1 MARARATU 3:14 - WUKE SUSI WATTI'U AL᷊AL᷊USASSA

¹⁴ Wuṛṛu amungkangngu i'o, mangaṛṛussa iamangngu Daud, matuṛṛutta si Ya'u see mappaamattu manga tita'-U, i Ya'u sarun mangonggolla si'o uukka mal᷊o'engnga.”

1 MARARATU 3:14 ပူးပေါင်းရင်းမြစ်များ

1 MARARATU 11:34

Salaiwe aroddi Ya'u tawe manganu abbi ahewallu araratuanna udde wuassi tou. I tou sarun Ta'u iwala mammarenta su al᷊o'engngu pabbiaṛṛanne. Olangnge udde Ta'u niola'a ana waugu allang-Ku i Daud, apan buatte Ta'u nipile wuṛṛu matuṛṛutta su manga tita-U wuṛṛu manga parenta-U.

1 MARARATU 15:5

Mawu na'ola'a olangnge udde ana waugu i Daud buatte nalluassa naung-Nge. I Daud tawe saran paassa tawe maddaringikka manga parentan Mawu, tumba'u su hatton Uria taumatan Het udde.

1 MARARATU 3:3

I Salomo marangngu Mawu wuṛṛu tuttuṛṛutta manga tatantiro wuassu iamangnge, arawe i tou ta'e maṛṛata wuṛṛu mangngonggollu sasamba winatangnga su al᷊awo'u tampa.

1 MARARATU 3:6

I Salomo sinumimbakka, “Mawu, I'o buatte napal᷊iatta'a manungku I'o tumaniten marangngu iamangku Daud, allang-Ngu udde. I tou mapia, tawe awusune see matamudda Si'o. Wuṛṛu naola'a wataṛṛune manungku sarangkal᷊o'enge I'o sidutu mandangngu si tou, I'o nangonggolla si tou sangkatou ana'a esakka apan uaparenta nallol᷊ossa si tou.

1 TAWARIKH 28:7

Amungkangu i tou ringannu atonna-tonna sidutu tuttuṛṛutta anambon tita wuṛṛu manga parenta-U ere lai buatte niolangnge orassa indi, Ya'u sarun manohassa araratuanne saran mal᷊annu-l᷊annu.’ ”

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

2 TAWARIKH 29:2

Hizkia inolaanne maal᷊uassa naungngu Mawu ere lai i Ratu Daud iupungnge.

2 TAWARIKH 34:2

Inolaanni Yosia maal᷊uassa naungngu Mawu; i tou nangaṛṛussa si Ratu Daud iupungnge, wuṛṛu matuṛṛutta anambon titan Duata ringannu ahewallu naungnge.

DARALO 132:12

Amungkangu manga anangngu matuṛṛutta su paaire-U, wuṛṛu maddaringikka manga parenta-U, ne saran mal᷊annu-l᷊annu papapulunni mangitou mallol᷊ossa si'o maola'a ratu.”

DARALO 21:4

I'o nirumanta ringanni tou uaapiddu al᷊amatta manambo, wuṛṛu nalluṛen araposa wul᷊awanna su puane.

DARALO 21:5

I tou sussal᷊ande wiakka, ne I'o nangonggola si tou, ewe'e lai uukka mal᷊o'engnga saran mal᷊annu-l᷊annu.

DARALO 91:16

I Tou sarun Ta'u onggol᷊annu uukka mal᷊o'engnga, wuṛṛu Ta'u iapasal᷊amatta.”

AMSAL 3:16

Asingkatta mangngonggollu uukka mal᷊o'engnga, paa'ala wuṛṛu awawantuga.

AMSAL 3:2

tadea'u mal᷊o'engnga uukku wuṛṛu i'o mabbiakka su al᷊aluassa.

ZAKARIA 3:7

“Amungkangngu i'o tumuṛṛutta manga tita-U wuṛṛu mappaamattu manga manara apan Ta'u nionggolla si'o, ne sarangkal᷊o'engnge i'o wotongnge mabbali piaṛṛa'a sulal᷊ummu Wal᷊e-U wuṛṛu mammaresi rallakke. I Ya'u sarun maddaringikka manga aal᷊iomannu, ere lai i Ya'u maddaringikka aal᷊iomannu mala'ekatta apan uatana'u marani-Ku.

WATTI'U MANGA RASUL 13:22

Napawe Ruata nanossokki tou wuassu aiananne, Ruata nanenegi Daud maola'a ratu mangitou. Wuṛṛu ete indi apan iwabal᷊on Ruata su ola'i Daud, ‘I ya'u suete naasomba si Daud ana'i Isai udde sangkatou apan ma'al᷊uassa naung-Ku. Tumba'u i tou taumata apan mangngamattu apulu-U.’

TAHIUL᷊E 25:15

Pappaatten timbanganna wuṛṛu supa'a apan naṛṛino, tadea'u uukki yamiu mal᷊o'engnga su wanua apan nionggolu Mawu Ruatanu si yamiu.

TAHIUL᷊E 5:16

Pangaddata wuṛṛu pamadul᷊ite iamangngu wuṛṛu inangngu; uddewe parenta-U, Mawu Ruatanu, tadea'u i yamiu su lal᷊umanna'a wuṛṛu tatuwone iapal᷊o'e su wanua apan Ta'u ionggola si yamiu.

TAHIUL᷊E 5:33

Ola'e sarangkanambone apan nititan Mawu Ruatanu si yamiu tadea'u i yamiu su lal᷊umanna'a wuṛṛu sidutu mattatana'a su wanua apan sarun atanaanni yamiu.”

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.