1 MARARATU 21:3 - WUKE SUSI WATTI'U AL᷊AL᷊USASSA

³ I Nabot sinumimbakka, “Waillu anggore indi pussa'an iupungngu al᷊amona'u. Ringannu arannu Ruata, i ya'u tawe wotongnge mangonggolla si Tuangnga!”

1 MARARATU 21:3 ပူးပေါင်းရင်းမြစ်များ

PANDARIADDI 44:17

Unni Yusuf, “Tawe! I yamiu madiri ma'ola'a aroddi! Tumba'u i tou apan niasombanganna piala udde sarun maola'a allangku. Ingana'a waine wotongngete ringannu iamangngu.”

PANDARIADDI 44:7

I mangitou sinumimbakka, “Apa pandumanni Tuangnga? Yami massalu manungku yami tawe na'ola'a aroddi!

1 TAWARIKH 11:19

I tou nabbisara, “Ringannu arannu Ruata, i ya'u tawe mapa'inumma ua'e indi! Amungkangu i ya'u ma'inumma, i ya'u ere lai na'inumma daṛṛan manga taumata apan buatte nanantillu niawan mangitou!” Nariaddi i Daud mangke maddiri ma'inumma ua'e udde. Eteudde manga inasahaṛṛanni siri tallu tantara apan waṛṛani udde.

AYUB 27:5

Nariaddi, i ya'u maddiri mabbal᷊onu manungku i'o naṛṛino; ma'oman sara nate lai i ya'u mabbal᷊o manungku i ya'u tawe sangkulle.

YEHEZKIEL 46:18

Tembonanne udde tawe botongnge manganu sarang addio'a wuassu darotongngu tumanangnge. Tumba'u letangnge sassane apan botongnge ionggolla su manga anangnge esakka ma'oman sara tawe saran sangkatou wuassu uma-U wotongnge iapatal᷊ei wuassu darotongnge.”

IMAMATTA 25:23

Letangngu tawe wotongnge iwal᷊u'a sarangkal᷊o'engnge, ana waugu leta'a udde wal᷊ine pussaanu, ewe'e pussa'an Duata. I yamiu tumba'u ere taumata raho apan niwala mappaattu leta'a udde.

REENGANNA 36:7

Leta'a pussa'a suapan taumatan Israel sidutu maola'a wageangngu ṛuanganne.

REENGANNA 36:9

na'oman sara leta'a pussa'a udde tawe ma'ingkatta wuassu ṛuanganna sambau watukku ṛuanganna waine. Suapan ṛuangannu walahannu Israel sidutu sarun maatahuanna leta'a pussaane sassane.”

ROMA 3:31

Apa indi atappasanne manungku amungkangngu i ite mangngimanna Mawu Yesus, i ite tumal᷊iudde titan agama Yahudi? Atonna-tonna tawe! Ewe'e ringannu pangangimanni ite udde, i ite mangngaregan tita udde.

ROMA 3:4

Natantuna tawe! Ana waugu nasemakke manungku Ruata sidutu atonna, salaiwe al᷊awo'u taumata mammahia. Sulal᷊ummu Wuke Susi uawoṛṛetta, “Ṛinone i'o aatialanna atonna sulal᷊ummu apa apan iwabbisaranu, wuṛṛu i'o maauntungnga su tempo i'o parikisanna.”

ROMA 3:6

Atonna-tonna tawe! Ana waugu amungkangngu Ruata tawe atatul᷊ida, ereapa i Tou wotongnge mamarikissa runia indi?

ROMA 6:15

Orassa indi apa panginsueanne? Wotongnge i ite ma'ola'a rosa ana waugu i ite tate su parenta titan agama Yahudi, ewe'e su al᷊ungngu taṛṛinon al᷊amattu Ruata? Atonna-tonna tawe!

ROMA 6:2

Tawe! Rosa tate lai uataṛṛino si ite, nariaddi, ṛatadde i ite sidutu mabbiakka ringannu ma'ola'a rosa?

ROMA 7:13

Ei, apa indi atappasanne manungku apapia udde mandantan papate si ya'u? Asinungka tawe! Tumba'u rosa apan mandantan papate udde. Ringannu mappaattu apapia, rosa mandantan papate si ya'u, tadea'u pallal᷊agun rosa aasiloanna ringannu masemakka. Wuassu lal᷊ummu manga parentan Duata, niatialanna manungku lal᷊eo atonna rosa udde.

ROMA 7:7

Amungkangngu aroddi, apa ipabbisaran kite? Manungku titan agama Yahudi lal᷊eo? Asinungka tawe. Arawe ete tita udde apan nangaṛṛa'a si ya'u su ola'u rosa. I ya'u sarun tawe maasingkatta awawal᷊iu udde apa, amungkangngu tawe titan agama namasingkatta. “Imbaṛṛangnga wal᷊iu.”

1 KORINTUS 6:15

Manga tuṛṛangnga masingkata manungku wadangngu eteudde wageangngu wadangngi Kristus. Nariaddi wotongngewe i ya'u manganu sambau wageangngu wadangngi Kristus, see olaanna wageangngu wadangngu sangkatou wawine masandaga? Mangke tawe wotongnge!

GALATIA 6:14

Arawe i ya'u atonna-tonna maddiri lumuassu al᷊awo'u apa, tumba'u su Mawun kite Yesus Kristus apan nate niarussa. Wuṛṛu ana waugu i Tou suete nate niarussa, ne runia tate mangal᷊ene lai si ya'u, wuṛṛu ana waugu runia indi, pendamangku i ya'u lai ere natete.

YOSUA 22:29

Pangimante, yami madiri lumawanna Mawu ara'e mangillol᷊o mattaṛṛamawu si Tou ringannu manamba mezbah waine ara'e sasamba itattambunna ara'e sasamba gandumma, ara'e tumba'u aonggola, arawe mezbah Mawu Ruatan kite piate su saruannu Rasannu Darantan Mawu.”

YOSUA 24:16

Ne ṛuangannu Israel udde sinumimbakka, “Yami tawe saran paassa nanantangngu Mawu, ana waugu massubba Mawu waine!

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.

1 SAMUEL 24:6

Arawe wua'udde, i Daud naapendamma nassal᷊a ana waugu i tou buatte na'ola'a inolanna udde.