1 MARARATU 3:9 - WUKE SUSI WATTI'U AL᷊AL᷊USASSA

⁹ Ana waugu udde, Mawu, onggol᷊aawe si ya'u asingkatta apan ta'u pappandumanna ipamarenta uman-Nu indi ringannu atatul᷊idda wuṛṛu tadea'u masingkatta mamile suapa apan mapia wuṛṛu suapa apan dal᷊eo. Amungkangngu tawe aroddi, ereapa wotongnge i ya'u mamarenta uman-Nu apan wahewalla indi?”

1 MARARATU 3:9 ပူးပေါင်းရင်းမြစ်များ

2 SAMUEL 14:17

Allangngu mangimanna manungku pa'airen Tuangku sarun mallu'adda asasal᷊amattu allangngu ana waugu Tuangku udde ere mala'ekattu i Ruata, apan botongnge mamasingkattu udde mapia wuṛṛu udde lal᷊eo. Doronganna Mawu Ruatan Tuangku uarundinganna si Tuangku!”

1 MARARATU 10:24

Anambon taumata su ahewallu runia mattinsahadda maddea'a maisasomban Salomo tadea'u maddaringikka al᷊aṛṛa'a masiṛṛongnga apan nionggollu Ruata si tou.

1 MARARATU 3:10

Mawu mal᷊uassa ringannu darorongngi Salomo udde

1 MARARATU 3:28

Sutempo walahannu Israel naaringikka putusanni Salomo sulal᷊ummu hatto udde, i mangitou tinumiangnga wuṛṛu mangngaddatta si tou. Ana waugu, nilumiatta'e manungku Ruata buatte nangonggolla si tou asingkatta tadea'u mammanara ringannu atatul᷊idda.

1 TAWARIKH 22:12

Wuṛṛu antimanna Mawu Ruatanu mangonggolu asingkatta wuṛṛu pasasunna si'o ipamarenta Israel uasul᷊ungngu manga tita-Ne.

1 TAWARIKH 29:19

Onggol᷊aawe si Salomo, parinsi'u, apulun naungnga atonna-tonna tadea'u tumuṛṛutta anambon parenta-Nu wuṛṛu ipandarisikku wal᷊en patataṛṛamawuanna udde apan aolangnge buatte ta'u nisaddia.”

2 TAWARIKH 1:10

Ana waugu udde onggol᷊aawe si ya'u apande wuṛṛu asingkatta apan ta'u pandumanna ipamiaṛṛa'i mangitou. Amungkangu tawe aroddi, ereapa i ya'u wotongnge mamarenta al᷊aṛṛanang-Ngu apan manambo indi?”

DARALO 119:144

Parenta-Nu sidutu matul᷊idda; i ya'u onggol᷊eten pasasunna tadea'u i ya'u sidutu wiakka.

DARALO 119:34

Olaawe i ya'u maasunna tita-Nu ana see i ya'u tuttuṛutta, wuṛṛu ta'u iapaamatta ringannu ahewallu naungnga.

DARALO 119:73

Ete I'o apan na'ola'a wuṛṛu nandiaddi si ya'u, i ya'u onggol᷊eten pasasunna ipangurumma manga parenta-Nu.

AMSAL 14:8

Taumata pande masingkatta ereapa ṛinone mammanara, taumata woddo niawusuannu awawoddone.

AMSAL 16:16

Naasomba apande mappianne marau wuassu naasomba wul᷊awanna; naasomba asingkatta maareganne wuassu naasomba sal᷊a'a.

AMSAL 20:12

Tal᷊inga ipaddaringikka wuṛṛu mata ipa'ellega, itarua udde ete Mawu apan nandiaddi.

MANNANASE 7:11

Taumata wiakka ṛinone pia asingkatta; lal᷊oṛṛon asingkatta uasul᷊ungngu pussa'a;

MANNANASE 7:19

Asingkatta maaola'a tatahuanne lembon matohassa wuassu mapul᷊o tembonanne su sambau soa.

YEREMIA 1:6

I ya'u sinumimbakka, “Ore Mawu Apan Atanggaṛṛanne, i ya'u ta'e wagga mabbisara ana waugu i ya'u ta'e dario'a.”

YEREMIA 45:5

Anio i'o mappulu olaanna apianne? Arie aroddi, Barukh! Anambon taumata Ta'u niṛṛuumanna ringannu asasilaka, arawe su olangngu mattingkaddio'a i'o sarun masal᷊amatta. Su anambon tampa i'o inai, i'o sidutu wiakka. I Ya'u, Mawu buatte nabbisara.”

DANIEL 2:21

Ete i Tou apan mannantunnu watianna wuṛṛu tempo, i Tou mannal᷊inggi wuṛṛu mannenegu tembonanne. Ete i Tou lai apan mangngonggollu asingkatta, see mangngonggollu pasasunna.

MATIUS 3:11

I ya'u mannaṛṛani si yamiu ringannu ua'e, udde mappaal᷊iatta'a manungku i yamiu nawal᷊ute wuassu paddarosang kamiu, arawe apan sarun dumanta sal᷊immurine wuassia'u, sarun manaṛṛani si yamiu ringannu Ghaṛṛahon Duata wuṛṛu putungnga. I Tou maggewal᷊anna wuassia'u saran mangapiddu sapatune lai Ya'u tawe su ṛinone.

MATIUS 3:14

Arawe Yohanes ma'annamma mannol᷊a'u darorongngi Tou udde. I Yohanes nabbisara, “I ya'u indi ṛinone saṛṛanianni Iamangnga. Orassa indi'e Iamangnga nirumanta ringangku maisaṛṛani si ya'u.”

YOHANES 5:30

“I Ya'u tawe mapa'ola'a manga apa wuassu apulu-U sassane. I Ya'u tumba'u makkuungnga wuassu parentan Ruata. Wuṛṛu i Ya'u maṛṛawessa tawe sal᷊ane, ana waugu i Ya'u tawe tumuṛṛutta apulu-U sassane, arawe apulun Iamangnga apan nandolo-U.

2 KORINTUS 3:5

I yami tawe sambau pinangiananne mapaal᷊iatta'a manungku i yami wotongnge mammanara manara indi, arawe Ruata nangonggolu apande udde si yami.

EFESUS 5:17

Arie awodoanna, ewe'e panaṛṛasidde apa apan ipaapulu Mawu.

FILIPI 1:10

Ringannu aroddi yamiu masingkatta mamile apa apan apianne, wuṛṛu wiakku na'ukkassa wuassu angngo ara'e al᷊awo'u aansilla su allo Kristus rumanta apia.

IBRANI 5:14

Anna apan maattika udde wuattu taumata timmade ana waugu asingkane, wotongngete maṛṛingidda suapa mapia wuṛṛu suapa apan lal᷊eo.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.