1 MARARATU 22:8 - WUKE SUSI WATTI'U AL᷊AL᷊USASSA

⁸ I Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu tawe saran paassa i tou maramallu apa apan mapia si ya'u; sidutu apan dal᷊eo.” “Eh, arie pabbisara aroddi!” sasimbakki Yosafat.

1 MARARATU 22:8 ပူးပေါင်းရင်းမြစ်များ

PANDARIADDI 37:8

“I'o massunna manungku i'o sarun maola'a ratu wuṛṛu uataṛṛino si yami?” wisaran manga iaangnge. Ana see lembon massa'ute i mangitou si tou ana waugu manga wal᷊iawane wuṛṛu ana waugu sarangkanambone apan buatte niwatti'i tou.

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

1 MARARATU 19:10

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara tumba'u ana waugu I'o sassane. Arawe umattu Israel nilumawangnga paairen mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane nallambe, wuṛṛu orasa indi i mangitou maddea'a mamate si ya'u lai!”

1 MARARATU 19:14

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara ate su huna-Nu sassane. Arawe umattu Israel nilumawangnga pa'aire mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane apan nallambe, wuṛṛu orassa indi i mangitou maddea'a mamate si ya'u!”

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

1 MARARATU 22:13

Tantal᷊anna udde daroloṛṛanna apan nangal᷊appa si Mikha, nabbisara si Mikha, “Anambon nabi apan waine nami'attu auntungannu ratu. Doronganni Papa lai mami'attu apan mapia ere i mangitou.”

1 MARARATU 22:18

Ana see unni Ahab si Yosafat, “Atonna wisara'u, are? Tawe saran paassa i tou mani'attu apan mapia si ya'u! Sidutu tumba'u apan dal᷊eo!”

1 MARARATU 22:27

Doloṛṛa'a i mangitou mantaṛṛon tou sulal᷊ummu tuttupanna, wuṛṛu mangonggolla si tou anna wuṛṛu ua'e addio'a ma'oman sara i ya'u mabbelengnga ringannu sal᷊amatta.”

1 MARARATU 22:7

Arawe i Yosafat naiwal᷊o apia, “Apa isindi tawe nabi waine apan botongnge maiwal᷊o su Mawu hunan kite?”

1 MARARATU 22:9

Ne i Ahab namaggote sangkatou mammamanaran araratuanna ana see nandolokki tou inai pinapaal᷊appa si Mikha.

2 MARARATU 9:22

“Apa i'o rumanta ere sangkatou hawe?” aiwal᷊on Yoram si Yehu. I Yehu sinumimbakka, “Apa wotongnge mariaddi ere sangkatou hawe, amungkangu isindi ta'e manambo taṛaroti, wuṛṛu ta'e pia pasasubba monganna apan tinattaki Izebel Inangngu udde?”

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

DARALO 34:21

Wadangnge sidutu lal᷊u'arannu Mawu, wuassu duṛṛine tawe saran sambua paddianna.

AMSAL 15:12

Taumata apan apulune mangngal᷊uandaga maddiri tagguanna; i tou maddiri maddorongnga tatantiron taumata pande.

AMSAL 29:10

Taumata apan masaṛṛionto'a naungnge ipabbinsin taumata apan maroun daṛṛa, arawe lal᷊u'arannu taumata mapia.

AMSAL 9:8

Imbaṛṛangnga mapasal᷊an taumata apan maddiri aṛṛaanna, i tou sarun maisaseennu. Arawe amungkangngu taumata pande ipantingidda pasasal᷊ane, i tou sarun mangaddatta si'o.

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

YESAYA 30:10

I mangitou mabbisara su manga nabi, “Paal᷊annabba tutuwa'a moṛṛongnga! Arie pabbal᷊o si yami apa apan naṛṛino, ewe'e apa apan aapuluanni yami udde daringiṛṛanna. Wala'e i yamiu sidutu mabbal᷊iawa.

YESAYA 49:7

Ruata na'ukkassa Mananal᷊amattu Israel nabbisara su taumata apan tumaniten aal᷊uandahanna, wuṛṛu ipaddantinnu manga walahanna see lai naola'a allangngu manga tembonanne, “Manga ratu sarun maasilo inolaang-Ku; i mangitou sarun dumarisikka mangaddatta si Ya'u. Manga tembonanne sarun maasilo lai, ana see umal᷊intudda massubba.” Udde matipussa ana waugu Mawu buatte namile allang-Nge; Ruata na'ukassu Israel satia su paaire-Ne.

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

YEREMIA 36:23

Aroddi lai i Yehudi napawe buatte nabbasan tatallu ara'e appattu addoanne, ratu namototta wageangnge udde ringannu lari'a addio'a wuṛṛu tinuntungnga sulal᷊ummu putungnga. Etearoddi sidutu niolangnge na'oman sara buke lalul᷊unanna udde nasuen tutungnge.

YEREMIA 38:4

Ne inaite manga tembonanne udde ringannu ratu wuṛṛu nabbisara, “Taumata indi ṛinone iṛṛuumanna pateanna. Ana waugu, ringannu nabbisara aroddi i tou mangngaddio'a ikkattu anambon tantara wuṛṛu taumata waine apan ta'e uatana'a su soa indi. I tou tawe mantul᷊ungnga tumanangnge, ewe'e lai manilaka si mangitou.”

AMOS 5:10

I yamiu maddantinnu taumata apan mannal᷊are atatul᷊idda wuṛṛu apan mabbisara ringannu atonna su pallaṛṛuunganna.

MIKHA 2:11

I yamiu mappandumma nabi apan apulune mammahia wuṛṛu mallinga see mammasingkatta manungku i yamiu sarun maatahuanna anggore wuṛṛu ua'e apan maawu'anna nilumambalanna.”

MIKHA 2:7

Imbaṛṛangnga massunna umattu Israel buatte niwontohannu Mawu! Mawu sarun tawe ma'ola'a olangnge aroddi. I Tou saran paassa tawe mawul᷊i asasabbare-Ne. Wal᷊inewe i Tou uahahatto ringannu masaṛṛionto'a su manga taumata apan ma'ola'a apapia?”

ZAKARIA 11:8

Siri tallu malll᷊u'adda apan maddantingku nanginsue asasabbare'u. I mangitou ta'u nilimbuaṛṛanna sulal᷊ummu tempo sambul᷊anna.

MATIUS 10:22

I yamiu sarun ia'arantinnu anambon taumata ana waugu i yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun iapaaralukka.

YOHANES 17:14

I Ya'u suete namasingkattu wisaran Iamangnga si mangitou, wuṛṛu runia maddantinni mangitou, ana waugu i mangitou wal᷊ine pussa'an dunia, ere i Ya'u lai wal᷊ine tatahuanannu runia.

YOHANES 7:7

Runia indi tawe marantinni yamiu. Arawe i Ya'u atonna-tonna ia'arantinnu runia, ana waugu i Ya'u sidutu mabbisara runia manungku inolaanne lal᷊eo.

GALATIA 4:16

Apa i yamiu orassa indi massunna si ya'u ere seetta, ana waugu i ya'u mabatti'u apapia si yamiu?