu, taumata apan massubba Si'o sarun tawe itantang-Ngu.

YESAYA 28:16

Ana waugu udde, Mawu Apan Atanggaṛṛanne nabbisara arendi, “I Ya'u sarun mangaddon rapappakke apan matohassa wuṛṛu ma'uatta su Sion; sambau watun pi'une apan maarega ringannu woṛṛetta: ‘Isai apan mangngimanna atonna, i tou sarun tawe mawaddo.’

YESAYA 46:13

I Ya'u sarun maranin allon pamallosanna asasal᷊amatta apan i Ya'u ionggolla tate lai masoṛṛotta. I Ya'u sarun manal᷊amatta Yerusalem, wuṛṛu mangonggollu awawantuga su Israel.”

REENGANNA 1:4

Wuassu ṛuanganna sambau, paddorongke sambau piaṛṛa'u ṛuanganna iapasumbala si yamiu.”

YOSUA 23:2

Ne i tou namago ṛuangannu Israel sarangkanambone, wuṛṛu lai manga piaṛṛange, manga mallaṛuungnga, wuṛṛu manga tembonannu tantara, ana see nabbisara, “Orassa indi ya'u timmadete.

YOSUA 24:1

I Yosua nangammulu anambon ṛuangannu walahannu Israel su Sikhem, ana see nandolokku manga tembonanne, piaṛṛangnge, mallaṛuṛungnga wuṛṛu manga tembonannu tantara rumanta sumaruanna. Ne nirumantate i mangitou sinamaruanna Mawu Ruata.

1 PETRUS 2:6

Ana waugu sulal᷊ummu Wuke Susi uawoṛṛetta arendi, “I Ya'u suete namile sambau watu maarega, apan Ta'u niaddo su Sion maola'a watu apianne; wuṛṛu taumata apan mangngimanna si Tou tawe iapaasusa naungnge.”