1 MARARATU 4:20 - WUKE SUSI WATTI'U AL᷊AL᷊USASSA

²⁰ Tumana'u Yehuda wuṛṛu Israel anambone ere anne su wiwikku tahal᷊oangnga. I mangitou uatahuanna anna manambo wuṛṛu ua'e see mabbiakka su lal᷊umanna'a.

1 MARARATU 4:20 ပူးပေါင်းရင်းမြစ်များ

PANDARIADDI 13:16

I Ya'u sarun mangonggolla si'o papapulunna apan tumanite manambo, ma'oman sara tawedu pia sangkatou apan botongnge maareengngi mangitou. Su ereapa taumata tawe maareengngu awu su leta'a, aroddi lai papapulunnu tawe iareengnga.

PANDARIADDI 15:5

Mawu nangapiddi Abram su liudde ana see nabbisara si tou, “Paningngarate langitta, wuṛṛu annama'o pandeengngu manga anumpitanna; i'o sarun manahuanna papapulunna anambone ere manga anumpitanna udde.”

PANDARIADDI 22:17

i Ya'u sarun mangal᷊amatta si'o ringannu lumambalanna wuṛṛu ma'ola'a papapulunnu anambone naal᷊ihidda anumputanna su langitta wuṛṛu anambone naal᷊ihidda anne su apannu tahal᷊oangnga. Anangngu pulunnu sarun malluṛṛugu manga seetti mangitou.

PANDARIADDI 32:12

Paanaungewe manungku Mawu buatte naddiandi sarun mangatokku al᷊awo'u apapia si ya'u wuṛṛu mangonggola si ya'u papapulunna apan manambo. Tawe saran sangkatou apan botongnge mandeengnga ana waugu anambone naal᷊ihidda anne su apanne.”

1 MARARATU 3:8

I ya'u uatana'a su pattangngannu walahanna apan buatte nipile-Nu maola'a uman-Nu sassane. I mangitou sambau walahanna wahewalla apan tawe iareengnga anambone.

1 MARARATU 4:29

Ruata nangonggolla si Salomo asingkatta, wuṛṛu apande apan tumaniten bahewalla, see pasasunna apan tumaniten mal᷊al᷊umma.

1 MARARATU 5:9

Manga taumata'u sarun mangapiddu alu udde sumossokka wuassu Libanon watukku tahal᷊oangnga. Isudde manga potottu alu udde sarun wa'isanni mangitou maola'a ṛumbanna wuṛṛu iapa'elekki mangitou su winggin tahal᷊oangnga watukku tampa apan buatte nitantuni Tuangnga. Poiaroddi manga ṛumbanna isongkaka wuṛṛu itantila sumanga taumatan Tuangnga see urusanna sara marampiga. Wuassu samba'an Tuangnga, i ya'u maddorongnga tadea'u i Tuangnga manaddia anna su manga taumata lal᷊oṛṛon wal᷊en araratuangku.”

2 MARARATU 18:31

Arie paddaringikka si Hizkia. I ya'u ratun Asyur manonggolu tita tadea'u i yamiu sumabbanga wuassu soa wuṛṛu manantillu watanganni yamiu. I yamiu wotongnge umanna wuan anggore wuassu wawail᷊annu sassane, wuṛṛu maatemma wuan ara wuassu aaluannu sassane, lapiddu ma'inumma ua'e wuassu paṛṛihinu sassane,

1 TAWARIKH 12:39

Tallu allo al᷊annune manga tantara udde uatana'a isudde ringanni Daud lapiddu ma'ola'a andeangnga wuṛṛu inumanna ma'inumma apa apan nasaddiaten manga taumatan Israel waine pinanaru si mangitou.

1 TAWARIKH 22:9

Salaiwe aroddi, i Tou buatte nangonggolu pa'aire indi si ya'u: ‘I'o sarun maasomba sangkatou ana'a esakka apan sarun mamarenta ringannu mal᷊angnganna, ana waugu i Ya'u sarun mantul᷊ungngi tou ma'oman sara tawe seetta apan mamangalo si tou. I tou sarun isaggo i Salomo ana waugu sutempo i tou uaparenta i Ya'u sarun mangonggolu al᷊al᷊angnganna wuṛṛu atatahul᷊andimma su ahewallu Israel.

AYUB 1:18

Sutempo i tou ta'e mabbisara, nirumantate sangkatou allangnga waine ringannu uaapiddu watti'a, “Manga ana'i Tuangnga tantal᷊anna ma'ola'a andeangnga su wal᷊en ana'i Tuangnga pahul᷊une.

AMSAL 14:28

Awawantugu ratu ua'ianna su anambon tumana'u soane; amungkangngu tawe tumana'u soa i tou tawe taṛṛino.

MANNANASE 2:24

Taweddu mappianne su taumata wuassu anna, ua'e wuṛṛu mappaattu hessin inasaharanne. I ya'u natutukka manungku udde lai aonggollu Ruata.

YESAYA 22:13

Arawe mappianne, i yamiu pallal᷊umanna'e wuṛṛu papesetta. I yamiu pakkata sapi wuṛṛu domba, uminassa ṛemessa wuṛṛu ma'inumma ua'e anggore lapiddu mabbisara, “Wette i ite umanna wuṛṛu ma'inumma, ana waugu tiṛṛabbi i ite matete!”

MIKHA 4:4

Suapan taumata sarun mabbiakka matammudda wuṛṛu mal᷊angnganna su tangngan wawail᷊annu anggore wuṛṛu wawail᷊annu alu ara; tateddu lai apan mamata'utta si tou, eteudde paairen Mawu Apan Lembontaṛṛino.

ZAKARIA 3:10

Napawe allo udde nia'omante, suapan taumata sarun mannote al᷊indonganne tadea'u rumanta wuṛṛu mamendamma paddarame wuṛṛu atatammudda su pattangngannu manga wawail᷊annu anggore wuṛṛu manga punnu alu ara.”

ZAKARIA 9:15

Uman-Ne sarun onggolan-Ne passirunganna, ma'oman sara al᷊awo'u seetta wotongnge iawaddo. Naal᷊ihidda hahuressan taumata wu'anna, etearoddi hahuressan mangitou sulal᷊ummu pangalo. Naal᷊ihidda daṛṛan sasamba apan nilal᷊inna su wowon mezbah, aroddi lai daṛṛan seetti mangitou nabboso.

WATTI'U MANGA RASUL 2:46

Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou.

1 SAMUEL 30:16

Ana see i tou nanguntuddi mangitou su tampan taumata lal᷊eo udde. Sutempo udde, ammul᷊annu taumata lal᷊eo udde uasal᷊iawukka su ahewallu tampa, lapiddu u'anna, ma'inumma wuṛṛu na'ola'a andeangngu lal᷊ala'a ana waugu aroddi anambone saranapa apan niaaṛṛo wuṛṛu buatte niapiddi mangitou wuassu wanua Filistin wuṛṛu Yehuda.